العودة   نجران الشامل > °ˆ~*¤®§(*§ الاقسـام العـامـة §*)§®¤*~ˆ° > ● الــديــوانيــة العــامــة●
التعليمـــات قائمة الأعضاء التقويم اجعل كافة المشاركات مقروءة
 

● الــديــوانيــة العــامــة● للكتابه الساخره والقصص الهادفه يفضل الأبداعات الشخصيه

 
 
أدوات الموضوع طرق مشاهدة الموضوع
 
قديم 07-09-2002, 09:51 PM   رقم المشاركة : 1
ملقوف ومضيع






!..Add information..!
 النقاط : 10
المستوى :
عدد الزيارات :
الحالة :ملقوف ومضيع غير متواجد حالياً

 

 
 

 

انا وجحدر والناقه والاسد

ملقوف ومضيع " ابو مطنش " يرجع لكم مع انى كل ما ادخل الديوانيه تجينى ام الركب " يعنى اقوم اتنافض " من الدستور لما قريته لكن تجسرت وقلت ما عليك يا ولد من المشرفين كل اللى يقولونه مزح " امحق مزح " طبعى ملقوف لا تصدقون يا مشرفين المهم مالكم فى الطويله ......

هذي سالفه حصلت لى بالكذب فى احلام اليقظه لوووووووووول

كانت عقارب الساعه تقرب من الساعه حدحش فى الليل وانا وراي من بكره سرحه ولازم اقوم اصلي الفجر ومنها اسرح لمشواري. المهم والله واطفى اللمبات واحاول اتغصب بالنوم والصدق ما كان فينى نوم ولا حولى لانى ما قمت الا عصر.واجيكم اعد من واحد الى عشره ولا فيه امل ولا ساره بعد :D واعد من واحد لميه ولا فيه فايده واعد من واحد لالف وكمان ما فيه فايده.واتخيل الخرفان وهى تطامر فوق الشبك ولا فيه فايده بعد.

واقوم واخذ الدخان وادخن لي شقاره واقوم انفخ الدخان واتخيل شكله وشوي وهو مثل الدايره وشوي وهو مثل السياره وشوي الا وهو كمبيوتر وشوي الا ويطلع لى شكل غريب ولا هو بغريب واستقعد واتذكر اين شفت الشكل ذا. ولا خذت الا وانا متذكر طلع لي شكل جحدر ما غيره :D . قلت لنفسي فرصه خلنى اسولف معه احسن لى من الجلسه لحالي .

وخرت السناح من علي وادعيه بصوت خفيف
ارحب يا جحدر ،،،،، ولا فيه فايده كنه ما سمعنى وانا ما ابغى ارفع صوتى ومن سمعنى من هل البيت قال ذا خبل يحاكي نفسه. وادعيه بصوت اعلى شوي ،،،، ارحب يا جحدر حي الله من جانا ،،،،،،، قال لى بخنة صوته المعروفه ويحك يا ملقوف الا تعلم اني ربيعه وانى اكره من ينادينى بجحدر . اوووووه تذكرت صدق انه يزعل من جحدر واقوم واقول ارحب يا ربيعه ،،،،، قال ابقه حصلنا ايش انت مخبر به يا مضيع:D ؟؟؟؟
قلت انا والله فاضي وشفتك معرض قلت اسولف معك شوي يمكن يجينى النوم ،،،، قال فاضى لك انت ووجهك جعلهنتى محزيه اسولف على راسك الين ترقد اقول قم بس قم .
قلت طيب عندي لك سؤال واتحداك تعرف حله ؟؟؟؟ قال هات والظاهر ما عرفهنت من هو ربيعه ( ضحكت بينى وبين نفسي وبغيت اقول له الا اعرف ان المره طاحت فى راسه الين اسوت ظلوعه هو والشعر ) . قلت طيب ابغى اسالك ايش تتوقع ان امنيتى فى الحياه ؟؟؟؟؟؟
قال اتوقع اذا انت مثلي ان تصير مثل الزير سالم،،،، قلت له تخسى انت والزير وكليب وجساس وابن عباد معكم انا اشلى منكم كلكم . قال ها خبر ايش قد ظويهنت من علوم ،،،، قلت له علوم والا رياضيات ههههه:D ،،،، قال عز الله ان خفة الدم من وجهك بعيده ،،قلت عارف ،،،،، قال عارف زيانى ههههههه :D ، اخس يا جحدر مانت بهين قال اقول لك ربيعه قبحتك الالهه ...... وخرج سيفه فاقوم وارد لبكت الدخان واخرج الولاعه منه فعود يرجع سيفه ،،،،، قلت انا باعلمك ايش جبت من علوم ( وافكر يا ولد ايش ايش ايش والصدق ما لقيت شى بس ما ابغاه يفشلنى قلت مالي الا املح سوالف وابهرها واخمه بها )...... قال اسلم

قلت كان فيه يوم من الايام وانا مسافر على ناقتى موديل السنه كاملة المواصفات ومعي اثنين من اخوياي الواحد ما يوقف فى وجهه عشره من الرجاجيل وهذا اللى خلانى اخاويهم انهم حول شكالتى . المهم يا طويل العمر ( نمشى بالنهار ونرقد بالليل من الشلاه اللى فى روسنا هههههههههه ) ،،، وبعد ما انقطعت بنا الصحراء وابعدنا عن العربان ومشينا حوالي اسبوع ،،،،، ونلقى فى الطريق اربعة رجاجيل منتفين ومقطوعين فى الرمله ويطيحون بين يدينا يبغون لهم ماء يشربون والله وننتعت ونعطيهم الماء ونقهويهم ونحلف عليهم ما يسرون الا بعد العشا ،،،، وبعد العشا حلفنا عليهم ما يسرون الا بعد براد شاهي ربيع اكسبريس ،،،،، وبعد الشاهى حلفنا عليهم ان يمسون عندنا ونعطيهم فراشنا وبطاطينا ( كل واحد معه بطانية مورا الاصليه ومرتبه سليب هاي ) :D ،،،، المهم قلنا نخليهم يمسون وحن بنروح نرقد بعيد علشان ياخذون راحتهم ،،،، عز الله رقدنا والرجاجيل يوم استرقدونا خذوا الزاد والما وخذوا الابل ( دقوها سلف ودعسوا ) ،،،، جات الساعه عشر الصبح وتدق الساعه اللى ثبتناها علشان تصحينا نزين الفطور للضيفان ونقوم والواحد وجهه مثل الذيب ما ضره البرد والنامس غير قمنا الواحد يصهل مثل الحصان يتفلت يبغى هو اللى يزين الفطور ( شكشوكه وكبده ههههههه ) :D ويوم وصلنا محلنا الا ولا حس ولا خبر لضيفانا ولا ( ناقاتنا هههههه ) !!!!!!!!!!

وننتعت وكل منا رد لسيفه ونجيك نتلفت يمين و يسار وفوق وتحت ،،،، وعرفنا ان الرجاجيل لبسونا( السلطانيه ) ،،،، ايه وش القيله ذلحين يا الربع ،،،،، قال واحد من اخوياي خلونا نقص اثرهم ويعلم الله ما يذبحهم كون انا ،،،،، قال الثانى واين نلحقهم والرجاجيل سارين من ليلهم انت ما تشوف اثاري الناقه قدهى ممتحيه من على الخط ( واحد يبغى يسوي نفسه عروف ههههه) ما لنا الا نشر لنا لتكسي يوصلنا لهم لوووووووووووووول :D ،،،،، قلت معصى انت وهو ،،،، واجيكم واصيح صيحه قلت فيها

لك الله يا من غدرهنت بنا ****** ما تسلم من الموت لو يبطي هروبك

(((((( شوي الا جحدر يوم تحمس مع القصيده وقال عطنى زقاره :D ولا تهون واعطيه زقاره واولعها له وقال لى اسلم اسلم )))))))) هههههههههههه

قلت ومن قال سالم قلت لاخوياي يا طويل العمر
لك الله يا من غدرهنت بنا ****** ما تسلم من الموت لو يبطي هروبك
قاطعين الراس وشاربين الدم ***** يا خاين العشره والمعروووووووف

( هذا قصيد الاولين وش اسوي اخترع لكم قصيد )
قلت اسمعوا يا الربع ما لنا الا ان حن نرقد بالنهار ونمشى فى الليل علشان ما تعقرنا الشمس ويذبحنا الضما والرجاجيل ما لهم الا انهم يروحون غرب لانهم لو راحوا شرق كن اذهبناهم يوم حن رقود ( من جنبها ) ولاهم رايحين شمال لان الملك الشمالي فى طريقهم ولا رايحين جنوب لان الملك الجنوبي فى طريقهم ،،، يعنى ما لنا الا نمشى غرب قولوا تم قالوا اخوياي تم تم .
ونجيك يا جحدر قصدي يا ربيعه ونرقد بالنهار ونمشى بالليل وبعد ثلاثه ايام ذبحنا الضمأ ونجيك بعد ما كنا نصهل،،،،، نصهل بعد هههههه ،،،،، وكل واحد نفسه فى ( سيجار كوبي من النوع الفاخر ) ويجى ذاك الليل اللى ما فيه نجوم ولا قمرا وحن كنا نمشى ومعطين انفسنا الخامس من الصدق:D ......

قال جحدر اسلم اسلم ::::::::: قلت له اذا جا بكره انشالله اكمل لك

============================يتبع================== =======

 

 







 
 
قديم 07-09-2002, 10:14 PM   رقم المشاركة : 2
البرنس






!..Add information..!
 النقاط : 10
المستوى :
عدد الزيارات :
الحالة :البرنس غير متواجد حالياً

 

 
 

 

الله يمغثك وين باقي القصة ؟

السلام عليكم اخي واحد موهوب داري ايش هو

يا اخي وين باقي القصة ؟

هههههههههههههههههههههههههه

تحمس جحدر وقال عطني زقارة والله ان ذي لحالها

هههههههههههههههههههههههههههههههههههه

لا تبطي

 

 







 
 
قديم 08-09-2002, 10:37 AM   رقم المشاركة : 3
لا يا شيخ






!..Add information..!
 النقاط : 10
المستوى :
عدد الزيارات :
الحالة :لا يا شيخ غير متواجد حالياً

 

 
 

 

أرحب يا ملقوف ومضيع ........


الله لا يهينك على الموضوع بصراحة مسكت ........ ويدل على إن العقل مابه شي ....... هاوتراني أمدحك لاحد يزعل ثم نعود في دوايا ........


الزبدة الموضوع بيتثبت ولي الله قاله بنودي منه نسخة للمميزة .......

حييتوا :)

 

 







 
 
قديم 08-09-2002, 11:20 AM   رقم المشاركة : 4
ملقوف ومضيع






!..Add information..!
 النقاط : 10
المستوى :
عدد الزيارات :
الحالة :ملقوف ومضيع غير متواجد حالياً

 

 
 

 

لا يا شيخ تنكت ههههههههههه " طيب ابقه "

مادام رد لا يا شيخ فقررت اكمل الموضوع مع انى كنت ناوي اقطع كبودكم عليه:D ولا اكتب الا بجيهان وطلبه." المهم مانى مصدق انه بيروح للمميزه " واذا راح فعلمك معك يا مشرف اعتبر ان ذا اخر موضوع اكتبه وقد اعذر من انذر:D
===============================================
قال جحدر اسلم اسلم

قلت ومن قال سالم ، المهم يا ربيعه اخوياي تعبوا وهلكوا من الجوع والضما وانا مثلهم بس ما ابغى ابين لهم ،، عز الله قلنا نريح شوي من المشى ،، وشوي الا ونسمع صوت ( ااااااصه اسكتوا ) قال واحد من اخوياي ،، قلت بصوت مرتفع اعقب انت ذال ،،، قال ايه ذال يا الداهيه ،،، قلت تذل وانت معي الشرهه علي انا اللى اخاويك ،،، شوي والثانى يقول وطوا صوتكم الله يقلعكم :D ،،،، قلت افا حتى انت ذال يا البليه ،،،، قال يااااااااااااااااخى خل اسئلتك بعدين وخلنا نشوف ايش ذا صوته . عز الله واسكت وانا مقهور من اخوياي اللى كنت معنز عليهم . وشوى يا جحدر الا ويقرب منا الصوت وشي الا وقدامنا اسد اكبر ( منيش ) :D ، المهم ما شفت اخوياي الا والتعب رايح منهم وحطوا ارجيلهم يا راجعااااه . ادعيهم اصيح فيهم يا ورعان يا ورعان ما بلا اسد :D وهم ولا عندك احد جفيل. واقبل على الاسد يا جحدر الا وهو كبيررررررررر مثل ( الناقه مرتين ) :D واجيك انا وهو فى مداوسه وياما عضنى وياما لفخنى بيده وياما وياما . وانا مقاوم عطيت له كم لكمه على كم بقس على كم شوته :D بس ما ضرته لانه يا جحدر كبيرررررررر ( طبعا شفت عيون جحدر منفجله مثل الفنحال ) قلت ممتاز الخبش شبك معي على الخط. عز الله يا جحدر جلسنا فى زي ما تقول مصارعه حره الين قرب يذن الفجر واخوياي هم ذولاك يتشبحون فينى ما حد فزع لي . واجيك بالاسد اجيك به الين لغب ولا عاد ادرج حركه فارد لسيفى ابغى اذبحه ؟؟؟ فقاطعنى جحدر وقال كثر منها يا الداهيه اسد مثل الناقه مرتين وجبهنته ؟؟؟؟ قلت البخ يا جحدر لما قد اللى اشلى منك يسولفون وايش اما الزير ما كنه ذبح له كم اسد وصدقتوه ،، ها مثل ما صدقتوه صدقنى لك البلا. قال اسلم اسلم
قلت ها ولا هي بشبعه كل حين اسلم اسلم ؟؟؟ عز الله يوم بغيت اذبحه الينه يوم طل فينى وقم يتعبر والدموع ماليه عيونه ،، عز الله رحمته قلت نعنابيك ايش بلاك انت ذال ؟؟؟؟؟؟ قال لي الاسد اشوف الموت ولا تبغانى اذل الله يمطخ عقلك:D . شوي الا وجحدر يضحك قلت له ايش بلاك ؟ قال الاسد يتكلم ؟ قلت له طبعا كان كل شى يتحاكى ايام السالفه ذي . قال المهم عن اذنك انت ما عندك ما عند جدتي ،، قلت اقول لك اجلس خلنى اكمل السالفه لا اقوم ادعس فى بطنك :D ،، عز الله جلس الضفعه وقال اسلم اسلم.
قلت للاسد عقلي ممطوخ يا الخبل والا كن جفلت مع اخوياي ،، المهم ترانى مسامحك بس عطنى وجهك ما عاد تتعرض لاحد خاصة من اللى يعزون علي ،، قال هدا وقدا ،، قلت له هداك الله . والشى الثانى ابغاك معنا بدل الناقه الين نحصل اللى سرقونا هاثم الله فك عليك ،، قال قدا وهدا.
عز الله اركب على ظهر الاسد وامر اخوياي ( واطرق لهم ) ويركبون معي ونجيك مع البيحه ماشين على ظهر الاسد ( مشغلين اخر جلسه لمايكل جاكسون وسيلن ديون معه على الربابه ويغنون بصوت واحد وحن معهم ديرتى نجران يا ارض به النوماس عاده .........). ويجيك الاسد ماشي طبلونه فى اثر اللى سرقونا وحن مربطين حزام الامان ومطفين الجوالات ;)

وانشالله المره الجايه نكمل

 

 







 
 
قديم 08-09-2002, 02:36 PM   رقم المشاركة : 5
ملقوف ومضيع






!..Add information..!
 النقاط : 10
المستوى :
عدد الزيارات :
الحالة :ملقوف ومضيع غير متواجد حالياً

 

 
 

 

خلونى اخلصها اجيكم باللى بعدها

عز الله انطلق بنا الاسد ونمشى ونمر من عند محطه على الخط كانت لبنى ( دليع )وناخذ لنا زهاب كوكا وتويكس وفصفص نقطع به الوقت والناس من قبيلة بنى دليع مسغربين من ركبتنا على الاسد ،،،، ويوم قد حن بنحرك ( طبعا ما نسينا الاسد باشرنا عليه بفش فاش وكان مبسوط ):D فاشوف ناقتى يا جحدر واقفه عند باب بيت كبير ،،، واعود واوقف الاسد وافك حزام الامان وانزل وانا عيونى كلها شر ،،، ويوم شافتنى الناقه وصلتها فغير قرطبت تبكي وتنتعت :D وقالت اعقب يا عقبان تخلى الرجاجيل يسرقون ناقتك وانت راقد ( عز الله افتشلت من كلمتها وقمت احاول ارقعها ) قلت هذولا كانوا ضيوف وكنت واثق فيهم وايش تبغينى اسوي وانا ( راعي الهدبا ) ،،، عز الله اسفطها وادق على راعي البيت وشوي الا يوم خرج لي واحد فاقول له انت راعي الناقة ذي ،، قال ما لك لوا راعيها هو عمي الشيخ ( نصع ) وانا السواق حقه ،،،،، قلت ادعه ادعه قل ملقوف ولد مضيع يبغاك عند الباب ،،،، شوي الا والسواق يوم صاح وقال ( جيرة الله عليك اقلط يا ملقوف ) قلت معصي ادع عمك خلنى اتفاهم معه ،،، عز الله خرج علي ( نصع ) ورحب بي ( قال تكفى اقلط يا ملقوف لا تفضحنا عند باقى العربان يتعالمون انك وصلهنت بيتى ولا قلطهنت ) قلت له اقطع واخس يا الهابي وايش جاب ناقتى عندك ،،،،، قال نصع ( ابو جورج ابوه ):D انت من جدك انها ناقتك ،،، قلت يعنى منت بعارف هاه ،،، قال يعلم الله لو دريت انى ما شريتها !!!!! حبيبى شاريها بعد ،،،،، قال ابشر والله بسعدك الناقه جاتك ومعها خمسه حوار و اربعه خروف وثلاثه حصان وثنين شاه وواحد تيس:D ( هذي كرامتك عندنا ) قلت اخلص اخلص على هات اللى قلهنت وعجل ترى مانى بفاضى لك ( شايف نفسي على بنى دليع ) ،،، عز الله جاب اللى قال ونحملها كلها فوق ظهر الاسد ونشتري للناقه ( سنتوب ) ونحرك ندور للى سرقونا ونمشى مكيمين ،،، الاسد ماهو بصاحى بعد الفش فاش عليه سرعه ماهى بصاحيه لدرجة ان الناقه جلست تمزمز فى السنتوب ونسيت ما تربط حزام الامان ولا شفنا الا وهى طايحه ورانا ولا انتبهنا لها الا بعد ما دقت علي بيجر لاني كنت مقفل جوالي :D ونرجع ونشلها وندق الطبلون وشوي الا والرادار زانطنا (ويعطونا مخالفه سرعه ومخالفة حزام امان للناقه الخبش انساها السنتوب ما تلبسه) ،،،، ونواصل الطريق ويوم ربك قال يا جحدر فنلقى ربعنااللى عابو فينا داقينها ( بلوت ) ماهم بعارفين ان سبب النكبات دايم هو البلوت عز الله قال واحد من اخوياي خلنا نجلس ونباري الفايز منهم على خبط:D قال الثانى لا نلاعبهم على اوامر احسن ،،،،،، عز الله يا جحدر تخاصمت مع اخوياي وقوموا يتلفظون علي فاقوم واقطع روسهم كلهم الثنين بضربة سيف وحده ،،،،، قال جحدر كثر منها حد يذبح اخوياه ؟؟؟؟؟ قلت البخ الزير ذبح بزيه ولد اخته امانى اخوياي وبعدين انت اسمع وخلك لابخ ؟؟؟؟؟ عز الله واقبل عليهم ويوم شافونى فما بعد صرت عليهم وردوا لسيوفهم ولانى بالتالي ،،،،،، واجيك بهم يا جحدر الين ذبحت الاربعه كلهم ،،،،، ويوم قدنى ابغى احرك ولين هنا عشرين من ربعهم يوم تحاولونى واجيك بهم لحالي الين افنيتهم وارجع لهلي وفيها سلامتك.
قال جحدر تسلم عز الله انك مصيبه ( تفقل على كيفك ) ،،،، قلت هاه انا والا الزير قال يخسى الزير عندك ( طبعا فى الكذب ):D

وشوي الا يوم اذن الفجر واشوف الا وانا اطفى السيقاره ولا به جحدر ولا اسد واحط راسي ولا قمت الا العصر وفى يدي كرتون السن توب وراح الموعد المهم اللى كنت ابغى اخلصه وفيها سلامتكم.


بس فيه شى للى متبع معى ،،،،، فيه شى ما قلته وهو مهم جدا ،،،، من اللى رايح يقوله لي؟؟؟؟؟؟؟؟؟؟؟:D ;)

 

 







 
 
قديم 08-09-2002, 02:55 PM   رقم المشاركة : 6
abu_faraj







!..Add information..!
 النقاط : 10
المستوى :
عدد الزيارات :
الحالة :abu_faraj غير متواجد حالياً

 

 
 

 

 

 







 
 
قديم 08-09-2002, 07:27 PM   رقم المشاركة : 7
منتظر






!..Add information..!
 النقاط : 10
المستوى :
عدد الزيارات :
الحالة :منتظر غير متواجد حالياً

 

 
 

 

ررررررررراااااااائع

[poet font="Simplified Arabic,4,darkblue,normal,normal" bkcolor="transparent" bkimage="backgrounds/115.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=red,strength=1)"]
والله قمة في الفقال يا(ملقوف ومضيع)
يارجال حرام أني دخلت جو مع السالفة
وأني َضحكت ضحك قدلي منه خاصة على كلام
الناقه يوم شافتك
يعطيك مليون عافية على ذي الفقلة
وفي أنتظار جديدك الأجمل

أخوك.................م ن ت ظ ر
[/poet]

 

 







 
 
قديم 11-09-2002, 03:21 AM   رقم المشاركة : 8
الشقاوي






!..Add information..!
 النقاط : 10
المستوى :
عدد الزيارات :
الحالة :الشقاوي غير متواجد حالياً

 

 
 

 

ياخي بعد ذا القصه لازم تعدل اسمك
حط اسمك ملقوف ومضيع ومبدع

الاخ ملقوف ومضيع قله جدا من يمتلكون هذا الخيال الرائع

ارجوا ان لا تحرمنا من ابداعاتك ولا تبطي علينا

سجلني من المعجبين لاهنت وشينيما دريت ايش اللي انت ما قلهنته :D

 

 







 
 
قديم 11-09-2002, 11:28 PM   رقم المشاركة : 9
ملقوف ومضيع






!..Add information..!
 النقاط : 10
المستوى :
عدد الزيارات :
الحالة :ملقوف ومضيع غير متواجد حالياً

 

 
 

 

كل الشكر لجميع الاخوان

الاخ البرنس : كل الشكر لك واعتذارى لشخصكم الكريم لعدم ردي عليك فى المره السابقه الصدق انى ضيعت ولا عاد عرفت من يوم شفت لا يا شيخ راد على موضوعى ويمدح:D

الاخ ابو فرج : اشكرك من كل قلبي على المرور;)

الاخ منتظر : شفت مالى الا الفقال ياخوي لغبنا وحن " منقول " ومشكور على مرورك " ودورياتك " على الموضوع:D

الاخ الشقاوي : اشكر لك ردك على الموضوع وما ردك هذا الا وسام على صدري فكل الشكر بس ابغى اقول لك حرام عليك :




جلست ادور لمعنى الكلمه ذي "وشينيما ":D فكرتها فلبينى بس ابشرك عرفتها وحاول مرة اخرى:D

 

 







 
 
قديم 25-09-2002, 11:40 AM   رقم المشاركة : 10
صامت الحيره






!..Add information..!
 النقاط : 10
المستوى :
عدد الزيارات :
الحالة :صامت الحيره غير متواجد حالياً

 

 
 

 

وجدتها ....

موضوع ومشاركة تستحق التصفيق والتميز ...شكرا لك من الاعماق أخي مفلوق ومعيط ... آسف قصدي ملقوف ومضيع ... ونحن في أنتظار جديدك ..
وتقبل تحياتي ...
أما بالنسبه للي ماقلهنته فأظن إنه (يتبع ) لتكملة الموضوع .
إيش رايك ..... ولا ماني براعيها .

 

 







 
 
قديم 25-09-2002, 02:13 PM   رقم المشاركة : 11
ملقوف ومضيع






!..Add information..!
 النقاط : 10
المستوى :
عدد الزيارات :
الحالة :ملقوف ومضيع غير متواجد حالياً

 

 
 

 

الاخ najran 55 : حياك اخوي ومن قال ما يهون وحرام عليك ودي يوم جاك النوم انك رقعهنت لك زقاره وتخيلهنت يمكن يخرج لك جحدر ويقول باقى السالفه اللى ما قلتها:D

الاخ صامت الحيره : يا خوي انا مضيع بس الظاهر انك مثلي :D وايش عاد يتبع والسالفه قد خلصنا منها :D مالك لوى ما عاد فيه يتبع فيه غيرها:D ترى ما باقى لك الا اتصال بصديق من وسايل المساعده:D

 

 







 
 
قديم 25-09-2002, 07:16 PM   رقم المشاركة : 12
najransma






!..Add information..!
 النقاط : 10
المستوى :
عدد الزيارات :
الحالة :najransma غير متواجد حالياً

 

 
 

 

جعلك والله تسلم يعلم الله أنّي قبل أقراها أنّي في هم مايعلم به الاّ الله وانّي بعدها قد ضحكت ضحكن مابعد ضحكته في حياتي عزّا الله أنّك ملقوف ومضيّع ومتميّز بعد .

 

 







 
 


أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة



Linux Web Hosting By Arvixe
الساعة الآن » 06:53 PM.


Powered by vBulletin® , Copyright ©2000 - 2014, Najran
جميع الحقوق محفوظه