جيتكم من حدرى
08-03-2002, 03:43 PM
1-كنت في الثالث ابتدائي وفيه واحد اسمر اشهدوا اني قلت اسمر(علشان مايشهد دحباش علي)اسمه مساعد فاقع كبدي واروح اقول له:انك اسمر يااسمر(ترجموها)واعطيه بقس على فاية كبده ويبكي والعيال يمسكونني وانا اتفرع .المهم اني كررتها عدة مرات والاسمر لاحول له ولا قوه الا بالبكاء .ويجي ذاك اليوم ويعلم(معيوف)عمه في الصف الرابع ويجيني يقول :شف لا عاد تخبط مساعد احسن لك.قلت:ويش بتسوي ياسمر.قال:بادعس بطنك .واقوم اتفتن عليه ومسكوني العيال.ويجيني ويقول:اذا انت رجال لما طلعنا لا تروح .قلت:ولا عندي في لحيتك يااسمر.والله قمت امالي نفسي انتظر ولا اروح (ولا به فراعه)احسن سيئ اجفل وبكره اتفتن عليه قدام الشباب.بس جاني ذاك العقل وقلت والله ما اجفل .ويوم كلاً راح جاني الاسمر (معيوف)ومساعد الله لايسعد ايامه متفرج ويمسكني وحن على سبلطحه ويجر شعري(من اول كان عندي شعر)ويخبط بجبهتي في السبلطحه وانا اصيح وابكي هاثم راح ويوم ابعد قلت:نعن امي فيك يااسمر والله ماتسلم ان اعلم المدير واحط رجلي للحارس واعلمه كلمتين اقولها وشوي انشج ولين جبهتي قد فيها نفصتين من النطاح(مثل اللي تجي في الكراتين)وقام الحارس يشبح في جبهتي ويضحك ويقول:رح رح لبيتكم .ويوم جا من بكره واسرح بكفيه (تراني مابعد لبست كفيه قبل ذاك اليوم)بس علشان تغطي اللي انتوا خابرين ولا يشوفونها الشباب لأنهم لي شافوها قالوا اني مرضوخ وذا الكلام ماصار اسمر تبونه يخبطني ياعيباه (بيني وبينكم ما مشت عليهم الكفيه).
2-جاني عمي الله يذكره بالخير وانا في اول ثانوي وقال لي:عندنا القابلة ختان ونبغاك تاصل الرجال ذاك(شيبه)وتقول له:يقول عمي الله يحييكم للختان القابلة.مسكت ورحت وانا مدوخ ياسعدي قدني رجال يعتمد عليه وقدني اعزم والله خلاص لازم اكب لعب الكوره مع الغران ولاعاد اجلس الا مع الكبار خاصة اني ابي متوفي وانا اكبر اخواني .
وادق سلف الهايلكس غمارتين موديل82 واوجه ظهر ما انصبر لي لين العرب يقيلون ولا جات الساعة اثنين الا وانا اطرق (طاط _طاط)ويخرج لي ورع عمره ثلاثين واسلم عليه .قلت له:وين ابيك ياصبي.شبح فيني من فوق الى تحت وقال :داخل ولقاني ظهره وركب موتره .وجاني غرير قال:يفول ابي انك تقلط.
قلطت ولين ذا الشيبة وعنده حول ثمان نسوان (ماجفلوا يوم جيت بدوا وانا افتشلت ماقاموا يعني عادني مابعدني برجال) جلست وقربوا المركى واحطه على يميني قال الشيبه:حطه على يسارك .واحطه على يساري وسدري قده بيقرح من التيشه .قال :كيف انت .......الخ. الحمد لله طاعني ابشركم اقسم بالله انه طاعني بس ماتختمت.
يوم هنا ناولتني وحده القهوه واخذها وانا مدنق(خجول) قال :ويش علمك زان علمك.
شبحت في النسوان ثم دنقت وقلتبصوت واطي:اعفاك.(واسكت يرقبني المنزوع اكمل ولين وين).
بغى يكحلها قال:حياك وحيا علمك.قلت:يقول عمي :انكم تجون بكره عنده ختان .................واحط رجلي للسياره المباركه وكيف ركبتها ولا شغلتها ما ادري احس انا الدنيا مغدره ولا عادني اشوف شيئ وامشي واركب السفلت والخط فاضي(العرب مقيلين)وانا امشي ولا شفت الا وذيك الناقة قدامي واقفه على السفلت بس انا ماعادني اشوف شيئ ويطلع صوت السياره لولولولولولولولولولولولولولوجاف صدمت ذا الناقة المحقى ويعين الله قدني ازحف عليها على جنب وتضرب في موخر السياره وتطيح في الظهر وراسها خبط فوق راسي في التنده بس عادني قصير انفطست التنده الى قبل ماتنزل على راسي بشوي وتقوم السياره تلعب الين وقفت .
نزلت (والله العظيم انه صدق)وتقوم الناقه من الظهر وتنزل وتشبح فيني شوي (كنها تقول نعنباك يالمخومل مابلا انا وياك في الخط ولا طاعك تتصرف)وراحت .
ويجيني ذاك الشايب ويقول:ايه جاي سكران ولا هنأك الين تصدم ناقة العرب.واردعليه:نعنباك ***** حد يسكر القايله بدل ما تقول سلامات واخاصمه ويجوني شباب (سلامات سلامات انت سالم )قلت :ايه مافيني الا العافية ودوني ونسحب السيارة للورشه واروح لهلي.
بعدها باربع سنوات جاني ذا الشيبه في البيت .وفرحت وقلت(فرصه اساوله واتخبره علشان يعرف ان قده يطيعني)واجلس واساوله والحمد لله عدت واخذ واقول:حيا الله من جا .ثم اقوم وادخل للبيت واعود واقول يالله حيه واسكت.
المهم ما شلتني عظامي .وتعشى الرجال وسرى.
ويوم جا عيد الفطر اللي راح واشل اخواني واروح اعيد عليه (الشيبه لمحق)وطول الطريق وانا اردد في خاطري(اعفاك من شق الديره ليحضرتكم ما به علم )واردد الين وصلنا عزالله نزلنا سلام ارحبوا جلست راز وجهي للسوال قال:ماجورين وردينا وخلصنا ونتقهوى وارتحت انه اختصر المشوار .ويوم قد حن نتحدث قال:ايش اعلومكم.ما سمعته دقني اخي قلت:ايش بلاك.قال الشيبه:ايش علومكم.مسكت واشبح فيه (واطلق تنهاده)قلت:الله اللي يعفيك .
اكرمكم الله مشينا يا عيال ونقوم والعيال يضحكون علي وانا العن خامسهم وندق سلف الموتر ونحرك واحرم اني اقابل ذا الشيبه في مقعد الى ذا اليوم .وطولة عماركم
2-جاني عمي الله يذكره بالخير وانا في اول ثانوي وقال لي:عندنا القابلة ختان ونبغاك تاصل الرجال ذاك(شيبه)وتقول له:يقول عمي الله يحييكم للختان القابلة.مسكت ورحت وانا مدوخ ياسعدي قدني رجال يعتمد عليه وقدني اعزم والله خلاص لازم اكب لعب الكوره مع الغران ولاعاد اجلس الا مع الكبار خاصة اني ابي متوفي وانا اكبر اخواني .
وادق سلف الهايلكس غمارتين موديل82 واوجه ظهر ما انصبر لي لين العرب يقيلون ولا جات الساعة اثنين الا وانا اطرق (طاط _طاط)ويخرج لي ورع عمره ثلاثين واسلم عليه .قلت له:وين ابيك ياصبي.شبح فيني من فوق الى تحت وقال :داخل ولقاني ظهره وركب موتره .وجاني غرير قال:يفول ابي انك تقلط.
قلطت ولين ذا الشيبة وعنده حول ثمان نسوان (ماجفلوا يوم جيت بدوا وانا افتشلت ماقاموا يعني عادني مابعدني برجال) جلست وقربوا المركى واحطه على يميني قال الشيبه:حطه على يسارك .واحطه على يساري وسدري قده بيقرح من التيشه .قال :كيف انت .......الخ. الحمد لله طاعني ابشركم اقسم بالله انه طاعني بس ماتختمت.
يوم هنا ناولتني وحده القهوه واخذها وانا مدنق(خجول) قال :ويش علمك زان علمك.
شبحت في النسوان ثم دنقت وقلتبصوت واطي:اعفاك.(واسكت يرقبني المنزوع اكمل ولين وين).
بغى يكحلها قال:حياك وحيا علمك.قلت:يقول عمي :انكم تجون بكره عنده ختان .................واحط رجلي للسياره المباركه وكيف ركبتها ولا شغلتها ما ادري احس انا الدنيا مغدره ولا عادني اشوف شيئ وامشي واركب السفلت والخط فاضي(العرب مقيلين)وانا امشي ولا شفت الا وذيك الناقة قدامي واقفه على السفلت بس انا ماعادني اشوف شيئ ويطلع صوت السياره لولولولولولولولولولولولولولوجاف صدمت ذا الناقة المحقى ويعين الله قدني ازحف عليها على جنب وتضرب في موخر السياره وتطيح في الظهر وراسها خبط فوق راسي في التنده بس عادني قصير انفطست التنده الى قبل ماتنزل على راسي بشوي وتقوم السياره تلعب الين وقفت .
نزلت (والله العظيم انه صدق)وتقوم الناقه من الظهر وتنزل وتشبح فيني شوي (كنها تقول نعنباك يالمخومل مابلا انا وياك في الخط ولا طاعك تتصرف)وراحت .
ويجيني ذاك الشايب ويقول:ايه جاي سكران ولا هنأك الين تصدم ناقة العرب.واردعليه:نعنباك ***** حد يسكر القايله بدل ما تقول سلامات واخاصمه ويجوني شباب (سلامات سلامات انت سالم )قلت :ايه مافيني الا العافية ودوني ونسحب السيارة للورشه واروح لهلي.
بعدها باربع سنوات جاني ذا الشيبه في البيت .وفرحت وقلت(فرصه اساوله واتخبره علشان يعرف ان قده يطيعني)واجلس واساوله والحمد لله عدت واخذ واقول:حيا الله من جا .ثم اقوم وادخل للبيت واعود واقول يالله حيه واسكت.
المهم ما شلتني عظامي .وتعشى الرجال وسرى.
ويوم جا عيد الفطر اللي راح واشل اخواني واروح اعيد عليه (الشيبه لمحق)وطول الطريق وانا اردد في خاطري(اعفاك من شق الديره ليحضرتكم ما به علم )واردد الين وصلنا عزالله نزلنا سلام ارحبوا جلست راز وجهي للسوال قال:ماجورين وردينا وخلصنا ونتقهوى وارتحت انه اختصر المشوار .ويوم قد حن نتحدث قال:ايش اعلومكم.ما سمعته دقني اخي قلت:ايش بلاك.قال الشيبه:ايش علومكم.مسكت واشبح فيه (واطلق تنهاده)قلت:الله اللي يعفيك .
اكرمكم الله مشينا يا عيال ونقوم والعيال يضحكون علي وانا العن خامسهم وندق سلف الموتر ونحرك واحرم اني اقابل ذا الشيبه في مقعد الى ذا اليوم .وطولة عماركم