لا يا شيخ
18-03-2002, 06:06 AM
أبطال القصة حسب الظهور :
لا يا شيخ: أحسن واحد فيهم واللي كانت بنت اللورد خاقة معه
راسان : ذراعي اليمين وأحسن واحد يذب في الشلة
اللورد : الملك لكن كنا في القرن الثالث عشر في اوروبا نسميه اللورد.
سارا : بنت اللورد ....مخفة تنكة لكنها مزيونة الله لا يخلينا بس
السير سعيدان : من أكبر هوامير البلاد ولا كان يداني شي اسمه لا يا شيخ
____________________________________
تدور أحداث القصة في بلاد اسكندنافيا في أواخر القرن الثالث عشر الميلادي ....
____________________________________
صحيت ذاك اليوم من النوم على صوت العصافير وهي توزوز (ما ادري وش صوت العصافير )..المهم لقيت راسان راجع من النهر عقب ما صاد كم سمكة للغدا...وجالس يتقهوا عند باب الكوخ...جيته و جلست اتقهوا انا وياه يوم طالع فيني شوي ....قال أبو شيخ...قلت آمر حبيبي....قال يخوي ترى وجهك صاير كنه وجه سمكة من كثر ما ناكل سمك وانا أخوك....قلت عدال ياللي وجهك كنه قهوة من كثر ما تشرب قهوة (قايل لكم ما أعرف أذب) قال اسمع انت ووجهك والله لو ما أنت بالزعيم حقنا ان اعلمك شلون تتميصل.....قلت الزبدة وش تبي مني الحين.....قال ياخي نبي نصيد....القوس حقتي والاسهم مصدية في المخزن ما استخدمتها .... والحصان حقي جاه روماتيزم من كثر ما أنا مسفطة في الاسطبل (يمديكم)
المهم كملت قهوتي بعدين قلت له وانا اتجه الى داخل الكوخ علشان اجيب لي حليب وشابورة..قلت ياخوي انت عارف ان اللورد مانع الصيد في أراضيه..والجنود حقينه مالين الدنيا....يعني ان مسكونا والله يا راسك ذا عندك ان يخيس في سرداب القلعة ...قال طيب لي متى نسكت على الظلم....وش زودة روبن هود عنا...خلنا نتحدا اللورد يمكن يسوون عنا فلم ....قلت اسمع أنا ما وراي شي اخاف عليه...ماغير هالكوخ والحصان...لكن أنت فيه نوير بنت الحطاب اللي في طرف الغابة ...هماك تقول انها تحبك و قاعد تهك علي....ان كانك مضحي بها يالله من ألحين نروح نصيد....قدااام يلعن أبو ورا يا شيخ
رد علي راسان وانا جالس اغط شابورة في حليب...قال طيب علشان كذا نبي نثور على اللورد....نبي نوريه ان الديرة فيها رجال......ياخوي والله اني كل ما شفت نوير وهي في الحقل (ماهوب عاقل بيتر ) تقطع قلبي.....وربي ان أيديها تنحن من المكاين حقت صنع الجبن (قايل لكم بيتر وهايدي على غفلة) ...قلت خلاص ما دام الوضع كذا أجل انتظرني باتروش واحلق واجيك....قال خلاص انا باروح أدخل الماعز للحظيرة وانت لا تطول علي ....
عقب ساعتين كنت أنا و راسان نتمشى في أراضي اللورد على خيولنا و مشخصين بالاقواس والاسهم حقتنا....يوم شاف راسان ذيك الارنب وهو اللي يجي محرك وراها جري بلا خيول بلا خرابيط....المهم مسكها وجابها وهو مبسوط....قلت صراحة بداية موفقة اليوم... قعدنا نسعسع لين جا عقب الظهر ولين معانا ست أرانب و غزالين و عشر بط وسنجاب (صاده راسان بالغلط يحسبه كركدن ) ....وحنا في طريق العودة للكوخ مرينا على محطة في الطريق شرينا منها ببسي و بريالين خبز وجريدة ويوم جينا نحرك الا وجنود اللورد محاصرينا .... يا ولد وش السواة قال راسان مالنا الا نصمد قدامهم....
المهم نزل القايد حقهم ريس رقبا ... كرشتة منسدلة قدامة و قاعد ينخش سنونة توه طالع من مندي في طرف القرية ...... قال وش عندكم يا شباب هنا.... قال له راسان والله أبد طال عمرك نحتري أهلنا يخرجون علينا وش شايفنا نسوي يعني جايين نشتري أغراض...... قال الكمخة ذا حقهم .. والحيوانات ذي اللي معكم من وين جبتوها..... قال راسان جبناها من ثلاجات الوطنية ...ما أمدا راسان يقول هالجملة الا والجنود متسدحين من الضحك على ريسهم ....لينه يوم عصب على راسان وقال ما عليه اوريك أنت ووجهك مسوي لي فيها تذب هاه....قال راسان يابوي أعلى ما في خيلك اركبه ..... واذا أنت رجال فصخ البدلة ذي عندك وقابلني مدني (ذيك الايام كان اذا قطعت زرار العسكري صكوك مؤبد ماهوب ستة شهور زي الحين)...
المهم تجمعوا علينا العسكر و***شونا وحركوا بنا للقلعة .... وحنا ماشين مع شوارع القرية كانوا الناس واقفين على جانبي الشارع يتفرجون فينا .... وأسمع حرمتين وحدة منهم تقول لخويتها يستاهلون ... ليش ما تحمدوا ربي على النعمة ... والحكومة الله يعزها ... منعوا الصيد علشان مصلحتنا ...... قالت خويتها وانتي صادقة يا وخيتي الحكومة أهم ما عليها حنا والا ايش بيضرهم لو خلوا الناس يصيدون..... مشينا شوي وأسمع شيبان جالسين في عاير .... قال واحد منهم والله اني قايل لكم لا ياشيخ ذا **** ما وراه الا الضياع .... من شفته ساكن في الكوخ مع خويه وانا غاسل ايدي منهم... رد عليه شايب ثاني قال انا سامع ان لا يا شيخ هو وخويه يعرفون محمد عطا ..يقولونه ما قلته مانيب حاط شي في ذمتي ... الزبدة حامت كبدي منهم .... أجل نضحي علشانهم و في الآخير يطلعون علينا اشاعات....
وصلنا القلعة ونزلوا ذاك الباب الكبير الخشب ومشينا من فوقه....يوم دخلنا الا وذا اللورد يلعب قولف في الحوش حقه ينقال له راعي رياضة هو ووجهه...قال له الريس رقبا اللي معنا هذولا طال عمرك لقيتهم يصيدون في الارض حقتك .... قال له الملك خلهم عندك خذ بصماتهم لين أفضا لك .... رحنا المكتب وخذا بصماتنا وسجل معلوماتنا عنده... المهم جلست أنا وراسان في غرفة الانتظار والعسكري ذا مسك التلفون وخذ يا مكالمات...أتصل على حرمته في البيت وقام يخنبق معها شوي وبعدين دق على واحد عنده له فلوس يذكرة فيها .... وعقبها أتصل على أخوه كان مع نابليون بونابرت في حملة مصر....المهم أنه كلف الحكومة ذاك اليوم فوق ستة آلاف كلها اتصالات...
بعد كم ساعة كذا نادانا اللورد....ونجيه في المجلس حقه ولين ذا السير سعيدان عنده....يوم دخلنا قال السير سعيدان ربي جابك يا لا ياشيخ.....يا حضرة اللورد الرجال ذا فاتح حساب عندي في بقالتي .... ومن يوم نقل للكوخ حقه ما سددني ..... أرسلت له ولدي الصغير وجلده ....أرسلت له العمال عيا ما يعطيهم الفلوس...جبت له استدعاء من الحقوق المدنية ولا جا.... والحين انا داخل على الله ثم عليك يا حضرة اللورد ان تعطيني حلالي من هالادمي .... قال اللورد أبشر لكن خلنا أول شي نخلص من اللي حن فيه .....طالع فينا اللورد قال سلامات يا شباب ... ما ملوا عينكم الحرس حقيني ولا ملت عينكم التعليمات اللي أنا منزلها ان ماحد يصيد في أراضيي....قلت تكلم يا راسان ... قال لا والله ما يتكلم الا انت ....قلت عيب يا رجال تكلم انت....قال لا والله ... ما يصير ....المهم قلت أول شي يا حضرة اللورد وربي اني زعلان عليك .... قال أفااا ليه .. الله لا يجيب الزعل انشاء الله ....قلت بالله هذي اشكال تماشيها ... ما لقيت الا سعيدان...أقصد السير سعيدان...قال يا رجال خل عنك ماني أماشيه الا ابيه يعلمني رصته في البلوت ...ما حد قدر يقصها ...يركبها أربع مية و مية عنده .. وخمسين وسرا عند خوية
قلت يا رجال خل عنك ...أصل لو فيه خير ما احتاج للرصة ....المهم قال راسان بلا مصالة أنت وهو ترانا جايين هنا علشان الصيد ... قال اللورد اييه صح نسيت .... المهم أنا حكمت عليكم يا ثنين بالاعدام...قلنا اعدام مع الاشغال الشاقة والا بدون خخخخخخخخخخخ ... قال الخلا لا بارك الله فيكم من ماصلين ...وحنا خارجين لقينا ولد اللورد يجري طالع للحوش وأخته تجري وراه...قال قايد الحرس لا تطيح وانا عمك .. قلنا لك خل عنك المراكض اللي بدون سنع ... المهم جات بنت اللورد تفكر ما فيه الا الدلخ ذا حق الحرس...قالت شف يا عم قل له يجيب الريموت حق التلفزون...والا والله ان اكسر شريط الدوري الياباني حقه....في هاللحظة جات عيني في عينها .... يا ويل ويلي .... عز الله اني خقيت معها من جد ذبت ... والبنت قامت تطالعني بدلاخة كذا ... قالت والا تدري خلاص اصلا ما ابي الريموت ....
المهم دخلنا انا وراسان الزنزانة ... قلت لا بارك الله فيك ولا في الساعة اللي طعتك فيها .... وش فيها لو جلسنا على السمك ... ماهوب احسن لنا من التفلات يا روبن قريح.... قال يا رجال خل عنك ولو مالك الا سارا اللي كحلنا فيها قبل شوي ...قلت اقول على تبن .. لا تخطي عليها فاتوطى في بطنك ...قال ارحمونا يابو شيخ اجل حبيت ... قلت حبيت وبس ... الا تنثرت ... صراحة ما ألوم سعيدان وعليان اللي في طاش ما طاش يوم يقولون صديقنا مصطفى هونيك ... جلست انا وهو نسولف في الزنزانة الا وريس الحرس جاي .... قال لي اللورد يبيك ... قلت رح له قل اني مشغول شوي ... قال راسان قل له ماهوب طالع الا وخوية معاه ... المهم راح ورجع علينا يدربي راسه .... قال تعال انت وهو يقول تعالوا ثنينكم ....
جينا عند اللورد ولينه جالس في الحوش و قاعد يتقهوى ....وولده السبيكة جالس عنده... يوم جينا قال له ابوه رح وانا ابوك قل لهم يخلصون لنا قهوة جديدة وطول عندهم (يعني صرفة للي ما فهموها) ..جلسنا وصبوا لنا من فنجال فنجال ..يوم عطوني فنجالي فحطيته في الارض ... قال اللورد ... أبو سارا ..ورا ما تشرب فنجالك ...قلت مانيب شاربه الا بطلبي .... قال جاك .. قلت نبيك تفكنا ... قال أبشر لكن بشرط ... تعلمني وش قصدك يوم تقول لو في سعيدان خير ما أحتاج للرصة ... قلت يعني لو انه حريف بلوت ....ما كان خلا الرجاجيل يطلعون برا وهو داخل لين يحتاج انه يرص ...قال وربي انك رهيب ... خلاص ما تبي طلب ثاني غيرها ... قال راسان لحظة هماك داعينا من الزنزانة ... وش تبي فينا .. والا هي بس مشورة على الفاضي ........ قال اللورد اوووووووووه بغيت انسى ..... ما تبون تكتبون وصية والا شي قبل اعدامكم .... قلت يابو الشباب هماني طالبك قبل شوي تفكنا ووافقت قال وين يابوي في مسلسل بدوي ... أنت صدقت الله يصلحك ...يالله قم انت وياه وتروشوا قبل الاعدام ...بعدي الشاطرين
عز الله رحنا وتروشنا .... ونطلع يم الصفاة حقتهم علشان يعدمونا .... ويوم بدا يقرا البيان حقنا الا وواحد جاي يصيح من آخر القرية ....وقفوا وقفوا ... قال ريس الحرس خير يالطيب وش عندك ... قال اللورد يسلم عليكم ويقول أجلوا الاعدام لين بعدين ... فيه موضوع أهم منه.... ...المهم فكوا الحبال من على رقابنا وطلع هاللي جاي من عند اللورد .... قال بنت اللورد مريضة ويقول اللورد اللي بيعالجها بيعطيه اللي يبي ...... قلت لريس الحرس ودني للورد الحين ضروري ......عز الله وداني يوم دخلت عليه قلت وش مشكلة البنت يا طويل العمر .....قال والله مانيب داري ... يجيها كتمة و يضيق صدرها .... وتقوم تكح تالي الليل .... قلت بس كذا قال ايه ... قلت بسيطة ..... ممكن اشوفها ...قال أوي أوي ..ممكن ليش لا .... انتظر شوي واخليهم يجيبونها ....... جلسنا شوي الا وهي داخلة علينا وفي يدها صينية فيها كاسين عصير الربيع ....قلت وين يابو الشباب خطبة هي ... قم يالله الله لا يهينك ابي اتكلم مع البنت على انفراد...قال تكفى دبر لها علاج ولك اللي تبي ....يوم طلع قالت البنت انت صدقت يالمخفة اني مريضة .... ماغير استهبل عليهم علشان ما يذبحونكم ...قلت يا بعد عمري والله ...خلاص باروح اجيب لك شابورة من عندي من البيت ويعني انها هي اللي عالجتك ....طيب... قالت ابشر يا بعد عمر سارا .....وانطلق للكوخ واجيب لها كيسة شابورة وتعافت ....
يوم ناداني اللورد قال آمر تدلل ...لا يردك الا لسانك .... قلت ما يامر عليك عدو يا طويل العمر ...... مانيب مكثر عليك صراحة هي طلبتين ....ابيك تفك خويي راسان والشي الثاني ابيك تسدد فلوس السير سعيدان اللي علي
لا يا شيخ: أحسن واحد فيهم واللي كانت بنت اللورد خاقة معه
راسان : ذراعي اليمين وأحسن واحد يذب في الشلة
اللورد : الملك لكن كنا في القرن الثالث عشر في اوروبا نسميه اللورد.
سارا : بنت اللورد ....مخفة تنكة لكنها مزيونة الله لا يخلينا بس
السير سعيدان : من أكبر هوامير البلاد ولا كان يداني شي اسمه لا يا شيخ
____________________________________
تدور أحداث القصة في بلاد اسكندنافيا في أواخر القرن الثالث عشر الميلادي ....
____________________________________
صحيت ذاك اليوم من النوم على صوت العصافير وهي توزوز (ما ادري وش صوت العصافير )..المهم لقيت راسان راجع من النهر عقب ما صاد كم سمكة للغدا...وجالس يتقهوا عند باب الكوخ...جيته و جلست اتقهوا انا وياه يوم طالع فيني شوي ....قال أبو شيخ...قلت آمر حبيبي....قال يخوي ترى وجهك صاير كنه وجه سمكة من كثر ما ناكل سمك وانا أخوك....قلت عدال ياللي وجهك كنه قهوة من كثر ما تشرب قهوة (قايل لكم ما أعرف أذب) قال اسمع انت ووجهك والله لو ما أنت بالزعيم حقنا ان اعلمك شلون تتميصل.....قلت الزبدة وش تبي مني الحين.....قال ياخي نبي نصيد....القوس حقتي والاسهم مصدية في المخزن ما استخدمتها .... والحصان حقي جاه روماتيزم من كثر ما أنا مسفطة في الاسطبل (يمديكم)
المهم كملت قهوتي بعدين قلت له وانا اتجه الى داخل الكوخ علشان اجيب لي حليب وشابورة..قلت ياخوي انت عارف ان اللورد مانع الصيد في أراضيه..والجنود حقينه مالين الدنيا....يعني ان مسكونا والله يا راسك ذا عندك ان يخيس في سرداب القلعة ...قال طيب لي متى نسكت على الظلم....وش زودة روبن هود عنا...خلنا نتحدا اللورد يمكن يسوون عنا فلم ....قلت اسمع أنا ما وراي شي اخاف عليه...ماغير هالكوخ والحصان...لكن أنت فيه نوير بنت الحطاب اللي في طرف الغابة ...هماك تقول انها تحبك و قاعد تهك علي....ان كانك مضحي بها يالله من ألحين نروح نصيد....قدااام يلعن أبو ورا يا شيخ
رد علي راسان وانا جالس اغط شابورة في حليب...قال طيب علشان كذا نبي نثور على اللورد....نبي نوريه ان الديرة فيها رجال......ياخوي والله اني كل ما شفت نوير وهي في الحقل (ماهوب عاقل بيتر ) تقطع قلبي.....وربي ان أيديها تنحن من المكاين حقت صنع الجبن (قايل لكم بيتر وهايدي على غفلة) ...قلت خلاص ما دام الوضع كذا أجل انتظرني باتروش واحلق واجيك....قال خلاص انا باروح أدخل الماعز للحظيرة وانت لا تطول علي ....
عقب ساعتين كنت أنا و راسان نتمشى في أراضي اللورد على خيولنا و مشخصين بالاقواس والاسهم حقتنا....يوم شاف راسان ذيك الارنب وهو اللي يجي محرك وراها جري بلا خيول بلا خرابيط....المهم مسكها وجابها وهو مبسوط....قلت صراحة بداية موفقة اليوم... قعدنا نسعسع لين جا عقب الظهر ولين معانا ست أرانب و غزالين و عشر بط وسنجاب (صاده راسان بالغلط يحسبه كركدن ) ....وحنا في طريق العودة للكوخ مرينا على محطة في الطريق شرينا منها ببسي و بريالين خبز وجريدة ويوم جينا نحرك الا وجنود اللورد محاصرينا .... يا ولد وش السواة قال راسان مالنا الا نصمد قدامهم....
المهم نزل القايد حقهم ريس رقبا ... كرشتة منسدلة قدامة و قاعد ينخش سنونة توه طالع من مندي في طرف القرية ...... قال وش عندكم يا شباب هنا.... قال له راسان والله أبد طال عمرك نحتري أهلنا يخرجون علينا وش شايفنا نسوي يعني جايين نشتري أغراض...... قال الكمخة ذا حقهم .. والحيوانات ذي اللي معكم من وين جبتوها..... قال راسان جبناها من ثلاجات الوطنية ...ما أمدا راسان يقول هالجملة الا والجنود متسدحين من الضحك على ريسهم ....لينه يوم عصب على راسان وقال ما عليه اوريك أنت ووجهك مسوي لي فيها تذب هاه....قال راسان يابوي أعلى ما في خيلك اركبه ..... واذا أنت رجال فصخ البدلة ذي عندك وقابلني مدني (ذيك الايام كان اذا قطعت زرار العسكري صكوك مؤبد ماهوب ستة شهور زي الحين)...
المهم تجمعوا علينا العسكر و***شونا وحركوا بنا للقلعة .... وحنا ماشين مع شوارع القرية كانوا الناس واقفين على جانبي الشارع يتفرجون فينا .... وأسمع حرمتين وحدة منهم تقول لخويتها يستاهلون ... ليش ما تحمدوا ربي على النعمة ... والحكومة الله يعزها ... منعوا الصيد علشان مصلحتنا ...... قالت خويتها وانتي صادقة يا وخيتي الحكومة أهم ما عليها حنا والا ايش بيضرهم لو خلوا الناس يصيدون..... مشينا شوي وأسمع شيبان جالسين في عاير .... قال واحد منهم والله اني قايل لكم لا ياشيخ ذا **** ما وراه الا الضياع .... من شفته ساكن في الكوخ مع خويه وانا غاسل ايدي منهم... رد عليه شايب ثاني قال انا سامع ان لا يا شيخ هو وخويه يعرفون محمد عطا ..يقولونه ما قلته مانيب حاط شي في ذمتي ... الزبدة حامت كبدي منهم .... أجل نضحي علشانهم و في الآخير يطلعون علينا اشاعات....
وصلنا القلعة ونزلوا ذاك الباب الكبير الخشب ومشينا من فوقه....يوم دخلنا الا وذا اللورد يلعب قولف في الحوش حقه ينقال له راعي رياضة هو ووجهه...قال له الريس رقبا اللي معنا هذولا طال عمرك لقيتهم يصيدون في الارض حقتك .... قال له الملك خلهم عندك خذ بصماتهم لين أفضا لك .... رحنا المكتب وخذا بصماتنا وسجل معلوماتنا عنده... المهم جلست أنا وراسان في غرفة الانتظار والعسكري ذا مسك التلفون وخذ يا مكالمات...أتصل على حرمته في البيت وقام يخنبق معها شوي وبعدين دق على واحد عنده له فلوس يذكرة فيها .... وعقبها أتصل على أخوه كان مع نابليون بونابرت في حملة مصر....المهم أنه كلف الحكومة ذاك اليوم فوق ستة آلاف كلها اتصالات...
بعد كم ساعة كذا نادانا اللورد....ونجيه في المجلس حقه ولين ذا السير سعيدان عنده....يوم دخلنا قال السير سعيدان ربي جابك يا لا ياشيخ.....يا حضرة اللورد الرجال ذا فاتح حساب عندي في بقالتي .... ومن يوم نقل للكوخ حقه ما سددني ..... أرسلت له ولدي الصغير وجلده ....أرسلت له العمال عيا ما يعطيهم الفلوس...جبت له استدعاء من الحقوق المدنية ولا جا.... والحين انا داخل على الله ثم عليك يا حضرة اللورد ان تعطيني حلالي من هالادمي .... قال اللورد أبشر لكن خلنا أول شي نخلص من اللي حن فيه .....طالع فينا اللورد قال سلامات يا شباب ... ما ملوا عينكم الحرس حقيني ولا ملت عينكم التعليمات اللي أنا منزلها ان ماحد يصيد في أراضيي....قلت تكلم يا راسان ... قال لا والله ما يتكلم الا انت ....قلت عيب يا رجال تكلم انت....قال لا والله ... ما يصير ....المهم قلت أول شي يا حضرة اللورد وربي اني زعلان عليك .... قال أفااا ليه .. الله لا يجيب الزعل انشاء الله ....قلت بالله هذي اشكال تماشيها ... ما لقيت الا سعيدان...أقصد السير سعيدان...قال يا رجال خل عنك ماني أماشيه الا ابيه يعلمني رصته في البلوت ...ما حد قدر يقصها ...يركبها أربع مية و مية عنده .. وخمسين وسرا عند خوية
قلت يا رجال خل عنك ...أصل لو فيه خير ما احتاج للرصة ....المهم قال راسان بلا مصالة أنت وهو ترانا جايين هنا علشان الصيد ... قال اللورد اييه صح نسيت .... المهم أنا حكمت عليكم يا ثنين بالاعدام...قلنا اعدام مع الاشغال الشاقة والا بدون خخخخخخخخخخخ ... قال الخلا لا بارك الله فيكم من ماصلين ...وحنا خارجين لقينا ولد اللورد يجري طالع للحوش وأخته تجري وراه...قال قايد الحرس لا تطيح وانا عمك .. قلنا لك خل عنك المراكض اللي بدون سنع ... المهم جات بنت اللورد تفكر ما فيه الا الدلخ ذا حق الحرس...قالت شف يا عم قل له يجيب الريموت حق التلفزون...والا والله ان اكسر شريط الدوري الياباني حقه....في هاللحظة جات عيني في عينها .... يا ويل ويلي .... عز الله اني خقيت معها من جد ذبت ... والبنت قامت تطالعني بدلاخة كذا ... قالت والا تدري خلاص اصلا ما ابي الريموت ....
المهم دخلنا انا وراسان الزنزانة ... قلت لا بارك الله فيك ولا في الساعة اللي طعتك فيها .... وش فيها لو جلسنا على السمك ... ماهوب احسن لنا من التفلات يا روبن قريح.... قال يا رجال خل عنك ولو مالك الا سارا اللي كحلنا فيها قبل شوي ...قلت اقول على تبن .. لا تخطي عليها فاتوطى في بطنك ...قال ارحمونا يابو شيخ اجل حبيت ... قلت حبيت وبس ... الا تنثرت ... صراحة ما ألوم سعيدان وعليان اللي في طاش ما طاش يوم يقولون صديقنا مصطفى هونيك ... جلست انا وهو نسولف في الزنزانة الا وريس الحرس جاي .... قال لي اللورد يبيك ... قلت رح له قل اني مشغول شوي ... قال راسان قل له ماهوب طالع الا وخوية معاه ... المهم راح ورجع علينا يدربي راسه .... قال تعال انت وهو يقول تعالوا ثنينكم ....
جينا عند اللورد ولينه جالس في الحوش و قاعد يتقهوى ....وولده السبيكة جالس عنده... يوم جينا قال له ابوه رح وانا ابوك قل لهم يخلصون لنا قهوة جديدة وطول عندهم (يعني صرفة للي ما فهموها) ..جلسنا وصبوا لنا من فنجال فنجال ..يوم عطوني فنجالي فحطيته في الارض ... قال اللورد ... أبو سارا ..ورا ما تشرب فنجالك ...قلت مانيب شاربه الا بطلبي .... قال جاك .. قلت نبيك تفكنا ... قال أبشر لكن بشرط ... تعلمني وش قصدك يوم تقول لو في سعيدان خير ما أحتاج للرصة ... قلت يعني لو انه حريف بلوت ....ما كان خلا الرجاجيل يطلعون برا وهو داخل لين يحتاج انه يرص ...قال وربي انك رهيب ... خلاص ما تبي طلب ثاني غيرها ... قال راسان لحظة هماك داعينا من الزنزانة ... وش تبي فينا .. والا هي بس مشورة على الفاضي ........ قال اللورد اوووووووووه بغيت انسى ..... ما تبون تكتبون وصية والا شي قبل اعدامكم .... قلت يابو الشباب هماني طالبك قبل شوي تفكنا ووافقت قال وين يابوي في مسلسل بدوي ... أنت صدقت الله يصلحك ...يالله قم انت وياه وتروشوا قبل الاعدام ...بعدي الشاطرين
عز الله رحنا وتروشنا .... ونطلع يم الصفاة حقتهم علشان يعدمونا .... ويوم بدا يقرا البيان حقنا الا وواحد جاي يصيح من آخر القرية ....وقفوا وقفوا ... قال ريس الحرس خير يالطيب وش عندك ... قال اللورد يسلم عليكم ويقول أجلوا الاعدام لين بعدين ... فيه موضوع أهم منه.... ...المهم فكوا الحبال من على رقابنا وطلع هاللي جاي من عند اللورد .... قال بنت اللورد مريضة ويقول اللورد اللي بيعالجها بيعطيه اللي يبي ...... قلت لريس الحرس ودني للورد الحين ضروري ......عز الله وداني يوم دخلت عليه قلت وش مشكلة البنت يا طويل العمر .....قال والله مانيب داري ... يجيها كتمة و يضيق صدرها .... وتقوم تكح تالي الليل .... قلت بس كذا قال ايه ... قلت بسيطة ..... ممكن اشوفها ...قال أوي أوي ..ممكن ليش لا .... انتظر شوي واخليهم يجيبونها ....... جلسنا شوي الا وهي داخلة علينا وفي يدها صينية فيها كاسين عصير الربيع ....قلت وين يابو الشباب خطبة هي ... قم يالله الله لا يهينك ابي اتكلم مع البنت على انفراد...قال تكفى دبر لها علاج ولك اللي تبي ....يوم طلع قالت البنت انت صدقت يالمخفة اني مريضة .... ماغير استهبل عليهم علشان ما يذبحونكم ...قلت يا بعد عمري والله ...خلاص باروح اجيب لك شابورة من عندي من البيت ويعني انها هي اللي عالجتك ....طيب... قالت ابشر يا بعد عمر سارا .....وانطلق للكوخ واجيب لها كيسة شابورة وتعافت ....
يوم ناداني اللورد قال آمر تدلل ...لا يردك الا لسانك .... قلت ما يامر عليك عدو يا طويل العمر ...... مانيب مكثر عليك صراحة هي طلبتين ....ابيك تفك خويي راسان والشي الثاني ابيك تسدد فلوس السير سعيدان اللي علي