شطينه اطفال ( جديد قايد الشريف )

[عكروشــان]

((((((((((((((((( شيطنة اطفال ))))))))))))))))))

طفح كيــل القصيـــد اللي نزفتــه وابتدا الموال
................وانـــا لازت ادور لـك كلامٍ يستـر اوراقي
ادور في مجاهيـــم القـصايـــد مايثيــر البـــال
............عساني لاوصفت اوصف حلاك وأكسر وثاقي
انا لاشفت هالكحل بطرف عينـــك ازيــد هبال
.......... وازيد من الجنون اكثر جنــون وانثر اشواقي
دخيلك لا تناظرني تــرى بعض العيــون خبال
............... دخيلك لاتزيـــد الطين بلــه وانت فـ اعماقي
دخيــل اجمــل عيـــون اللي شقاوتها تهد جبال
.................. دخيلك لاتجنني بها ثم تنــــوي فراقي
دخيل احلى عيون اللي بها سحر وشموخ رجال
........... تخليني معــاهــا ارحــل بعيـــد وتوسع افاقي
دخيل اجمـــل جديلٍ طاح من عالي مثل شلال
............علىخصرٍ نحيل وعجــز وصدرٍ كمل الباقي
دخيلك والهـوى لامن تحـــرك ثــم جديلك مال
........... يميل القـــد مع ميل الجديــل ومعـــه خفاقي
دخيل اجمل حرير اسود سواده فاق اسود شال
.............تخليني على زنــدك انـــام وأغمض احـداقي
دخيل الجيـــد والعاتق دخيل النحــر والسلسال
.............دخيل الشفتين اللي تضيــــع هقــــوة الهاقي
دخيل الخال في صدرك دخيل اجمل صدر به خال
............ دخــيل الضمتين ورجفــة الخفاق وعناقي
دخيل السلسبيل اللي بصدرك والعرق لاســال
...............تخليني وسطـه اغرق ألـين اوصــل لترياقي
وانا لاقلت بغرق بك ابغــرق ماعليها جــدال
..............ابغرق لين يذبحني ضمــاك ويطــفش الساقي
دخيلك يوم انا جيتك وجيت بشيطنة اطفـــال
............... تخليني على الفطــره كـــذا لاتنوي اغراقي
دخيلك لا طفح كيل القصايد مانتهى المــوال
............. تخلـــيني ادور لـــك كـلامٍ يفضح اوراقي


قايد الشريف

[دحباش]

والله قصيده رائعه يا عكروشان ....... علي حرام اني دخلت جو .. دخيلك لاتهيضنا :)

مشكور ياعكروشان ( المتميز بالفعل ) و الله يكثر من الأعضاء أمثالك

في الدعه

[سايق الخير]

الله يعطيك العافية فعلاً قصيدة جميلة بس حجم الخط ماهو بياجوده صغير بس الجايت بتاخذ حذرك بخصوص ان يكون هناك توافق بين جمال القصيده والأشياء الأخرى مثل:حجم الخط والتنسيق ..........الخ.
الله لا يهينك.