الــــد خش

[الصقر]

ئيئ ئيئ يئي ئيييييييييي ( صوت الديك )
قمنا وأصبح الملك لله.........راقد في المقلط والمسجل Sony ( ابو سماعة ومحطوط له غطاء قلم يمسك زر التشغيل) على يساري وشرطان مزعل Happy وعبدالكريم منثرة.
المهم قمت واتمطط لي شوي..........واسمع صوت نسوان في الصالة..........( مسيرات) قلت ياولد مالك الا تخرج عند الباب اليوم خميس ووناسة .....................واخرج واقعد على الدرج اللي عند الباب ووجهي يقطع الرزق العواير في شق والبرطم في شق ...............ولين ذا الغران يلعبون سيارات ويجون من جنبي وينزل الواحد يده ويرفعها ويجلس يبرم نفسه في هنا مغبره يزعم انه ساحب جلنط...........يوم اشبح على يمني ولين ذا الغرير اللي ماعليه الا فنيله علاقي جاي يمشي طبلونه واسحب جلنط الين اول ماضرب في القاع قبوعه الا وهنا عجوز يوم قالت تستاهل ( الحب نجدية ) تستاهل يامعثور قلنا لك كب الشنقحة منك.............. انا بيني وبينكم امتغثت قمت ابغا ادخل ولين الهندي جاي قال:
كيف هال انتا مودير
قلت ايش فيه
قال هازا هراسه( حراثة) متى اجي?
قلت مافي معلوم انا قبل شوي قوم من نوم
لجفت بالباب ودخلت ولين واحد من عيال عمي لاحقني قال معنا ياشاب..............( كان طموحنا هذيك الايام الشبابية وعاد الواحد منا فست القاع*) قلت وين قال فيه عزبة في دخش الصنبوووورا وانا بلا راجع اجيب ملح وبيضتين...............
المعذرة جاني اتصال من السعودية
brb