الشيب يا خــــــالد بداء قبل حله=فنكان ذا كبر فلاني بجــــــــــــــــــزاع
مدري يلاه امفارق الخــــل خله=والا البنادق يوم ناتي لها انصـــــــــــاع
يا ما نطحنا من جموع مضــــله=وياما عشقنا من حسينات الاقنــــــــــاع
وياما خذينا دق ذود وجـــــــــله=معاد ينفع فيه صايح وفــــــــــــــــــزاع
تشعاة قوم صـــــــــابحت مدهله=مثل السباع اللي مضاريم وجيــــــــــاع
ولحقو هل الابـــل ما نوونا بذله=على ظهور مجاذيت كل مصـــــــــراع
وقداها ورانا واحتما الهوش كله=ثم اعترض بالسوق شاري وبيـــــــــاع
وردو بنى عمي بخيل وســــــله=ترجف حوافرها ويرجف بها القـــــــاع
اليا اقبلت كنها القنوف المــــهله=ولا زعزعو مرزوق ياتنك اريـــــــــاع
راحو هل الابل خلوا المــال كله=من ضرب قوم لا احما الهوش بتــــــاع
ترمي الجنايز مثل رمي الاجـله=يشبع بها ذيب الدويه اليا جـــــــــــــــاع
اقفا كبير القوم كونه يشــــــــــله=اما قدم ولا صويب ومرتـــــــــــــــــاع
من ضرب قوم للمكاتــــل امدله=عجمان اليامنه وقـف عـــــــابر الصـاع
نواسة الحــــــــربي الياشان دله=لينه يجي عقب الصعا طير مطـــــــواع
خصيمنا جمعــــــه غدا فيه خله=لاهوب للجه ولا هوب للقـــــــــــــــــاع
اقفا وعطبات الضـــــرائب تمله=خلي السواد وهمل الذود رتــــــــــــــاع
ومن الفشل ماله عظــــــام تشله=نعطيه من مر العنا بـــــــــــــاع وذراع
حرب مشينابه على كل مـــــــله=بفرنجي ضربه يجي له تنـــــــــــــيزاع
وسيوف الهنادي جالهنه اضلـه=يكشف سناها كنه البرق لمـــــــــــــــاع
وان بكر الوسمي بحسبت الاهله=نزعى الخطر غصب على كل طمـــاع
حريبنا يقفى وكــــــــــــبده مغله=اليا ذكرنا في حلى النوم يرتـــــــــــــاع
واليا عقد عقدا لزوم نحـــــــــله=وليا ذرع ذرعا جزيناه بالبـــــــــــــــاع
وان صاح صياح على راس تله=جينا على قب سريعات الافــــــــــــراع
وان جا نهار فيه شله وخـــــــله=يوم على العدوان جاله تمريـــــــــــــاع
والطير الابرق ما ينجيه ذلـــــه=لاجاه حراٍ لا بـــــــــــرق الريش شلاع
ونستاهل الفنحال لامال ضــــله=في دلة يعبى لها خمســـــــــــــــة انواع
في مجلس رعى الشرف ما يمله=وسوالف يطرب لها كل سمـــــــــــــاع
ونار تواقد ما حطبها بجــــــــله=ونجر يصوت كنه الذيب لاجــــــــــــاع
وهاذي طرأة الروح من قبل حله=ولأجل ماله غير مولاه دفـــــــــــــــاع
مع لابه تسقى العـداء كاس عله=لباسة الجوخ المشــــــــــــكل ولا دراع
وان عاش راسي والسعد مقبل لـه =اني لافضوبهم على كل لاســـــــــــناع
اعزهم وادمج لهم كل زلــــــــه= عزي وزرعي لا حصـــــــد كل زراع
وكل على فعله للسانه يدلـــــــه=وقول بلا فعلا مثل ضــــــــــايع ضاع
وصلاة ربي عد وبل بهلــــــه= على نبي للمخاليق شفــــــــــــــــــــاع
العرض العادي
