مـــــــوت شـــــاعــــــر

[الكارزمي]

إهداء للشاعر / سايق الخير مع حبي


الشاعر المسكين
مات ودفن موته
في داخل إسكوته
يا ساحر العينين
ياوردة الجنسين
مللي قتل شاعر
غير الهوى العاهر
يوم الجروح إعزاز
كان الحزن صدفه
يحمل على كتفه
نعش وكفن أبيض
وكان بيده ورده
وناقش على زنده
سهم وقلوب إقزاز
*****
وفي موعد الرحله
كان الأمل إحساس
إنه في واقع كذب
والخافق المجروح
ينزف دماه بحب
وفي زحمة التفكير
جا القاتل السكير
بيديه كاس وكاس
يضحك بدون شعور
ويبكي بكل شعور
مايقدر المخمور
يعرف شعور الناس
****
وكانت اللحظه الأخيره
وقتلوا شاعر وعاشق
وانثنت شمسي حزينه
والقمر أسمع أنينه
والقدر للموت رافض
تفضحه رعشة يدينه
****
ومرت سنين طويله
مات فيها كل شى
إلا ذكرى موتنا
عهد ماانسى أي ليله
جمًعت ميت وحي
ويوم خانتني المشاعر
زرت قبر قلوبنا
صارت الدنيا مقابر
واثر كل الناس تعشق
وفي هوى المجنون تغرق
****
ياجروح العاشقين
وين اسافر
وكل آهات السنين
حب فاجر
ضاقت بروحي المسافه
وين بي يبغى الهروب
كل مأساتي خرافه
من يعانيها يتوب
****
غادتي ورده جميله
بأرض مدري وين تكون
تنتظر فارس هواها
فوق مهرته الأصيله
يخطف الحسن الفتون
****
شوق عيني كيف ضاع
كل عمري إللي مضى
حب مجروح الطباع
وكل خطواته غبا

وللجميع التحيه

[قايد الشريف]

برغم ان الاهداء لاخوي سايق الخير بس سبقته .. تدري ليش لانه شايب ويالله حسن الخاتمه وعنده سكر وذاكرته راحت فيها وتخبر الكبر شين هههههههههههههههههههههههههههه

يعطيك العافيه وصح لسانك ... ويستاهل شايبنا .... شايب الخير


الله لايهينك وبانتظار اجملك

[سايق الخير]

الف شكر على الاهداء والحمد لله على السلامه وانستنا برجعتك وفي انتظارك.
قايد خل ما وراك وراك ولا له داعي نتفاضح قدام الناس تراهم ما خذين عنك فكره ان الصور اللي تطلع في الجرايد باسمك هو انت ولا تخليني اعلمهم انك مشتري الصوره ,.

[عابرة سبيل]

مايقدر المخمور
يعرف شعور الناس


والقدر للموت رافض
تفضحه رعشة يدينه


صارت الدنيا مقابر
واثر كل الناس تعشق


هاهو المنتدى الشعرى يزخر كل يوم بالجديد والاجمل
منتهى الرقه...عاطفه جياشه..
اطلاله قويه...ابيات جميله تتشح بألوان الحزن..وننتظر جديدك