المساعد الشخصي الرقمي

مشاهدة النسخة كاملة : للمشرفين والأعضاء(ارجو المشاركه)

سايق الخير
16-02-2002, 03:02 PM
اود من جميع المشرفين والأعضاء المشاركه هنا ببيت شعر يردده دائما او يحبه ويا ويل اللي ما يشارك:mad: :
سأبدأ وانتوا واصلوا
كاني خسرت الغلا باسباب غلطاتي****آدم خسر جنته باسباب تفاحه
سهيل
18-02-2002, 08:22 AM
اخي سايق الخير انت طلبت المشاركه ببيت واحد ولكن اعذرني بشارك بكم بيت اعجبتني جدا لك تحياتي :

ضــاعات أوراقــي علــى وجــه المكــان
------------------------------------- والزمان أقرا علـــى بـــابــه احــروف

والقصــايد من ضنــا العــاشق بيـــــــان
------------------------------------ فــي العيــون برمشــها يرسم عـــزوف

وان لبـــس عيــد الفـــرح ثــوب الزمـــان
------------------------------------ ياعيـــون وش نخـــــلي وش نشـــوف

الحبـــايب مالهـــم عهــــــد وضمــــــان
------------------------------------ كــل شئ راح فــــــي حكــــم الظروف

ومــــن يعيـــش بعـــز مـــايرضي الهوان
------------------------------------ ورغبتـــي مــا تكســــر عـــزاز الشغوف

لا تـــروح بعيـــد يــا الغصـــــن الليـــــان
------------------------------------ تصفــــق الحســـره علــى فقدك كفـــوف
دحباش
18-02-2002, 09:34 AM
الاخ اللي فوق ...... لاتخرب الموضوع انت و ياوجهك !!!

الرجال قالك بيت يامال السلامه ....... يعني بيت :D

عندي اقتراح ( قابل للرفض ) خلوا كل واحد يجيب بيت يبدا بالحرف اللي ينتهي به البيت اللي قلبله ( فهمتوا شي ؟ )

عندكم سهيل اخر حرف من البيت اللي كتبه ( فاء ) .. و البيت حقي و الحاضر ذلحين :

في سحابه علامتنا التمني ............. شفت عمري خيالي في سحابه


:D مشوا حالكم :D
سهيل
18-02-2002, 09:43 AM
بعد الاعتذار لخينا سايق الخير
:rolleyes: <==== مسوي نفسه مؤدب

انت يادحباش خذ عندك البيت ذا اللي يبداء بالهاء على نهاية قافيه بيتك :

هـــد حــر ليلــة الصــوم عــادته يصيـــد
------------------------------------- والمعــاني مخمــرات لمنــدوبه تقـــاد



أأأأأأأأأمش:D
دحباش
18-02-2002, 09:50 AM
دليع سهيل بكوه قم صب الفنجال *** والا شيني باتوطى الرقبه القصيره
سهيل
18-02-2002, 09:56 AM
مابعد بدينا على شان تخوشها:D

خذ عندك وانا سهيل راعي البل راعيها من حياه الجحلط :mad:


هـــاديــك بــاريــــك والمـــولى سميـــع بصيـــر
-------------------------------------------- هني مـــن فــاز بالجنـــه بـــدار القـــرار



شيك مغثتني بحرف الهاء عاد معك غيره :mad:
دحباش
18-02-2002, 10:00 AM
ربعي ذراي و تاج راسي واهل االوفا و العوايد *** لا غنت البيضا لغمر عاف ماضيــه
سهيل
18-02-2002, 10:04 AM
ايه خلك كذا كب مني الخواش ترجل مع الرجاجيل:)


خــذ عنـــدك :

هـــلت كمـــا بــدر تحــدى الظـــلامي
----------------------------------- غطــت علــــــى الحـــاظـــرين بســـفرهــا


ابــــــــوك يالغـــــــزل



أأأأأأأأأأأأأأمش:D
دحباش
18-02-2002, 10:10 AM
انت السفينه و البحر لي جاك علمي و الخبر *** وانت الظما و الما بليا شك و بدون اشتباه

سهيل .. لا عاد اشوفك تحاكيني في الماسنجر .. خذ البيت و جب غيره .. خذ و هات و لا يكثر

والا علي حرام بلوكه تمصع الجبهه (بلوك)
سهيل
18-02-2002, 10:16 AM
صدقني ما اصفقك الا بعتله :D (( بلوك))


خلـــــوهــا :

هــذي عـــوايــد غمـــر سفهنـــاه
___________________ خلا المراجل وعلــوم الرجــاجيل


شي كبدي قامت من الهاء عاد معك غيرها

:mad:


ابـوك يالطخـــر

أأأأأأأأأأأأأمش:D
دحباش
18-02-2002, 10:22 AM
ما اتفقنا على كذا
والحق يركبك .. وانا محكم سايق الخير و الربع اللي هنا
ولا عاد لي رجعه لين تقوم بالحق (عشا مهوب سندويشة الجبن يا الفضيحه)
سهيل
18-02-2002, 10:26 AM
كل اللي اقوله عزيزي سايق الخير شف لي محــاور غير الاخ دحباش

وردي عليه بيتين هي :

كـــم واحــد يــذعــره وســط الفــلاه الصفيــر
------------------------------------------- وينزحــه عــن وقــود السمــر نبط الشرار

كـــم واحـد في مقـامه يحسب انه خبيـــــــر
------------------------------------------ عــداه عن مــاقفه عــزم الشــباب الصغار


وسلامتكم;)
سهيل
18-02-2002, 10:32 AM
اسمح لي اخي سايق الخير اسجل مجموعه ابيات اعجبتني :

في غربتي قمت أكتب الصوت وأنوح
:::::::::::::::::::::::::::::::::: ومن لهفتي راحت حروفي تناهيد

الله واكبـــــر ويــــن قفــــيت يالبـــــوح
:::::::::::::::::::::::::::::::::: وين الفرح وعلوم ذيك المواعيد

من مثلي اللي يشتكي وحشة الروح
::::::::::::::::::::::::::::::::::: ومن مثلي اللي فاته العيد بالعيد

مثل الغريب اللي فـي دنياه مطروح
:::::::::::::::::::::::::::::::::::ضاعت حياته وسط نوح التواجيد


ارجوا ان تنال اعجابكم
موق
21-02-2002, 11:37 AM
ممكن اشارك....
أود المشاركه لكن دحباش وسهيل ضيعونا بالطوشه ..ولا اتفقوا ..........
لكن مشرفنا قال اي بيت .......

<center>
<font face="Arial" size="6" color="#9900ff">[b]<marquee direction="right" width="500"


خذ الرطب قول النخل يثمر عذوق
خيب رجا اللي يرجونه من العام

قـــــد بــــآآآآآآآآآي
بدوي
21-02-2002, 01:25 PM
الله يرجكم بس ماني بالتالي ......

وأنا لا بغيت ادله واسلى عن الهوجاس *** تزايد جروح القلب والدمع ينهلي




هيضتوتي ...... عموما هذي دندنه ..... حنيت للديره


بدوي
سايق الخير
21-02-2002, 09:28 PM
ياي يادحبوش انت وسهيل اذا جيت بكره وباقي كل شيئ مبعثر من طردكم ياثنين ما يصير لكم طيب ترى بكره عيد نظفوا القصة والقصيده وروحوا تطاردوا في الديوانيه وخربوا على كيفكم :mad: .
الاخت/ موق.....
الاخ /بدوي ......
اشكر لكم تفاعلكم وتجاوبكم الراقي والهادئ اللي مافيه طرد ولا خراب وياليت نشوف مشاركاتكم دائما.
الاخوه الباقين/المشرف/ابومحمد/الحسام/الشامل؟/طحنون............الخ
وين انتوا ما شاركتوا ولا تبغوني انفذ تهديدي؟
اعطيكم فرصه اخيره ويا.....؟؟؟؟؟