شيخ الخبلان
15-02-2002, 08:12 PM
الى جميع الاعضاء
هذه قصة شيخ الخبلان يوم راح يغازل في احد الاسواق :-
كان يا ماكان رجل يسمى شيخ الخبلان (افدغ عقلياً) تعسكر في حرس الحدود بعد الثانوية اللي ما خلصها الا بعد (ادواس وشيب راس) ويالله بالواسطه دخل العسكريه
المهم الرجال تخرج من الدورة وتعين على قطاع خباش مركز اليتمه
وبعد احداث الهيه تم نقله الى الحدود الشماليه وتوسدها الرجال ونظرا لظروفه الماديه
(القضعاء) تجبر بالله ونقل
جاء في حدى الايام يدور للواسطه في الرياض وسكن مع شباب من ربعه (شقرديه)
ولقى الشباب مطخطخين و كل واحد معه خويه ومغزلجيه من طرف
فقام الرجال وقال انا ذا الليل باروح ارقم لي واحده مثل خلق الله (ماخذ مقلب
:p )
سرى الرجال من غير الضافرين الى اسواق العقاريه (يسمع بها)
ومن حسن حظه كان ذلك اليوم يصادف يوم العاشقين المسمى (VALINTINE DAY)
حيث كانت الهيئه في حاله طوارئ قصوى (مايصدقون يلقون عذر )
المهم شخص الرجال بالشماغ البرتقالي (كان لونه اصلا احمر) بس جار عليه الزمن
ولابس له كوت احمر وارثه من جده
وصل الرجال للسوق ودخل اول محل صادفه على يمينه (السكرتي ماشره عليه انه راعي مغازل)
بالصدفه كان المحل (محل زهرة الربيع للعطورات الفرنسيه) وكان مليان بنات (من اللي يحبهم قلبك)
اول واحده شافها صمدها راسه (يبغا يعطيها الرقم ) البنت ما شافته اصلاً ولا وحده من البنات انتبهت لدخوله المحل (كل شيء يطري لهم )
فجأه لما قرب من البنت التفتت الى خويتها وقالت (اشم ريحة ضبعه صغيره)
الرجال مادرى ان المعنيه فيه قام يبغا يتفلسف وقال للبنت محل قزاز بن بقشان احسن من ذا المحل المخنز التفتت له البنت وصاحت واوووووووووووو
كائن غريب . وشلت فيها هي واللي في المحل. الهيئة وصلت الرجال وعينك ماتشوف الا النور (داغو خشته لكنه امتلص منهم وجفل )
عود لاعاد به شماغ ولا كوت وتمثل بهذه الابيات
انا قد حصل لي قصة ماجرت لانسان *** وصارت وقايعها بسوق العقاريه
بغينا نرقم ونتغزل مع العربان *** ونصبح مثل ذولا شباب شقرديه
وعينتلي بنت عليها الدلال الوان *** وقلت رحمينا في الهوى يالسنافيه
تفضل وهاك الرقم والاسم والعنوان *** وخلك حنون وعندك شوي حنيه
وفي اثنا كلامي جاوني عصبة الشيطان *** وقالو تفضل واركب بموتر الهيه
دريت انها خربت مع الهيئه القشران***وشليت فيها مالنا في النشب نيه
ويانحمد الله ما تجودت للخبلان *** له الحمد ربي فكنا من ثم الحيه
وانا ماجفل بي كون ذلي من الشيبان *** انا خايف تلوى على الحلق جنبيه
هذا ما كان من امر شيخكم وسلامتكم
ويا نحمد
هذه قصة شيخ الخبلان يوم راح يغازل في احد الاسواق :-
كان يا ماكان رجل يسمى شيخ الخبلان (افدغ عقلياً) تعسكر في حرس الحدود بعد الثانوية اللي ما خلصها الا بعد (ادواس وشيب راس) ويالله بالواسطه دخل العسكريه
المهم الرجال تخرج من الدورة وتعين على قطاع خباش مركز اليتمه
وبعد احداث الهيه تم نقله الى الحدود الشماليه وتوسدها الرجال ونظرا لظروفه الماديه
(القضعاء) تجبر بالله ونقل
جاء في حدى الايام يدور للواسطه في الرياض وسكن مع شباب من ربعه (شقرديه)
ولقى الشباب مطخطخين و كل واحد معه خويه ومغزلجيه من طرف
فقام الرجال وقال انا ذا الليل باروح ارقم لي واحده مثل خلق الله (ماخذ مقلب
:p )
سرى الرجال من غير الضافرين الى اسواق العقاريه (يسمع بها)
ومن حسن حظه كان ذلك اليوم يصادف يوم العاشقين المسمى (VALINTINE DAY)
حيث كانت الهيئه في حاله طوارئ قصوى (مايصدقون يلقون عذر )
المهم شخص الرجال بالشماغ البرتقالي (كان لونه اصلا احمر) بس جار عليه الزمن
ولابس له كوت احمر وارثه من جده
وصل الرجال للسوق ودخل اول محل صادفه على يمينه (السكرتي ماشره عليه انه راعي مغازل)
بالصدفه كان المحل (محل زهرة الربيع للعطورات الفرنسيه) وكان مليان بنات (من اللي يحبهم قلبك)
اول واحده شافها صمدها راسه (يبغا يعطيها الرقم ) البنت ما شافته اصلاً ولا وحده من البنات انتبهت لدخوله المحل (كل شيء يطري لهم )
فجأه لما قرب من البنت التفتت الى خويتها وقالت (اشم ريحة ضبعه صغيره)
الرجال مادرى ان المعنيه فيه قام يبغا يتفلسف وقال للبنت محل قزاز بن بقشان احسن من ذا المحل المخنز التفتت له البنت وصاحت واوووووووووووو
كائن غريب . وشلت فيها هي واللي في المحل. الهيئة وصلت الرجال وعينك ماتشوف الا النور (داغو خشته لكنه امتلص منهم وجفل )
عود لاعاد به شماغ ولا كوت وتمثل بهذه الابيات
انا قد حصل لي قصة ماجرت لانسان *** وصارت وقايعها بسوق العقاريه
بغينا نرقم ونتغزل مع العربان *** ونصبح مثل ذولا شباب شقرديه
وعينتلي بنت عليها الدلال الوان *** وقلت رحمينا في الهوى يالسنافيه
تفضل وهاك الرقم والاسم والعنوان *** وخلك حنون وعندك شوي حنيه
وفي اثنا كلامي جاوني عصبة الشيطان *** وقالو تفضل واركب بموتر الهيه
دريت انها خربت مع الهيئه القشران***وشليت فيها مالنا في النشب نيه
ويانحمد الله ما تجودت للخبلان *** له الحمد ربي فكنا من ثم الحيه
وانا ماجفل بي كون ذلي من الشيبان *** انا خايف تلوى على الحلق جنبيه
هذا ما كان من امر شيخكم وسلامتكم
ويا نحمد