تولــعـــت بــــك

[سايق الخير]

تولـعت بك والله كتـب لي على فرقـاك*حسبي على الحظ الردي كانه اشقاني
انا ما شعرت اني مع الناس قبل اهواك*ولاذقـت للــدنيا طعم قبل تهـواني
ولا كنت احس بروعة الحب قبل اهواك*ولولا عيونك ماكتبت اجمل الحاني
سقا الله ليـالي خالـده عــشـتها ويــاك*بدرب الحويه بين شعبٍ وغدراني
تذكرت يوم اقبلت كنك تحسب اخطاك*تمـايـل بعـودٍ نايـف الطـول ريـانـي
وترفع طرف ملبوسك الضيق بيمناك*وشلال شعرك تنثره فوق الامتاني
ترى اللي يسليني عن مشاهدك ذكراك*انامستحيل انساك..اخاف انت تنساني

الأمير/سعود بن بندر

[بدوي]

قال لاتنهى عن امر وتأتي بمثله ***** عار عليك إذا فعلت عظيم

مشاركه جيده بس اني خابرك تقول المنتدى لأشعار أهل المنطقه بغيهنت تاكلني يوم كتبت قصيده من انتاجي وقلهنت لا تكتب الا لهل الديره .......

المشكله انك مشرف ومحاسب على كل شئ .....





بدوي

[سايق الخير]

:mad: والله يا اخي الود ودنا ان كل القصايد لأهالي المنطقه بس لا مانع من كتابة القصائد الجميله وانا انحديت لأنكم ما تفاعلتوا مع المنتدى بشكل عام ولا انتوا بفاضين تكتبون او تبحثون الا عدد لا يتجاوز عدد اصابع اليد الواحده وفي البداية كنت شاد حزامي( وانا سعد) بكم ايها الأعضاء ولكن الظاهر لي انكم من فئة التجار اللي ما هم بفاضين لا صبح ولا ليل:D ياخي الفاضل العضو كالمشرف لا فرق بينهما فالمطلوب منهم واضح .
1-اعطاء صوره عن المنطقه وشبابها وفتياتها ومدى علو كعب المنطقه بما تحتويه من هؤلاء المثقفين(وانت على راسهم).
2-النهوض بهذا الصرح الى اعلى المستويات ليواكب عجلة التنمية والأزدهار الهائل وخصوصا في هذا المجال .
اختصار:اذا شفنا مشاركاتكم فيكفينا ذلك ولا نريد منكم الا مؤزرتنا والوقوف بجانبنا ودعمكم لنا وهذا يكفي;) .

[بدوي]

الاخ العزيز : سايق الخير ....

والله ودي اني اكتب الليل ماطرد نهاره ولكن عزيزي انا من فئة الطلاب ماهو بالتجار

وإن شاء الله اني اعطي المنتدى حقه بس والله عندي اختبارات ومثله

بس كيب قون وعلى القوه وابشر باللي يسندك إن شاء الله .......

أخوك

بدوي