إحتجاج صارخ على الجائزه

[الكارزمي]

بسم الله الرحمن الرحيم

إخواني المشرفين السلام عليكم

إسمحوا لي أولا أن أبارك للأخ / محمد عويضه الفائز بالجائزه

وهنا إيضا إسمحوا لي وبدون قصور في القصيده الفائزه أن أتساءل

وأسالكم على أي أساس بنيتم ترشيحاتكم لهذه القصيده ؟ !!!!!

هل للعلاقات والصداقات الشخصيه صله بالموضوع أم أن هناك

ضغوط من خارج المنتدى يعني ( واسطه ) كبيره كانت وراء

تجاوز كل الشروط الموضوعه لمن يريد الظفر بهذه الجائزه !!!

عندما كنا نكتب أي موضوع لا نريد به الجائزه كان المشرف

الأخ ( سارق الخير ) عفوا سايق الخير يرد [ مشاركه جميله

ولكن لاتدخل في المسابقه ارجع لشروط الجائزه] وبدون مقدمات

ذهبت الجائزه بدون شروط لقصيده تستحق غير هذه الجائزه

وهنا أقول لمن بحث وفتش عن قصيده من التراث النجراني العظيم

سعى من خلالها لإظهار عظمة هذا التراث أن لا تأثر فيكم هذه

الإزدواجية العمياء في كسب أبسط أنواع المصداقيه .

ولاأخفيكم حيرتي في كيفية تجيير الجائزه وتحويرها فلو سلمنا

بالترشيحات وتغاضينا عن الشروط فقد كانت الجائزه ومن خلال

ترشيحات الأخوه الأعضاء تصب في مصلحة مشاركة الأخت

( بسمه 2002 ) ولكن وقبل ساعات من الفرز وبقدرة ( مشرف )

سحبت كل الترشيحات وأستبدلت !!!!!!!!!!!!!!!!!
:confused:

فمن لايزال يعتقد أن كل ماحدث لا يستحق الإعتراض ف:o



ولكم خالص المواساه في مصداقية المشرفين

[المشرف العام]

اخي الكارزمي...نعم لقد اصبت كبد الحقيقه ..بكلامك هذا ... قصيده محمد عويضه .... تفتقد لشرط الا وهو ان تكون اثريه ...من قصائد الاباء والاجداد ...ارجوا ان لا اكون قد فهمت شروط الاخوان في قصه وقصيده غلط....
ولكن مايشفع فيها انها قد تكون من اجمل ماقدم وتحمل اسم احد ابناء المنطقه واعتبرها قصه في قصيده .. اخي الكرزمي بالله عليك .. كم صار للمسابقه اكثر من شهرين ... ما مدا تجاوبكم معها ... من حيث طرح القصائد التاريخيه .. وما مدا تجاوبكم مع الترشيحات حتى الى قبل انطلاق الفرز بعشر دقائق ... لقد بذلنا في ما كان في وسعنا ...وضع الاخوان المسابقه ... من اجل (( الحبيبه)) من اجل ان يقدم كل من يحمل قصيده وقصه اثريه من الاباء ولاجداد وان يضعها هنا ...بذل الاخوان المستحيل في توجيه الدعوات ... والاعلان عن المسابقه بشكل مستمر ولكن ...كان التجاوب ضعيف وضعيف جدا ..... فما هو الحل بنظرك ..... يجب ان تفوز احد قصائد ابناء المنطقه .... عموما اخي المسابقه سوف تستمر ...ولكن هل ستنجحونها ام ساتلحقونها بسابقتها فهي منكم ولكم .. ليتك شاركت بجديه ..وتركت العتب على اجتهادات شخصيه .. من المشرفين في قصه وقصيده ... يشكرون عليها ... وثق تماما لاتدخل ..ولا وسائط ولكن كان يجب ان تفوز قصيده احد ابناء المنطقه .... فما كان العشم منك ذلك ...كان العشم هو اثراء المسابقه منك ومن بقية الاعضاء الكرام ... في الخاطر كثير واعذرني على التقصير .. والله من وراء القصد والسلام

[سايق الخير]

نعم انا اعترف انني سارق الخير وامام الجميع ليس الا ان من احتج اوغضب كان له اهدافه الشخصية .وانت اولهم وبقدر ما احترم رايك الشخصي الا انني اتشرف بمعرفة هذه الوجيه الطيبه والراقية في تعاملها مع الاخرين وهذا ان دل على شيئ فانما يدل على طيب اصلك .وانت قذفت اخاً مؤمناً بما ليس فيه وهذا مانهانا عنه ديننا الحنيف .
المهم عزيزي ليتك تركت منك المهاترات الغير مجدية فالأرزاق طارت وانا اخوك ومع من استحقها ولكن لي سؤال اين انت ايها الكارزمي من المشاركة او من الترشيح لم اراك وفي النهاية وكأنك بطل الفيلم الذي لم يمت وسيبيد الأعداء جميعاً.
اخي:ان كان لك اهداف اخرى وتريد الشوشرة في هذا المنتدى فعذراً الشوشرة ليست هنا بل هناك وانت تعلم ماذا اقصد.
المشرف العام:صح النوم طال عمرك المسابقة انتهت وابشر بالعوض .اكيد انك تجهز نفسك للمسابقة ولا تدري انها انتهت بس السواق مانساك وسرق لك منها طشه.:p .

[قايد الشريف]

سامحك الله على ماقلت .. ليس لدي ما اقوله بعد ما تفضل الاخوان بايضاح مايمكن ايضاحه ..

اخي الكريم باختصار .. اقسم لك انك مخطئ فيما ذهبت اليه .. وان قصيدة محمد عويضه تستحق اكثر من جائزه في هذا المنتدى

للايضاح / اقسم لك انني لااعرف محمد عويضه الا من خلال هذا المنتدى شانه شانك .. فهل صدقت بعد هذا اليمين .. اتمنى ذلك

[الشـامـل]

تجي من غير ابناء المنطقه معقووووول .... الله يسامحك يالكرزمي ..... ماتوقعناها منك.... الا اذا كان لك مقاصد اخرى ....فحن لنا الظاهر ..... ومثل ماقالوا الاخوان ..... وينك من المسابقه من بدت لها شهووووور .... وانتهت.... واخرتها جاي تشكك في اخوانك.... خير انشاء الله وش الجايزه مرسيدس بنز .... الله يهديك ويصلحك......الترشيحات اللي حذفت كانت مخالفه للشروط .... وخل نيتك زينه ... اخوانك ..... اوجعتهم وجرحتهم جدا جدا ..... بدل مايسمعون كلمة شكر على مجهود قاموا به او على الاقل .... السكوت ..... تجي وتشكك فيهم ..... ويش معهم من المسابقه والجايزه ووجع الراس غير التعب ...ولكنهم اصروا على عمل الجائزه .... من اجل نجران الشاعر والقصيده .... لكي تبقى ... وتتوارثها الاجيال ويطلع عليها من يجهلها ... عموما ماراح اقول اكثر من اللي قالوه الاخوان .... فيهم الخير والبركه ... ولكن اللي اقوله الله يسامحك ... ويهديك

[لا يا شيخ]

يالربع تباردوا الكبود ومن يرش حوله ...... الدعوا فاهنه


اذا عاده بيجي مسابقات مرة ثانية فريحونا من شرط الاثرية وخلوها قصايد للي نبغى مثل احمد رامي نزار قباني وعبدالرحمن رفيع :D ...... لكن اما تقولون لي قصايد اثرية وتفوز قصيدة حداثية من الشعر اللي ماله وزن (تراني مصيبة في الشعر :) )


المهم مبروك للي فاز وركزوا لي على نقطة الشروط بالله

[الشـامـل]

العزيز لايا شيخ ... اولا الحمد لله على السلامه .... ومن طول الغيبات جاب الغنايم .... حقيقه يوم شفت اسمك رحت الى مشاركتك بدون تردد وطمرت الكثير من المشاركات ... وانت تعرف السبب اللي هو اعجابي في كتاباتك ... وياليتني ماقريت مشاركاتك الاخيره .... اللي كانت كلها تجريح في تجريح لاخوانك .... اسمح لي القول لك مثل الكرزمي ... وين انتوا من المسابقه .... وين انتوا من الترشيحات .... تقدر تقول لي ليش ما رشحتوا ..... وبعد ما انتهى كل شي جايين تجرحون في اخوانكم ... وتشككون فيهم ... اعتقد انك ماقريت كلام المشرف العام زين .... وهو يقول ا ن قصيده محمد عويضه خالفت شرط من الشروط وهو ان تكون اثريه ... ولكن .... مسابقه لها اكثر من ثلاث شهور ... هل راجعت بريدك وشفت الطلبات اللي جاتك كما جات اي عضوا ... برجاء المشاركه في الترشيح .. اعتقد انه ... واحد من اثنين اما انك واضع بريد في اشتراكك ليس ببريدك الرسمي .. ولا تهتم به .... او انك قريت الطلبات ... وتجاهلتها .... والان تجي ... بعد ان وضعتونا في موقف محرج حيث تم تأجيل المسابقه اكثر من مره حتى يتسنى لكم الترشيح ....ولكن لم نرى اهتمامكم الا بعد ان انتهت المسابقه .... ليتنا شفنا اقلامكم ايام الترشيح .....حقيقه فعلا يصاب الواحد بصدمه من العيار الثقيل ... وهو يارى مايحصل من بعض ابناءنا ..... ياليت ياليت ان المسابقه ..حققت الهدف المنشود منها ...ياليتكم شاركتوا فيها وقمتوا بجمع القصائد الاثريه التي تحمل قصص لها عبر ومعاني .... ياليت ...... ياليت على الاقل شاركتوا في الترشيح حسمتوها ..... بدل ما حصل ...عموما ..... كل اللي اقوله ..حن انشاء الله مواصلين على درب مشيناه ... خدمة للحبيبه وهلها ...مهما كانت الصدمات ... حتى لو جات من عيال ((الحبيبه)) كنا ننتظر يد العون ......ولكن مازال الامل كبير وفي الخاطر كثير يا لا ياشيخ ولكن ... قرحت منكم في الصابر ...... تقبل كل محبتي وفائق تحياتي .