من يام وهمدان رجالي

[سايق الخير]

يقول الشاعر :تعب احد اطفالي فأخذته الى المستشفى العام بعد صلاة المغرب مباشرة بصحبة اثنين من اخوانه وبينما نحن في الطريق واذا بسياره مسرعه ولا اعلم ما حدث بعد ذلك الا انني ادركت انه حدث تصادم عنيف بيننا حيث انني اصبحت خارج السياره واخذت اطالع يميني ويساري واذا بأبنائي مبعثرين هنا وهناك فأخذت اصيح بأعلى صوتي لعل احد يسمعني ويساعدني وبعد وقت جاء ابناء الحلال وحملونا الى المستشفى نحن والطرف الأخر والذي اتضح لي انه من ربعنا القريب ولم يمهله الله حيث توفاه الأجل قبل الوصول الى المستشفى وابنائي اصيبوا اصابات متفرقه ادخلوا على اثرها الى العناية المركزه لمدة تتراوح بين شهر الى ثلاثة اشهر وانا اقل اصابه فيهم حيث تنومت اسبوع ومنها الى السجن العام .وعنما دخلت السجن لقيت السجناء يرحبون بي في السجن ويوم خذيت وقت ضاق خاطري وناديت على العسكري اريد الخروج لأرى أي شيء غير الجدران ولكنه رفض.فقلت هذه القصيده:
يالله سألتك ياعالي**ياربي ياذا الجلالي
ياعالم الاول والتالي**انا باطلب منك التوبه
انا باشكي مما جالي**ستعشر في الشهر الحالي
الساعه سبعه زوالي**ابغى بيتي رايح صوبه
في الموتر انا وعيالي**لقيني في السكه غالي
من ربعي مالي مجالي**اغفر له يارب ذنوبه
لكن ربي ما هو يمالي**امر بالحادث في الحالي
غدينا كلاً في جالي**حن من صوب وهو من صوبه
طرت انا واحدى جهالي**ثم وقعنا بين رمالي
ثم ناديت بصوت عالي**غدينا كن حن لعوبه
ربعي عقال وخمالي**يفداهم جمع الأنذالي
كل واحد حاله من حالي**سمعوا الصوت هاثم عدوا به
جينا المستشفى طوالي**دخلونا الاستقبالي
جمعنا جراح وقالي**من خلص منهم روحوا به
طالعت يميني وشمالي**وعيالي كلاً في جالي
وسط الحجره ما نحتالي**كلاً جاه اللي مكتوب
جاني من الشرطه مرسالي**الدماك يسأل سوالي
قلت لهم ماني محتالي**رح للدفتر ثم عودوا به
الملازم عايض عنا لي**جاني واعطيته اقوالي
الاول منها مع التالي**وقدرة ربي مكتوبه
بعد اسبوع رحت لحالي**في ثوبي ثم ضيق بالي
جعله مايسقيه مخالي**اشعل في قلبي لاهوبه
قضينا فيه الليالي**وقضينا ايام طوالي
والحربي وذعار اقبالي**عدوي هم حلقوا به
جيت السجن وحايط عالي**قالوا هلا بك ياغالي
اهلا وسهلا ما انت بالتالي**ومن جاهم رحبوا به
سجن العمومي مقيالي**وممساي وفيه ابطالي
من يام وهمدان رجالي**كل القبايل حطوا به
لقيني البواب وقالي**هذا ثوب وذا سروالي
وهذي لك غترة شالي**شفها في الدفتر مكتوبه
ثم عطاني فرش بالي**مخيط من كل الجالي
قد له ست سنين حوالي**ويل من حطه تحت جنوبه
لي جا الليل ناموا طوالي**ياويل من يقعد للتالي
يربط في الدعمه بحبالي**كنه طفلاً لا زاعوا به
قالوا نم خلك رجالي**كيف انام وانا ماجالي
وعيوني تمسي ذبالي**والنوم يحرم ماني صوبه
ومن ظهر صوتاًعالي**قالوا له هرجك مانحتالي
لو كانك صديق لحالي**مانقبل ولي هي جوبه
يالله ياعالم الاحوالي**خارجنا من ذا المدحالي
خالد ما يقبل مثقالي**حكم العداله يمشوا به
كلاًفينا حكمه مالي**حتى الجندي ماهو يبالي
يتصرف فينا خمالي**نبغى الملازم ما اتصلوا به
جنديك يبغى مقالي**يبغى خيطين فوق ابدالي
عريفٍ عمره ما طالي**يذمر يلقينا جنحوا به
(...)هاض له امثالي**كلامٍ قلته في بالي
وباقي هرجي ما جالي**أتقوله واشرح ما جوبه
ابين من سره غالي**وابين من هو سربالي
لا يحسب ولا يطرا لي**جعله بندق بين جنوبه
ليلٍ جانا فيه مخالي**كل الوادي منه سالي
نجران سهوله وجبالي**واسفل وادينا فدوا به
براقٍ يشعل اشعالي**ورعودٍ تنحفر حالي
ودي بالمظهار اشلالي**ولين الحارس عقوبه
قلت تكفى يابن الحلالي**خلني اطلع في السطح العالي
هنا قنيفٍ وصالي**اربه يجيني هبوبه
ياخي هذا شيءٍ حالي**منت باحب من ذا الرجالي
ولا بمخلي لك مجالي **كلاً وده يطلع صوبه
قلت ذولا ماهم بامثالي**هم مبطين وانا وصالي
قدهم ناسين المنزالي**وانا قلبي زاد شبوبه
واختمها بقول الوالي**ذكره دايم علي بالي
ومحمد ذكره يحلى لي**عداد الحروف المكتوبه
وسلامة الجميع