جيتكم من حدرى
03-04-2002, 04:28 PM
الواحد احياناً يكون تفكيره معقول ولا يفكر الا حسب الإمكانيات المتاحة له ولا يمكن ان يتوفر لديه سوى الخيال فأنا لم أكن اتصور انني سأسافر خارج مدينة نجران ابداً ويوم الله راد سافرت جده والرياض والشرقيه كمدن يطمح الواحد في السفر اليها بصفتها المدن الكبرى في المملكة وما تشهده من تطورات مواكبة لتطورات العصر الحديته ويوم هنا فلينني يوم رحت مصر ثم سوريا ثم ....عربي في عربي ,
وفي يوم من الأيام جاني علي وسالم وقالوا لي:ابوحدرى ايش انت من لحيه .
قلت:افا عنزوا علي ولا تعنزون على جبال.قالوا:ان حن والله دارين .
هالقصد طولة عمرك.حن رجاجيل ملينا من السفر الى الدول العربية ونبغى نسافر اوروبا وانت خوينا ومثلك عارف ماعندنا لغة مثلك.
سكت شوي وقلت في خاطري:(يالهفي ياناه يبغونني اخرج من الكرة الأرضية كلها واروح اوروبا واشوف باجيو وبيرجكامب وبيرهوف واصور معهم والعب كوره معهم )ابشروا بسعدكم ولايكون خاطركم الا طيب احجزوا لنا على اوروبا(انا احسب ان اوروبا دولة واحده )والترجمة ازهلوها ولا تشلون حمل .(احسب ان العالم كلة ياعربي يانجليزي )حجزوا الشباب وجاوني ترى حن حجزنا وسفرنا بعد بكره الى رومانيا .قلت :الله رومانيا يعني بلقا جورج هاجي والله اني دوخت ياشباب .
بديت استعد للسفر واتخيل ناطحات السحاب اللي تتعدى السحب والخضار اللي مالي
الشوارع والعصابات اللي يترامون فيما بينهم ويذبحون من شافت عيونهم .
واقوم واروح لهنا محل كله بدل وبناطيل وقلت لهم:انا مسافر رومانيا وابغى ملابس انجليزيه مشهوره وزينه .واقوم اتنقا (حقره بقره )وارقع لي كم بدله وكم بنطلون وجنز واحفشها في الشنطة .ولأني المترجم كان لابدمن زيادة ثقافتي الأنجليزية شوي .تعرفون yesوnoتمشي الحال ولازم نزيد عليها شوي علشان يمشي الحال واخذ مترجم ابغى ازيد بعض مما ينقصني من معلومات مهمه.طرنا الى جدة ومنها الساعة الثانية فجراً وركبنا الطيارة وقلت لخوياي ترى حن بنوصل هناك بالليل لأن النهار عندنا يعني عندهم ليل ونجلس في مقاعد جنب بعض ولين جنبنا اشكال غريبة واشتبهنا فيهم وذلينا لايختطفون الطايرة .المهم جمعت العيال ورسمت لهم الخطة الفعلية في حالة ان حد من المشتبه بهم يقوم وكانت الخطة كالتالي:اذا قام واحد منهم يلحقه علي ويراقبه والثاني اذا قام في نفس الوقت يتلقى له ابوحدرى ويراقبه وسالم ينطلق للكابتن يعلمه.واذا بدر أي تصرف يطمر فيه الشخص اللي مكلف بمراقبته الين يفزعون له العرب اللي معه في الطياره.خذينا وقام واحد قلت:علي الرجال قام .قال:هذا اللي انت مكلف به.ونقلبها خصمة من اللي يقوم ورى الرجال (عير مصطح من الافريقيين)وقام سالم وراه وهو يخاصمنا علشان حن لخبطنا الخطة.ويوم جا ولين الرجال في دورات المياة وجلس ينتظره يعني انه صاف سرى للحمام (خطة جهنمية)خذينا وخرج من الحمام ودخل سالم بسرعة قبل ماتقرح القنبلة (يبندها)ودور في ذا الحمام ولا حصل شيء .ورجع لمكانة .ويوم خذينا حوالي ساعة ولين الاخر يوم قام فدغزت سالم وقلت:دورك الجال يبغى يكمل باقي خطتهم.قال:انت اللي قم انا اللي باعلم الكابتن .لحقت الرجال وانا مرخي الحزام واتخيل السدحان والقصبي يوم انقذوا الطيارة بفدائية .وورى الرجال يمين يسار ماخلا محل في الطيارة مامره رايح جاي (شكله يتحرك لأن الرحلة طويلة)وانا حاط في بالي ان الرجال يحدد اهدافه وخطته حسب ما سدوا علية.
وعود لمكانه وجلس وحن نراقبهم حسب الخطة الموضوعة والناجحة ولين هم يوم رقدوا .فقلت:اثنين يرقدون وواحد يراقب .وانا اللي باراقب ماصدقوا خبر وحطوا رووسهم.وانا مثل الذيب عين مغمضة وعين مفتحة .ويوم شفت ولين واحد يوم قام وقوم الاخر وبرزوا وامسك واقوم العيال .وقلت:الخطة بدت والربع يبغون ينفذونها واخواني ياخواني حسب الاتفاق لا حد ينسى الدور اللي موكل اليه .قالوا:ابشر بسعدك.وننتظر ونرقب ولين وين ان حد منهم قام دخل للحمام وخرج لمكانه ولا خذ له فره ورجع وحن مطبقين الخطة نتبعهم من اين ماراحوا.ويوم هنا ولين الكابتن يقول:سيداتي وسادتي نرجو الجلوس في مقاعدكم وربط الأحزمة استعداداً للهبوط في مطار فرانكفورت نظراً لحدوث خلل فني وسيتم اصلاحة في مطار فرانكفورت ومن ثم مواصلة الرحلة .قلت:يلعن ابو شكلكم الرجاجيل اجادوا في خطتهم وعطلوا الطياره يابقر وانتوا رايح جاي على عماها وشكلهم يبغونها توقف هنا ثم يخلوننا رهاين مثل الغنم .قال سالم:احسن شيء نطلع في التلفزونات وتشوفني امي وتقوم تبكي.قلت:البخ يالنعجة .وانتبه الجد وصل واذا واذا طمرنا في حلوقهم الين يعوننا اخويانا الباقين.وهبطت الطايره في فرانكفورت وقالوا انزلوا الين تزين الطيارة ونزلنا وحن في السيب سألت واحد عربي وقلت:هذي رومانيا.قال:لا هذي المانيا.ورجعت للعيال ياعيال:انتوا دارين اين حن.قالو:فين.قلت:في المانيا اللي مايتكلمون مع العرب وشايفين انفسهم ولا يشوفوننا الا مثل الذبان ولايبغون حد يحاكيهم .
وفي يوم من الأيام جاني علي وسالم وقالوا لي:ابوحدرى ايش انت من لحيه .
قلت:افا عنزوا علي ولا تعنزون على جبال.قالوا:ان حن والله دارين .
هالقصد طولة عمرك.حن رجاجيل ملينا من السفر الى الدول العربية ونبغى نسافر اوروبا وانت خوينا ومثلك عارف ماعندنا لغة مثلك.
سكت شوي وقلت في خاطري:(يالهفي ياناه يبغونني اخرج من الكرة الأرضية كلها واروح اوروبا واشوف باجيو وبيرجكامب وبيرهوف واصور معهم والعب كوره معهم )ابشروا بسعدكم ولايكون خاطركم الا طيب احجزوا لنا على اوروبا(انا احسب ان اوروبا دولة واحده )والترجمة ازهلوها ولا تشلون حمل .(احسب ان العالم كلة ياعربي يانجليزي )حجزوا الشباب وجاوني ترى حن حجزنا وسفرنا بعد بكره الى رومانيا .قلت :الله رومانيا يعني بلقا جورج هاجي والله اني دوخت ياشباب .
بديت استعد للسفر واتخيل ناطحات السحاب اللي تتعدى السحب والخضار اللي مالي
الشوارع والعصابات اللي يترامون فيما بينهم ويذبحون من شافت عيونهم .
واقوم واروح لهنا محل كله بدل وبناطيل وقلت لهم:انا مسافر رومانيا وابغى ملابس انجليزيه مشهوره وزينه .واقوم اتنقا (حقره بقره )وارقع لي كم بدله وكم بنطلون وجنز واحفشها في الشنطة .ولأني المترجم كان لابدمن زيادة ثقافتي الأنجليزية شوي .تعرفون yesوnoتمشي الحال ولازم نزيد عليها شوي علشان يمشي الحال واخذ مترجم ابغى ازيد بعض مما ينقصني من معلومات مهمه.طرنا الى جدة ومنها الساعة الثانية فجراً وركبنا الطيارة وقلت لخوياي ترى حن بنوصل هناك بالليل لأن النهار عندنا يعني عندهم ليل ونجلس في مقاعد جنب بعض ولين جنبنا اشكال غريبة واشتبهنا فيهم وذلينا لايختطفون الطايرة .المهم جمعت العيال ورسمت لهم الخطة الفعلية في حالة ان حد من المشتبه بهم يقوم وكانت الخطة كالتالي:اذا قام واحد منهم يلحقه علي ويراقبه والثاني اذا قام في نفس الوقت يتلقى له ابوحدرى ويراقبه وسالم ينطلق للكابتن يعلمه.واذا بدر أي تصرف يطمر فيه الشخص اللي مكلف بمراقبته الين يفزعون له العرب اللي معه في الطياره.خذينا وقام واحد قلت:علي الرجال قام .قال:هذا اللي انت مكلف به.ونقلبها خصمة من اللي يقوم ورى الرجال (عير مصطح من الافريقيين)وقام سالم وراه وهو يخاصمنا علشان حن لخبطنا الخطة.ويوم جا ولين الرجال في دورات المياة وجلس ينتظره يعني انه صاف سرى للحمام (خطة جهنمية)خذينا وخرج من الحمام ودخل سالم بسرعة قبل ماتقرح القنبلة (يبندها)ودور في ذا الحمام ولا حصل شيء .ورجع لمكانة .ويوم خذينا حوالي ساعة ولين الاخر يوم قام فدغزت سالم وقلت:دورك الجال يبغى يكمل باقي خطتهم.قال:انت اللي قم انا اللي باعلم الكابتن .لحقت الرجال وانا مرخي الحزام واتخيل السدحان والقصبي يوم انقذوا الطيارة بفدائية .وورى الرجال يمين يسار ماخلا محل في الطيارة مامره رايح جاي (شكله يتحرك لأن الرحلة طويلة)وانا حاط في بالي ان الرجال يحدد اهدافه وخطته حسب ما سدوا علية.
وعود لمكانه وجلس وحن نراقبهم حسب الخطة الموضوعة والناجحة ولين هم يوم رقدوا .فقلت:اثنين يرقدون وواحد يراقب .وانا اللي باراقب ماصدقوا خبر وحطوا رووسهم.وانا مثل الذيب عين مغمضة وعين مفتحة .ويوم شفت ولين واحد يوم قام وقوم الاخر وبرزوا وامسك واقوم العيال .وقلت:الخطة بدت والربع يبغون ينفذونها واخواني ياخواني حسب الاتفاق لا حد ينسى الدور اللي موكل اليه .قالوا:ابشر بسعدك.وننتظر ونرقب ولين وين ان حد منهم قام دخل للحمام وخرج لمكانه ولا خذ له فره ورجع وحن مطبقين الخطة نتبعهم من اين ماراحوا.ويوم هنا ولين الكابتن يقول:سيداتي وسادتي نرجو الجلوس في مقاعدكم وربط الأحزمة استعداداً للهبوط في مطار فرانكفورت نظراً لحدوث خلل فني وسيتم اصلاحة في مطار فرانكفورت ومن ثم مواصلة الرحلة .قلت:يلعن ابو شكلكم الرجاجيل اجادوا في خطتهم وعطلوا الطياره يابقر وانتوا رايح جاي على عماها وشكلهم يبغونها توقف هنا ثم يخلوننا رهاين مثل الغنم .قال سالم:احسن شيء نطلع في التلفزونات وتشوفني امي وتقوم تبكي.قلت:البخ يالنعجة .وانتبه الجد وصل واذا واذا طمرنا في حلوقهم الين يعوننا اخويانا الباقين.وهبطت الطايره في فرانكفورت وقالوا انزلوا الين تزين الطيارة ونزلنا وحن في السيب سألت واحد عربي وقلت:هذي رومانيا.قال:لا هذي المانيا.ورجعت للعيال ياعيال:انتوا دارين اين حن.قالو:فين.قلت:في المانيا اللي مايتكلمون مع العرب وشايفين انفسهم ولا يشوفوننا الا مثل الذبان ولايبغون حد يحاكيهم .