{{ لا يالله رجيتك ..}}

[السواح]

بسم الله الرحمن الرحيم


الا يالله رجيتك يارجا من يرتجي رجواك "=" تعلق بك رجا نفسي ومدت فيك رجواها
ابن مهذل محمد يقول يالله جودك وحسناك "=" تعين الصادقين اللي نوايها مطايها
تهدل منظر الدنيا زهرها صار نبت أشواك "=" حدايقها الجميلة ما تسر العين رؤياها
يكون اللي يكون وما يكون يدبره مولاك "=" بكاف ونون رب الكون بالقدرة تولاها
خلق الأنفس وسواها بكامل معرفة وأدراك "=" ذي ألهمها الفجور وهذي ألهمها لتقواها
الا أيها الانسان ماغرك ومانســــــك "=" بربك وأنت نفسك ما تلاقي غير مسعاها
خذك لهو الحياة وجرك الشيطان لين أغواك "=" ولا تدري بمن قد عاش في الدنيا وخلاها
ثمود وعاد من قبلك رعوا فيها مثل مرعاك "=" وناس غيرهم وين البقية من بقايهــا
حبال العمر يطويها الزمن في صبحك وممساك "=" مثل نار المسافر يوم ولعها وطفاها
تراجع للهداية وأغتنم ما عاد من دنياك "=" قبل تطوا الصحف والنفس تستسلم لمولاها

وسلامممتككككممم

الشاعر :- محمد بن مهذل الصقور