جيتكم من حدرى
31-03-2002, 06:53 PM
قلبناها يمين يسار ويش القيلة في ذا الجوازات والله افتضحنا وراح الشر .قلت :تدرون الاوله من الاولات فالشرهة ماهي بعليكم الشرهة علي اللي ركنت على مبزره ما بعد فكوهم هلهم الا للجامعة .
والشور اللي يثني بنسرح للسفارة نبلغهم ونشوف ايش يقولون .
سرحنا للسفارة وعطيناهم العلم والخبر وقالوا ما حولكم خلاف اذا وصلتوا السعودية طلعوا بدل فاقد (ياوالله الشور الطيب).
ونقوم نهيص من الفرحة الحمد لله مافيها مباحث ولا حن بمفتضحين عند هل نجران ونقوم نطورق بين المصارية .
خذينا وجاني صالح وقال:ابوحدرى ياخوي ابغى فلوس فيه مصري عازمني ولا معي شيء .قلت:كم تبغى.قال:اللي ودك.وعطيته خمسين جنيه علشان اذا صار معه مشكله ما يحصلون الا ذا الخمسين .قال:عطني خمسمية ياكحته.قلت:خمسمية عفريت يتدعسون في بطنك ياسويد .ياشين الوجة .هات الخمسين ورن براسك.قال:خلاص بس خلها معي.وتواعدنا الساعة سبع بعد المغرب في مسرحية ليلى علوي(الجميلة والوحشين ) وجيت انا وخالد في الموعد ونشبح لصالح ولينه ذا مقبل يسير في شق .ياوالله الليل اللي ما هو بطيب.سود الله وجهي اللي ركنت على الغرير واجوده في البوفيه حقت المسرح واسقيه ليمون وكافي وقام يغاثي يطلع مافي بطنه ولين المسرحية يوم بدت وندخل مجودينه عيا مانروح للشقة ولاحن بكارهين وقال :ابغى اشوف ليلى علوي .قلت:ابشر بتشوفها بس صحصح.جلسنا في مقاعدنا وبدت المسرحية فقام يجود رقبة الشخص اللي جالس قدامه ويقول نزل راسك يألا وحن في مدرج ماراس المخوض بحولنا .قال المصري:متسيب احسن اطربك على افاك وده مش مكان سكر روح اسكر في شارع الهرم .قلت :معليش ياسيد حن اسفين وحقك علينا والبخ طال عمرك(طبعاً ما فهمها).خذينا ولين الرجال يبغى يختلس قال ايش قال :حر.قلت:حر هناك عند امك معجبة.وامسكه بكف اثره داري ايش انا سويت .فرده على الطاير بكف وخنقني .وليني يوم وطوطت لها وقلت :صويلح حبيبي خلنا نطلع نتقهوى وليلى بتجينا تتقهوى معنا ونصور معها .قال:صدق والله .قلت:افا عليك.ونخرج ونشربه ليمون وقام يفضي ما في بطنه ولينه يوم ركد.وندخل للمسرح.ويوم شفت ولين الرجال منفري من الضحك .قلت:ايش قومك.قال:ههههههههههههه المسرح قدهو في السما .وليني يوم قمت اشبح معه فوق ولا شفت المسرح .قلت:خالد ضوينا .قال:أي بالله.ونقود المخلق وعيا .قال:ما ني بماشي الا بعد ما اصور مع ليلى.قلت:مامعنا قروش وبكره بنجيب 60جنيه ونصورك معها .قال:وجهك .قلت:وجهي.ونروح للشقة واقوم ارقده ذليت لا يطمر من الدرايش (واصلت احرس شين الوجه).ويوم قاموا ولينه يضحك ويخبر لنا ويحلف انه ماشرب الا بيره بس ولكنه كثر منها وخذ 12 قاروره من ذا البيره وان خويه اللي عزمه عليها.قلت وين الخمسين .قال:يوم قدني منعنش فطلبها خويي وزقرت بها عليه.قلت:والله استافينا.
عزالله يوم قدحن معودين للسعودية ولين ما معنا حجز والمصارية قالوا :اقطعوا في الخالص.واقوم ادور في ذا المطار لمدير السعودية وأشروا لي عليه.واجيه وقلت:السلامو عليكوم .ورد علي.قلت:كيف الحال.قال:الذيابه تعرف من وجيهها ارحبوا.وسلم علينا .وواجرنا.ثم خذ جوازاتنا ولين بعض المعلومات عادها مبلحه .قال:ايه ياولد شبنه انا باكلم ابيك يستقبلك في مطار جده .وانت ياولد معجبة لا تضحك نعن امي ان اخلي عمك فلان يلقاك .وانت ياولد سومه با خلي شين الوجه ابيك يرقبك بمذيله في جده.المهم عطانا توصية ونروح للمصارية وعطونا ثلاثة بوردنقات درجة اولى .وحن اصلا سياحي ولا دفعنا جنيه.(وترى الرجال من هل نجران).
المهم كنت ماشي وانا مربط راسي (يعني اني مفتحر قدني معود للسعودية ولا هو بودي).ولا شفت الا ذي الغرير مجوده ارجيلي .وقالت:بابا بابا .مسكتها وحبيتها ولين امها يوم اقبلت وجرتها فقامت الغرير تصايح بابابابا .وان دبرت ويوم خذيت ولين امها تدعيني .واقبل عليها وانا راز وجهي وقلت:سم تنادين علي خيتي.
قالت:معليش اذا امكن البنت مشبهه عليك وتفكر انك ابوها ونبيك معنا الى ان نوصل جدة وما معنا الا امي.
(الساعة الطيبة في خاطري ذا الكلام). وقلت :معليش زملائي معي وعيب اني اسيبهم لوحدهم(مازاد درت انا من الرياض ولا من جدة شوي سم وشوي اسيبهم)قالت:تكفى واللي يرحم والديك البنت بتروح فيها.قلت :خلاص استأذن من اخوياي وراجع.ويوم مشيت فصاحت الغرير مم مم مم مم مم مم مم مم وتبكي.قلت :يالله اجيب لك مم (يعني مويه)واشيلها واجيب مويه وهي مم مم مم مم وجيت امها وقلت لها ويش هي تقول قالت:تقول تبغى الحمام .قلت:يالله وديها.وشلتها فقامت الغرير تصايح وبشده وتطالب انه ما يدخلها الحمام الا ابوها(اللي هو انا)ورضخت امها لطلبها ونادتني لكي ادخلها واغير لها في الحمام.عزالله شخخت وعصبت وقلت:انا اخر عمري البس بنات حفاضات استحي على وجهش واروح .ودتها وخلصتها وجاتني تعتذرلي وتطلبني ارضى واجلس معهم ووافقت .وجينا نبغى نركب الطايره وجوازاتهم البنت وامها وجدتها معي واخلي صالح وخالد يشيلون شناطهم(نذاله).
وركبنا الطياره وجلسوا الثلاث جنب بعض وحن ياثلاثة في اخر الطياره .وقامت البنت تبكي تبغاني واجيها واقول للعجوز:قومي هناك عند اخوياي .قالت:تبغاني اقعد بين شباب عيب عليك (ماعاد فيها سن) واعود وازعل واروح والبنت تصايح في الطياره (وترى امها طلعت من دفعتي في الجامعة وعينت لي ما احدثها فيه من المواد والخريط اثرني خبش وانا احسب انه يطيعني اسولف).
بعدها دجيتهم ونزلنا المطار الا وذي البنت شافتني وقامت تصايح واحط رجلي للجوازات ويوم اقبلت وشافوا جوازاتنا ولين جواز صالح ممتحي كله ولا به الا الصورة واستدعوه مباحث المطار في غرفة وخرج علينا قد حن بنيبس من الذل .خبر ويش صار.قال:كفخوني شوي وطلعت لكم بس.(تراه كذاب يعني انه)ونوصل جده ونقوم نألف مغامراتنا مع المصارية كلا من جهته.وسلامتكم.
والشور اللي يثني بنسرح للسفارة نبلغهم ونشوف ايش يقولون .
سرحنا للسفارة وعطيناهم العلم والخبر وقالوا ما حولكم خلاف اذا وصلتوا السعودية طلعوا بدل فاقد (ياوالله الشور الطيب).
ونقوم نهيص من الفرحة الحمد لله مافيها مباحث ولا حن بمفتضحين عند هل نجران ونقوم نطورق بين المصارية .
خذينا وجاني صالح وقال:ابوحدرى ياخوي ابغى فلوس فيه مصري عازمني ولا معي شيء .قلت:كم تبغى.قال:اللي ودك.وعطيته خمسين جنيه علشان اذا صار معه مشكله ما يحصلون الا ذا الخمسين .قال:عطني خمسمية ياكحته.قلت:خمسمية عفريت يتدعسون في بطنك ياسويد .ياشين الوجة .هات الخمسين ورن براسك.قال:خلاص بس خلها معي.وتواعدنا الساعة سبع بعد المغرب في مسرحية ليلى علوي(الجميلة والوحشين ) وجيت انا وخالد في الموعد ونشبح لصالح ولينه ذا مقبل يسير في شق .ياوالله الليل اللي ما هو بطيب.سود الله وجهي اللي ركنت على الغرير واجوده في البوفيه حقت المسرح واسقيه ليمون وكافي وقام يغاثي يطلع مافي بطنه ولين المسرحية يوم بدت وندخل مجودينه عيا مانروح للشقة ولاحن بكارهين وقال :ابغى اشوف ليلى علوي .قلت:ابشر بتشوفها بس صحصح.جلسنا في مقاعدنا وبدت المسرحية فقام يجود رقبة الشخص اللي جالس قدامه ويقول نزل راسك يألا وحن في مدرج ماراس المخوض بحولنا .قال المصري:متسيب احسن اطربك على افاك وده مش مكان سكر روح اسكر في شارع الهرم .قلت :معليش ياسيد حن اسفين وحقك علينا والبخ طال عمرك(طبعاً ما فهمها).خذينا ولين الرجال يبغى يختلس قال ايش قال :حر.قلت:حر هناك عند امك معجبة.وامسكه بكف اثره داري ايش انا سويت .فرده على الطاير بكف وخنقني .وليني يوم وطوطت لها وقلت :صويلح حبيبي خلنا نطلع نتقهوى وليلى بتجينا تتقهوى معنا ونصور معها .قال:صدق والله .قلت:افا عليك.ونخرج ونشربه ليمون وقام يفضي ما في بطنه ولينه يوم ركد.وندخل للمسرح.ويوم شفت ولين الرجال منفري من الضحك .قلت:ايش قومك.قال:ههههههههههههه المسرح قدهو في السما .وليني يوم قمت اشبح معه فوق ولا شفت المسرح .قلت:خالد ضوينا .قال:أي بالله.ونقود المخلق وعيا .قال:ما ني بماشي الا بعد ما اصور مع ليلى.قلت:مامعنا قروش وبكره بنجيب 60جنيه ونصورك معها .قال:وجهك .قلت:وجهي.ونروح للشقة واقوم ارقده ذليت لا يطمر من الدرايش (واصلت احرس شين الوجه).ويوم قاموا ولينه يضحك ويخبر لنا ويحلف انه ماشرب الا بيره بس ولكنه كثر منها وخذ 12 قاروره من ذا البيره وان خويه اللي عزمه عليها.قلت وين الخمسين .قال:يوم قدني منعنش فطلبها خويي وزقرت بها عليه.قلت:والله استافينا.
عزالله يوم قدحن معودين للسعودية ولين ما معنا حجز والمصارية قالوا :اقطعوا في الخالص.واقوم ادور في ذا المطار لمدير السعودية وأشروا لي عليه.واجيه وقلت:السلامو عليكوم .ورد علي.قلت:كيف الحال.قال:الذيابه تعرف من وجيهها ارحبوا.وسلم علينا .وواجرنا.ثم خذ جوازاتنا ولين بعض المعلومات عادها مبلحه .قال:ايه ياولد شبنه انا باكلم ابيك يستقبلك في مطار جده .وانت ياولد معجبة لا تضحك نعن امي ان اخلي عمك فلان يلقاك .وانت ياولد سومه با خلي شين الوجه ابيك يرقبك بمذيله في جده.المهم عطانا توصية ونروح للمصارية وعطونا ثلاثة بوردنقات درجة اولى .وحن اصلا سياحي ولا دفعنا جنيه.(وترى الرجال من هل نجران).
المهم كنت ماشي وانا مربط راسي (يعني اني مفتحر قدني معود للسعودية ولا هو بودي).ولا شفت الا ذي الغرير مجوده ارجيلي .وقالت:بابا بابا .مسكتها وحبيتها ولين امها يوم اقبلت وجرتها فقامت الغرير تصايح بابابابا .وان دبرت ويوم خذيت ولين امها تدعيني .واقبل عليها وانا راز وجهي وقلت:سم تنادين علي خيتي.
قالت:معليش اذا امكن البنت مشبهه عليك وتفكر انك ابوها ونبيك معنا الى ان نوصل جدة وما معنا الا امي.
(الساعة الطيبة في خاطري ذا الكلام). وقلت :معليش زملائي معي وعيب اني اسيبهم لوحدهم(مازاد درت انا من الرياض ولا من جدة شوي سم وشوي اسيبهم)قالت:تكفى واللي يرحم والديك البنت بتروح فيها.قلت :خلاص استأذن من اخوياي وراجع.ويوم مشيت فصاحت الغرير مم مم مم مم مم مم مم مم وتبكي.قلت :يالله اجيب لك مم (يعني مويه)واشيلها واجيب مويه وهي مم مم مم مم وجيت امها وقلت لها ويش هي تقول قالت:تقول تبغى الحمام .قلت:يالله وديها.وشلتها فقامت الغرير تصايح وبشده وتطالب انه ما يدخلها الحمام الا ابوها(اللي هو انا)ورضخت امها لطلبها ونادتني لكي ادخلها واغير لها في الحمام.عزالله شخخت وعصبت وقلت:انا اخر عمري البس بنات حفاضات استحي على وجهش واروح .ودتها وخلصتها وجاتني تعتذرلي وتطلبني ارضى واجلس معهم ووافقت .وجينا نبغى نركب الطايره وجوازاتهم البنت وامها وجدتها معي واخلي صالح وخالد يشيلون شناطهم(نذاله).
وركبنا الطياره وجلسوا الثلاث جنب بعض وحن ياثلاثة في اخر الطياره .وقامت البنت تبكي تبغاني واجيها واقول للعجوز:قومي هناك عند اخوياي .قالت:تبغاني اقعد بين شباب عيب عليك (ماعاد فيها سن) واعود وازعل واروح والبنت تصايح في الطياره (وترى امها طلعت من دفعتي في الجامعة وعينت لي ما احدثها فيه من المواد والخريط اثرني خبش وانا احسب انه يطيعني اسولف).
بعدها دجيتهم ونزلنا المطار الا وذي البنت شافتني وقامت تصايح واحط رجلي للجوازات ويوم اقبلت وشافوا جوازاتنا ولين جواز صالح ممتحي كله ولا به الا الصورة واستدعوه مباحث المطار في غرفة وخرج علينا قد حن بنيبس من الذل .خبر ويش صار.قال:كفخوني شوي وطلعت لكم بس.(تراه كذاب يعني انه)ونوصل جده ونقوم نألف مغامراتنا مع المصارية كلا من جهته.وسلامتكم.