الشاعر / عبلان المصراني العجمي

[هادي ال زليق]

اوي والله كيفه يا مطاليـــــق =ما هي كيفة لاعبين السبـــــاره
كيفه دلال كنهن الغرانيـــــق =بيض ادنوهن صوب ضوى المنـارة
وصفرية يحرق بها البن تحريــق= تحمس وتفهق عاد فيها صفـــاره
فنجالهاياتي طري الى ذيـــــق =ومن الخواء يبري من الــراس داره
يشطي على الفنجال ويروق بالريق =مؤنث نظيف اشتغل في ابهــــاره
ويصب للفرسان خيالة الضيـــق =نطاحت الغاره نهار الكـــــراره
ويصب للي يمنعون المشافيـــق =الى جذت خطوى الرمك عقب غـاره
واللي يفرق زبرة المال تفريـــق =الخير اللي يحتمل للخســـــارة
ويالله انا طالبك حظ وتوفيــــق =والحظ ما هو للفتى بختيـــــاره
طالبك قبا من طوال السماحيـــق =حمرية من طامرات الجــــواره
مبرية الذرعان ملحية السيــــق =متحوز منها اللحم بالفقــــــارة
ابغي الى طاحت اوسوم البراريـق =ثم اكتسا بالنبت خطوى القـــراره
تبرا لذود ما تلاها الملاحيــــق =ولا تلت شاوي يدرج اجفــــاره
نرعا بها خطوى النبات الزماليـق =لا عود الخناس يبغي اديـــــاره
ترعى با امبعدين الحفيف المرازيق =اللي تصلي الحرب لا شب نـــاره
يتلون اخو لجعه زبون المشافيــق= يفداه شيخ حط روحه اتجـــــاره
هل سربه ما هي تهيب التفافيــق =ولا شوشت طرافهم لنيــــــاره
حريبهم تصبح اظعونه طواريــق =ويصبح يدرج في المعاره احــواره
ويقفي وخوفه صار بين المعاليــق =مثل اجرب شوف المداوي اذعــاره







القصيدة منقولة عن موقع / العجمان