المساعد الشخصي الرقمي

مشاهدة النسخة كاملة : مسكين من فارق حبيبه

بدوي
11-04-2002, 12:43 PM
عزي لقــلـب كـل هم يشـيله =وعزي لعين تشتكي من سهرها

مالوم عيني لو بكـت كل ليله =حتى لو إن الدمع يضعف بصرها

قلـبي تعلق عنـد بنت جميله =غزالة تسلب عـقـل من نظرها

حبيتها قدلي سنـين طـويله =تلعب بي الامواج داخل بحرها

حبيتها واليوم روحي عليله =وياليت في نجران احد(ن) ذكرها


وين الصديق اللي نبا نشتكيله =عـساه يعطيني حقـيـقة خبرها

الله يسقي دار ذيك الجميله =جعل السحاب يعلها من قطرها

مسكين والله من يفارق خليله =عينه تهل دموعها من قهرها

هنا كلام اللي جروحه عليله =ابيات في غض النهدنختصرها

وسلامتكم



أمـــــــــــــــــــــــــور

بدوي


لغبت وانا احدرها واقبلها عيت ماترتب ..... السلام نظر :D :D
بدوي
11-04-2002, 12:49 PM
بالله اي واحد من المشرفين الله لايهينكم يرتبها لغبت راح ليلي فيها وانا اعدل و امسح واكتب الله لايهينكم :D
<--- مافي راسه في الكمبيوتر :D


أمـــــــــــــــــــور

بدوي
موق
11-04-2002, 03:28 PM
أخي الفاضل // بدوي

مسكين والله من يفارق خليله
:::::عينه تهل دموعها من قهرها

إجتذبتني حروفك الجميله وأبياتك الرائعه وحبك الأروع
حروف خرجت من القلب للقلب .... لاتحرمنا من مايكتبه قلبك

تحياتي

موق
بدوي
11-04-2002, 06:35 PM
جعل عيني والله ماتبكيك ياسايق الخير تسلم والله على التعديل

الأخت موق : شكرا على الرد والتشجيع والله يقدرني واقدم اللي اقدرعليه بس القى التشجيع .


أمـــــــــــور

بدوي
جرفان
12-04-2002, 04:39 PM
صح لســانك يا ذيب :)

و قصيــده رائعــه جداً طيبه <<=== ما يطيعه يمدح :D

هذا شيء من ابداعــك .. ابغــى اشوف باقي القصــايد تنزل هنا .. و الا بيجــي دعس :D ما بلا امزح .. لا تصدق ثم تطمر في عطفي .. علي الحرام مسطــح ما فيني لك :D

نســلم عليــك :) .......................... ارزاق :D
بدوي
12-04-2002, 05:16 PM
ههههههههههههههههههههه

حيا الله ابو حمد وين الغيبات يارجال ...... بيجي دعس هاه :D

ابشر بسعدك ولا يهمك يابو حمد غالي والطلب رخيص والله يعين باه <----- مصري الاخ :D


أمـــــــــــــــــــــــور

بدوي
الوليف
12-04-2002, 06:01 PM
استاذي ....بدوي


سلامة قلبك وعينك من هموم تعانيها يا ستاذي انت..


قصيده غايه في الجمال ...


تعانقت معاها عناق المحبين يا سيدي


بدوي...قصيدتك مرت على جروح اعانيها يا سيدي



ما اقول



الا صح السانك على كل حال
بدوي
14-04-2002, 03:58 AM
اخوي الوليف الله يسلمك من الشر ان شاء الله ....

افتشلت ههههههه:D .... اشكرك على الاطراء والرد الرائع والله لايحرمنا منكم.

وتقبل فائق احترامي .


أمـــــــــــــــــــــــور

بدوي
أحمد آل حارث
22-04-2002, 02:18 AM
اخوي البدوي صح لسانك قصيده جميله ويزيدها جمالا انك كاتبها

لاعدمنا حضورك المتميز وفي انتظارك والمزيد ,,,,,,

تقبل خالص تحياتي ولاهنت .;)
بدوي
22-04-2002, 02:58 AM
اشكرك اخي احمد على الرد ويكفيني ردك واعجابك يسوى عندي الكثير وهذي نقطة من بحركم والله يقدرني وارضيكم ..

خالص الاحترام


أمــــــــــــــــور

بدوي
محمد بن مدران اليامي
22-04-2002, 01:45 PM
هذا كلام اللى جروحه عليلة

****** ابيات فى غض النهد نختصرها .


صححححححححححححت .

صح والله لسااااانك انا اشهد انك رااائع ياصاحبى

اخوك محمد مدراااااااان .
بدوي
23-04-2002, 06:40 PM
هلا والله أخوي محمد يكفيني من الشرف مرك على القصيده وتسطير ردك والله ..

ولافيه رائع الى انت يالرائع . .... . تحياتي


أمــــــــــــــــور

بدوي