عد الرياحيه

[هادي ال زليق]

عد الرياحيه.. والعد هو بئر الماء.. والرياحيه : هي منطقة (الراكه) الواقعة

بين مدينة الدمام والخبر على الطريق المسمى(بالساحلي), وقصة الوقعة

التي اطلق عليها (وقعة الرياحيه) معروف للجميع ولااجد داعي لذكرها انما

اردت توثيق هجينية الشاعر/ عبلان المصراني العجمي التي قالها بعد الانتصار

في هذه المعركه.






يوم(ن) على شافي بعد الرياحيه= يصبح به العود غمر(ن) مطرب(ن) سالي

مطوع (ن) قاري(ن) ويحرك السيه= ويحدنا للمظامي واشهب اللالي

غدا لنا مثل ..ديان المعسريه= لاحد ..باع الجلايب وارخص الغالي

سرنا عليهم بسقم الحرب(ياميه)= لاعاد نسمع ولا بنطيع عذالي

سرنا عليهم بصبيان العواجيه= جمع (ن) رزين ومنه الدم شلالي

هل سربة(ن) تخلف العشاق من غيه= تقدع شبا الاوله وتنجي التالي

ميه وتسعين في وجه العكيليه= واللي ومرنا عليهم قادر(ن) والي

كن الجنايز خشب بير(ن) نسع طيه= يوخذ من الجم ويحذف به على الجالي

والذبح جاء في المخاطيب الهلاليه= فرسان دهم السرايا عيد هشالي

امن الاسارير دار الحيل قفريه= معاد فيها من آل الجد ..نزالي

عفيت وطرشانها تمسي خلاويه= والذيب منها لمدهال الغضا حالي

تروي شبا الهند وسيوف(ن) يمانيه= ماعاد يجلي حلاها كل صقالي

هذا بدل قولته (فرقان شاويه)= حنا المرازيق نقصر شبر من طالي

وحاذور بنت المفافي ياالهواويه= ياتي ولدها نهار الضيق فشالي

عليك ببنت الشجاع اللي على خيه= ياتي ولدها عريب الجد والخالي

ينمى من الروح وفي راسه صعوبيه= ويطلق يمينه على البارود عيالي

واشروا الاصايل وتركوا الشماليه= من كان له حيلة(ن) فيها فيحتالي

وقم ياسعد وارتحل من فوق عمليه= مامونة(ن) ماشكت من شد جمالي

طويلة الورك وبالغارب سهاويه= لاطول اليوم تعطي الغي من سالي

صبح اربع (ن) داخل (ن) في دار عليه= ابشر الياجيت تلقى كل الاشكالي

اول قراهم شحم حيل(ن) وبريه= ومن اشقر البن كيف الراس فنجالي

هو المعزب وحنا له فداويه= دولة نظام(ن) بليا كسر الاموالي

ماحن نبا غير عز الراس ماليه= ويازين لبس الجديد ورمي الاسمالي