لا يا شيخ
28-02-2002, 11:23 AM
** حصلت هذه الرواية على العديد من الجوائز العالمية مثل جائزة الشريم الذهبي في مهرجان شليـــــــا السينمائي.
**حصلت على المركز الثاني كأكثر الروايات توزيعا حسب احصائية معرض الحصين للكتاب.
================================
جاء ذاك اليوم وانا ضاوي للبيت بعد المغرب.. وكعادة اي شاب مضوي معي خبز ولبن (اللي جاهرني ان العجايز ينخرشون على الخبز واللبن لما جات حزة الغيبة ذيك....احسن وقت للتمشية مع الشباب).....المهم دخلت و نذحت بها في المطبخ...واروح للشيبه ولينه ذا على التلفزون و معتصب و لابس ثوب نوم و التلفون عند ركبته....المهم سلمت ولا رد علي .. ما كنه سمعني ....فدريت انها قافلة معه وان ما بعدها الا اللجح........اعود والله و اخرج في الحوش ولين ذولا عيال اخي الصغار واخواني يلعبون كورة.....واجيك يعنني يطيعني اونس الغران.....واقوم العب معهم ....وهم قدهم بيتفرون من الضحك على سماجتي ....وكل ما ضحكوا تزايدت في السماجة ...... و يوم ربك يريد فانعرض عقلي واقوم وارقع الكورة ثم امزع هنا غرير على اخي فلينه منسدح وعيونه متقلبة ......ولا امداني امزعه الا وهنا مسودل من اخواني الصغار منطلق للشيبة يعلمه.....طبعا الشيبة قدهو يحقط لي متى اخطي علشان يطلع الاول والتالي من ضلعي ......المهم جيت الصبي واقوم اسوي له تنفس صناعي ( حشرته بالكثح )......
مع طلعة الشيبة .....ولينه يوم انطلق علي ثم عطاني سبلكس خلفي ...ثم طلع في الدريشة وعطاني وحدة من نكعات سنوكا.......ثم انفلت اما ذيك الساعة علي يطخرني......رح الله يصبها في وجهك يالمخومل....خلق الله يكبرون يعقلون وانت تكبر تخبل....والله اني معاهدك بالله ليمن تعدل مسيرك ان اسحبك بالسيارة .......نعنابيك انا باقعد لك حي دايم.................في هذه اللحظة وصلت دعاوي العجوز من الصالة وهي تمسد الغرير.........عز الله انك يا ذا الصبي جيهنت لي حرقة كبد.....لما قلت انك كبرهنت و قد فيك من كفاني بعمرك فلين خبالتك تكبر معك......الله علم عادني باشوفك عاقل.........شف هادي ابن حمد جعلك حذاه قد هو ذا عندك مريح هله.......
المهم ما خلصت العجوز دعاويها الا والشيبة يدافرني مع الباب يبا يخرجني ......انقلع والله لين عاد عيني تحدك ....عز الله انك بزوة فلس ........يوم شافته العجوز يبي يخرجني فقلبت عليه صن........صارت في صفي ...... قالت شف يا ذياك ..مثل ابي انك يوم تخرجه ان اروح معه.....ما خبله الا انت.......كل ما صكتك كراعك طردهنته.......تراه كبر و ملحت انك تاخذه معك و تجيبه.......قال الشيبة انه مغث ........عاد لما قدهو يعني انه صامل ...ياويلي في البلا.....
المهم في ذيك اللحظة انفجرت عليهم ...........قلت خلاص ... كفايه ظلم ...كفاية اضطهاد.....انا انسان ..عندي احاسيس و مشاعر ........حسوا فيني ....ايش خبل ذي وايش بزوة فلس .....لو بس تعطوني جزء من ثقتكم كان شفتوا شي تنكرونه .....وبعدين ايش هادي ابن حمد ذا ....كل ما قلتوا قلتوا هادي ....والله ان اذبحه (عز الله ان عاد به دواهي)....يوم قلتها فلين الشيبة يوم انبطح يضحك ....قلت ايش فيه ..... قال كمل يارشاش كمل .. ما فيه الا سلامتك ههههههه .....قلت و بعدين يوم انت تقول اني مغث واني بلا .... سلامات يابو الشباب ... لا اكون من اخوياك في الديوانية وانا ما ادري (لا تصدقون ما قلته )................ المهم يوم خلصت كلامي فلين ماعاد الا انا في الحوش لحالي.... اثر الشيبة دخل و سفطني .... ولين عندي هنا بنت على اخي تلعب ... يوم شفتها قلت يالله ادخلي لا العن والديش .... يالله ............ قالت ترى باعلم جدي .. فليني يوم استخفيت ........
المهم رحت وغسلت وجهي بعد الخبط....والعجوز جهزت العشا..... واجي ولين قدهم ذولا حاضين بالسفرة ......يوم دخلت فقرح الشيبة يضحك ,..... قال شف وجهه ذا المشوع.... ترى الله مكثر الغتر ..... تلثم ويلي فيك قلبهنت كبدي...... طبعا انا ثقيل ما رديت عليه ...........قال لحدى ابزياي ..... اخر كذاك يا صبي من عمك الداهية اللي بيذبح هادي ههههههههه.... فانزرمت....حسيت اني استعجلت يوم قلتها .... والا اصلا ايش جاب طاري الذبح........المهم ان الشيبة سلك له قعنون و راح يرقد... وانا قعدت اخوش مع الغران.... اجلد ذيك النواشف مع صحن مقلقل ثم اردمها بطاسة لبن ..... واقوم ابا المسرى ..... قالت العجوز ابيك يقول لا تروح مكان الليله ان وراك مقام بكرة و مسراح انت واياه ....
الزبدة.. امسينا ذاك الليل .. يوم جا صباح اليوم الثاني ولين الشيبة يقومني للفجر.. كالعادة ماني اقوم الا بعد الرضخ...... قال الشيبة صل و تعال اباك .. ما عاد بقينا بنوم.... المهم سلكت الركعتين واجي الشيبة يعنني قاز .... قلت صبحك بالخير و ماجور.... قال ايش ماجور ذي.... عاد علمي بك البارح .... ما بعد اشتحنت لك ..........و بعدين لا تحاكا لين قد تفطر والا تقهوى الله يقلب كبدك......كالعادة انزرمت و سكت.......شوي الا بنت حمر العين (العجوز) جايتنا بذيك المرضوفة اللي تنحن من اللمسة ........ونردم فيها لين ما بقي الا الحيد تلعب في المدهن.......قال الشيبة يالله رح البس و احتزم......ورانا مسراح......
واروح واصك بذيك التشخيصة.....ناكس العقال لين ما عاده يرده الا اذني.....والحزمة .. يعني شي يهول....يوم جيت الشيبة قال ايش ذا النكسة يا صبي.....ايش بلا كنك دوشان عازم له عبيد ومحتضي لهم (ماهوب بسيط يماري).......المهم اعود واعتصب .... ونركب الصالون..(الصالون ما يطلع الا في المناسبات).....ولا امدانا نحرك الا والشيبة متهيض زوامل و درقلة....وانا اهوجس..........قال شل الصوت معي لا تقعد مجحم.....واجيك واتنهت ثم اجرها دندنه........ يالله طلبنااااااااااااااااك ليل قام سيله يقود......قال بس البخ ما اشين صوتك......
قلت الا علمني اين حن سارحين.....قال خلها مفاجأة..... قلت احلااااااا يابه .... ايش انا اسمع....ايش هي مفاجأته .........قال حن سارحين نخطب.................انت خلاص كبرهنت و انا الله اعلم كم عادني باعيش......قلت يا رجال صل على النبي.........انت انشاء الله ان الله بيعطيك طولة العمر لين تشوف عيالي و عيال عيالي بعد............ومن ناحية الخطبة فانا ما بعدني بمستعجل على شي..........خلني اكون نفسي و ارتب اموري......ثم ذاك الوقت ابشر بعزك.........المهم وقف الرجال السيارة على جال الخط ثم سدح المرتبة هاثم انبطح يضحك اما ذيك الساع..............قال اني ممتغث منك لحالك فازيد اشوف عيالك............و بعدين لا تفرح يوم انا قلت ان قدك كبير....ترى قصدي ان قد فيك من قام بامك واخوانك الصغار ............وحن ذلحين سارحين نخطب لي انا اذا عاد الله كاتب لي صيب ابرك منك :(
**حصلت على المركز الثاني كأكثر الروايات توزيعا حسب احصائية معرض الحصين للكتاب.
================================
جاء ذاك اليوم وانا ضاوي للبيت بعد المغرب.. وكعادة اي شاب مضوي معي خبز ولبن (اللي جاهرني ان العجايز ينخرشون على الخبز واللبن لما جات حزة الغيبة ذيك....احسن وقت للتمشية مع الشباب).....المهم دخلت و نذحت بها في المطبخ...واروح للشيبه ولينه ذا على التلفزون و معتصب و لابس ثوب نوم و التلفون عند ركبته....المهم سلمت ولا رد علي .. ما كنه سمعني ....فدريت انها قافلة معه وان ما بعدها الا اللجح........اعود والله و اخرج في الحوش ولين ذولا عيال اخي الصغار واخواني يلعبون كورة.....واجيك يعنني يطيعني اونس الغران.....واقوم العب معهم ....وهم قدهم بيتفرون من الضحك على سماجتي ....وكل ما ضحكوا تزايدت في السماجة ...... و يوم ربك يريد فانعرض عقلي واقوم وارقع الكورة ثم امزع هنا غرير على اخي فلينه منسدح وعيونه متقلبة ......ولا امداني امزعه الا وهنا مسودل من اخواني الصغار منطلق للشيبة يعلمه.....طبعا الشيبة قدهو يحقط لي متى اخطي علشان يطلع الاول والتالي من ضلعي ......المهم جيت الصبي واقوم اسوي له تنفس صناعي ( حشرته بالكثح )......
مع طلعة الشيبة .....ولينه يوم انطلق علي ثم عطاني سبلكس خلفي ...ثم طلع في الدريشة وعطاني وحدة من نكعات سنوكا.......ثم انفلت اما ذيك الساعة علي يطخرني......رح الله يصبها في وجهك يالمخومل....خلق الله يكبرون يعقلون وانت تكبر تخبل....والله اني معاهدك بالله ليمن تعدل مسيرك ان اسحبك بالسيارة .......نعنابيك انا باقعد لك حي دايم.................في هذه اللحظة وصلت دعاوي العجوز من الصالة وهي تمسد الغرير.........عز الله انك يا ذا الصبي جيهنت لي حرقة كبد.....لما قلت انك كبرهنت و قد فيك من كفاني بعمرك فلين خبالتك تكبر معك......الله علم عادني باشوفك عاقل.........شف هادي ابن حمد جعلك حذاه قد هو ذا عندك مريح هله.......
المهم ما خلصت العجوز دعاويها الا والشيبة يدافرني مع الباب يبا يخرجني ......انقلع والله لين عاد عيني تحدك ....عز الله انك بزوة فلس ........يوم شافته العجوز يبي يخرجني فقلبت عليه صن........صارت في صفي ...... قالت شف يا ذياك ..مثل ابي انك يوم تخرجه ان اروح معه.....ما خبله الا انت.......كل ما صكتك كراعك طردهنته.......تراه كبر و ملحت انك تاخذه معك و تجيبه.......قال الشيبة انه مغث ........عاد لما قدهو يعني انه صامل ...ياويلي في البلا.....
المهم في ذيك اللحظة انفجرت عليهم ...........قلت خلاص ... كفايه ظلم ...كفاية اضطهاد.....انا انسان ..عندي احاسيس و مشاعر ........حسوا فيني ....ايش خبل ذي وايش بزوة فلس .....لو بس تعطوني جزء من ثقتكم كان شفتوا شي تنكرونه .....وبعدين ايش هادي ابن حمد ذا ....كل ما قلتوا قلتوا هادي ....والله ان اذبحه (عز الله ان عاد به دواهي)....يوم قلتها فلين الشيبة يوم انبطح يضحك ....قلت ايش فيه ..... قال كمل يارشاش كمل .. ما فيه الا سلامتك ههههههه .....قلت و بعدين يوم انت تقول اني مغث واني بلا .... سلامات يابو الشباب ... لا اكون من اخوياك في الديوانية وانا ما ادري (لا تصدقون ما قلته )................ المهم يوم خلصت كلامي فلين ماعاد الا انا في الحوش لحالي.... اثر الشيبة دخل و سفطني .... ولين عندي هنا بنت على اخي تلعب ... يوم شفتها قلت يالله ادخلي لا العن والديش .... يالله ............ قالت ترى باعلم جدي .. فليني يوم استخفيت ........
المهم رحت وغسلت وجهي بعد الخبط....والعجوز جهزت العشا..... واجي ولين قدهم ذولا حاضين بالسفرة ......يوم دخلت فقرح الشيبة يضحك ,..... قال شف وجهه ذا المشوع.... ترى الله مكثر الغتر ..... تلثم ويلي فيك قلبهنت كبدي...... طبعا انا ثقيل ما رديت عليه ...........قال لحدى ابزياي ..... اخر كذاك يا صبي من عمك الداهية اللي بيذبح هادي ههههههههه.... فانزرمت....حسيت اني استعجلت يوم قلتها .... والا اصلا ايش جاب طاري الذبح........المهم ان الشيبة سلك له قعنون و راح يرقد... وانا قعدت اخوش مع الغران.... اجلد ذيك النواشف مع صحن مقلقل ثم اردمها بطاسة لبن ..... واقوم ابا المسرى ..... قالت العجوز ابيك يقول لا تروح مكان الليله ان وراك مقام بكرة و مسراح انت واياه ....
الزبدة.. امسينا ذاك الليل .. يوم جا صباح اليوم الثاني ولين الشيبة يقومني للفجر.. كالعادة ماني اقوم الا بعد الرضخ...... قال الشيبة صل و تعال اباك .. ما عاد بقينا بنوم.... المهم سلكت الركعتين واجي الشيبة يعنني قاز .... قلت صبحك بالخير و ماجور.... قال ايش ماجور ذي.... عاد علمي بك البارح .... ما بعد اشتحنت لك ..........و بعدين لا تحاكا لين قد تفطر والا تقهوى الله يقلب كبدك......كالعادة انزرمت و سكت.......شوي الا بنت حمر العين (العجوز) جايتنا بذيك المرضوفة اللي تنحن من اللمسة ........ونردم فيها لين ما بقي الا الحيد تلعب في المدهن.......قال الشيبة يالله رح البس و احتزم......ورانا مسراح......
واروح واصك بذيك التشخيصة.....ناكس العقال لين ما عاده يرده الا اذني.....والحزمة .. يعني شي يهول....يوم جيت الشيبة قال ايش ذا النكسة يا صبي.....ايش بلا كنك دوشان عازم له عبيد ومحتضي لهم (ماهوب بسيط يماري).......المهم اعود واعتصب .... ونركب الصالون..(الصالون ما يطلع الا في المناسبات).....ولا امدانا نحرك الا والشيبة متهيض زوامل و درقلة....وانا اهوجس..........قال شل الصوت معي لا تقعد مجحم.....واجيك واتنهت ثم اجرها دندنه........ يالله طلبنااااااااااااااااك ليل قام سيله يقود......قال بس البخ ما اشين صوتك......
قلت الا علمني اين حن سارحين.....قال خلها مفاجأة..... قلت احلااااااا يابه .... ايش انا اسمع....ايش هي مفاجأته .........قال حن سارحين نخطب.................انت خلاص كبرهنت و انا الله اعلم كم عادني باعيش......قلت يا رجال صل على النبي.........انت انشاء الله ان الله بيعطيك طولة العمر لين تشوف عيالي و عيال عيالي بعد............ومن ناحية الخطبة فانا ما بعدني بمستعجل على شي..........خلني اكون نفسي و ارتب اموري......ثم ذاك الوقت ابشر بعزك.........المهم وقف الرجال السيارة على جال الخط ثم سدح المرتبة هاثم انبطح يضحك اما ذيك الساع..............قال اني ممتغث منك لحالك فازيد اشوف عيالك............و بعدين لا تفرح يوم انا قلت ان قدك كبير....ترى قصدي ان قد فيك من قام بامك واخوانك الصغار ............وحن ذلحين سارحين نخطب لي انا اذا عاد الله كاتب لي صيب ابرك منك :(