المساعد الشخصي الرقمي

مشاهدة النسخة كاملة : بنات 2002

الذيب
30-03-2002, 03:34 PM
بنات 2002 للشاعر عبدالرحمن الرفيع

هذا زمان المســـخره هذا زمان المســـــــــخره

جوال ومشيه بفشخره في وسط السوق متبختره

والكحله في وسط العيون والشفايف زود محمره

والصدر تتعمد تكفه تخليه مفتوح ما تزرره

هذا زمان المسخره هذا زمان المســـــــــخره

لو يسألها ذاك الفقير وين انتي رايحه يامره

جاه الجواب يبهدله وتقول كلام بيقهره

باروح السوق ابشتري فستان للحفله المزهره

وتروح الصاله كنها عروس مزينه ومعدله ومعطره

وما ترجع الا في الصباح وتشيل الزينه الساحره

هذا زمان المسخره هذا زمان المســـــــــخره

اخر الشهر تقبض الراتب وتروح المجمع وتبعثره

وتعير ذاك الفقير لو اني مثل غيري ما عشت واياك محسره

شوف فلانه وشوف علانه عايشين عيشه ميسره

فله جميله وسياره كشخه ماهو مثلك تركبني سياره مكسره

هذا زمان المسخره هذا زمان المســـــــــخره

لين استلمت ذاك التلفون تبمبع مثل البقره

واتحش في الناس هذا طويل وهذا قصير وحكيها كله مسخره

وفلانه اليوم مطلقه وفلان ماتت له مره

وكلامها أصلا ماله أساس بس هذره فاضيه وبربره

والوقت يسرع والهاتف يحسب أمواله تروح مهدره

هذا زمان المسخره هذا زمان المســـــــــخره

الله يرحم ذاك الزمان الحرمه فيه مستره

كانت تجلس ويا الاذان وتصلي لله وتشــــــــــكره

وتدعي للناس الطيبين بنفس طيبه وطاهره

هذا زمان المسخره هذا زمان المســـــــــخره

مو مثل بنات هذا الزمن تركب ويه الاجنبي بيدها روج ومنظره

وقصت الشعر أخر موديل كأنها ديك منفوش جناحه وعرعره

والعبايه تحطها على الكتف حتى الشعر ماتستره

ولو تقول لها هذا حرام قالت كلامك كله دندره

كلامك كله ما يعني لي شيء أني فتاه متطوره

لا يخدعوش بأسم حضارة هالزمن آخرتها تالي المقبره

وآخر كلامي بالصلاة على النبي واياه العترة الطاهره

:D
عكروشــان
30-03-2002, 04:05 PM
مشاركه جميله وعبدالرحمن رفيع مميز
بس هناك قسوه على بنات حواء من قبل الشاعر

بانتظارك
الذيب
30-03-2002, 04:14 PM
الرسالة موجهة الى فئة معينة هي ادرى بنفسها
ولا تنسى بان الشر يعم والخير يخص
وهو بالطبع لا يقصد كل البنات


عكروشان .........برزة الله لا يهينك



اوط لي تحت عند الباب





































ما فيه ريع دخل مجمع السيف وغدت عيونه وراه الله لا يبلانا