جوهر
15-10-2004, 05:13 AM
يا ذيب انا بوصيك لاتاكل الذيب
يا ربعنا يا اللي على الفطّر الشِيب=عز الله أنه ضاع منكم وداعه
رحتوا على الطوعات مثل العياسيب=جيتوا وخليتوا لقلبي بضاعه
خليتوا النادر بدار الأجانيب=وضاقت بي الآفاق عقب إتساعه
تكدرن لي صافيات المشاريب=وبالعون شفت الذل عقب الشجاعه
يا ذيب أنا بوصيك لا تاكل الذيب=كم ليلةٍ عشّاك عقب المجاعه
كم ليلةٍ عشّاك حِرءش العراقيب=وكم شيخ قومٍ كزّته لك ذراعه
كفه بعدوانه شنيع المضاريب=ويسقي عدوه بالوغى سِمّ ساعه
ويضحك ليا صَكّت عليه المغاليب=ويلكد على جمع العدو باندفاعه
وبيته لجيرانه يشيّـد على الطيب=و للضيف يبني في طويل الرفاعه
جرحي عطيب ولا بقى لي مقاضيب=وأفختّ حبل الوصل عقب إنقطاعه
كني بعد فقده بحامي اللواهيب=وكني غريب الدار مالي جماعه
من عقب ذيب الخيل عِرج ٍ مهاليب=يا اهل الرمك ما عاد فيهن طماعه
قالوا تطِيب وقلت : وش لون أبا طيب=وطلبت من عند الكريم الشفاعه
الشـــاعر : شــالح بن هدلان
يا ربعنا يا اللي على الفطّر الشِيب=عز الله أنه ضاع منكم وداعه
رحتوا على الطوعات مثل العياسيب=جيتوا وخليتوا لقلبي بضاعه
خليتوا النادر بدار الأجانيب=وضاقت بي الآفاق عقب إتساعه
تكدرن لي صافيات المشاريب=وبالعون شفت الذل عقب الشجاعه
يا ذيب أنا بوصيك لا تاكل الذيب=كم ليلةٍ عشّاك عقب المجاعه
كم ليلةٍ عشّاك حِرءش العراقيب=وكم شيخ قومٍ كزّته لك ذراعه
كفه بعدوانه شنيع المضاريب=ويسقي عدوه بالوغى سِمّ ساعه
ويضحك ليا صَكّت عليه المغاليب=ويلكد على جمع العدو باندفاعه
وبيته لجيرانه يشيّـد على الطيب=و للضيف يبني في طويل الرفاعه
جرحي عطيب ولا بقى لي مقاضيب=وأفختّ حبل الوصل عقب إنقطاعه
كني بعد فقده بحامي اللواهيب=وكني غريب الدار مالي جماعه
من عقب ذيب الخيل عِرج ٍ مهاليب=يا اهل الرمك ما عاد فيهن طماعه
قالوا تطِيب وقلت : وش لون أبا طيب=وطلبت من عند الكريم الشفاعه
الشـــاعر : شــالح بن هدلان