جرفان
10-02-2002, 01:39 PM
مره من المراريت يوم كنت في الرابع ابتدائي و راجع للبيت بعد مباراتنا مع فريق عبيد كسرونا و فازوا علينا عشره صفر مع الرأفه .. مسكني حسونه المصري ولد استاد راجح في زاويه .. الولد متعافي ما شاالله عليه .. وانا مسكين هالك و ضعيف .. الرجال تمردغ في بطني و خبطني .. كان معه بوت اديداس جديده تقطعت من كثر التشويت فيني .. بعد ما خلص تشويت الأخ خذ الطقم حق فريقنا اللي كان معي .. و شرد رجعت البيت ورحت ابكي في الحوش
جاتني الوالده الله يطول عمرها و قالت لي ما كفاه يشل فسحتك كل يوم والله ان اقول لام حسونه تلعن خير ولدها ...( اللي قاهرني انهم يسمونه حسونه .. هذاك الجدار اللي مكتوب عليه الهلال عز والنصر طز يسمونه حسونه ),, جابت لي الوالده حليب نيدو و بسكوت الشاهي و قالت لي ما عليك منه .. باقول لولد عمك ابراهيم ياخذ قضاك منه .. المهم ان الوالد سمع كلامي مع الوالده .. و جاني لابس سروال السنه القصير .. بس .. و قال من اللي تمردغ في بطنك يا الفاشه .. قلت له حسونه ولد استاد راجح .. قال والله ليتني نسمت ذاك الليل .. جايب لي بليه في البيت .. قلت انه طويل و اصلاً انا ما اشوف الا ركبه الماخوذ ما قدرت اوصل وجهه والا كان لعن جدفه(كثر منها) ,, الوكاد ان الوالد راح و هو متحسف انه كان السبب في وجودي على وجه الأرض
تعشيت و قمت ارقد وفي الصباح الباكر .. صحاني الوالد و قال تعال عندي لك هديه يا ولدي .. الوالد مدلعني بصراحه .. عطاني الوالد الله يحفظه صقر(طير) و قال يا ولدي هذا هديه لك .. دربه و اي واحد يقرب منك فك الصقر عليه .. الا وش بتسميه .. قلت له وردان .. شلت وردان و حطيته في كرتون(حضري ما ادري وش الطيور ولا عندي خبره) و رحت لابراهيم ولد عمي .. قلت له اسمع يا سويد .. تدري وش معي في هالكرتون .. صقر .. صقــــــــــــر .. قال لي ابراهيم احلف .. طيب خلنا نشوفه .. وريته الصقر و تجمعوا علي عيال الحاره .. اللي يبيني اوقع له على اوتوقراف .. واللي يبي ياخذ صوره معي .. يعني صرت شعبيه في الحاره ..
صرت كل يوم اطلع بوردان معي و احطه علي يدي و اخلي الشباب يشوفوني .. كبر معي الطير و صار صديقي مع اني ما اعطيه الا حب و مويه .. صار حمامه الله لا يسفهنا .. دربت وردان و خليته يكون ساعدي اليمين في اي معركه ادخل فيها ..
و في يوم من الايام لقيت حسونه .. وانا ادور له منذ مبطي .. وقلت له تعال يا حسونه .. واحجر له في نفس الزاويه .. وافك وردان عليه .. ما كذب خبر وردان .. و انقض عليه كما الاسد على الغزال .. و كدعه(؟) بالجراح .. ثم خرجت بوت كانت معي في كيس .. و قمت اشوت في حسونه .. وقلت يله هات الجينز اللي عليك و فصخ الفنيله .. قال دنا ما أدرش .. مش معئوله .. قلت له معئوله ولا مو معئوله .. فصخ كل اللي عليك من ثياب .. يله والا وردان في الخدمه .. الله لا يخليني منه .. المهم اني فصخت الورع .. و خليته يمشي في الحاره من غير ثياب .. و عيال حارتنا ما يصدقون بمثل ذا الحركات
كبرت و كبر معي وردان(ثاني مره اقولها) .. و يوم صار معي سياره .. صرت اخلي وردان يرتكز على المرايه بقوامه الممشوق .. وعيال حارتنا يجرون وراي ويغنون ياونتي ونت وردان على المرايه واقف .. يا سلام سلم يا سلام سلم
في يوم من الايام .. كان عمري تقريباً ثمنطعش سنه .. مرض وردان .. وديته مستشفى التخصصي قالوا لي عنده ورم في الرأس و يحتاج عملية ازاله للورم في اقرب وقت ..و قالوا لي قبل العمليه لازم يجلس سنه تحت العلاج بالكيماوي .. قلنا امرنا لله .. طلعت الفاتوره في اول اسبوع 15 الف ريال سعودي .. مع انها كانت بس كشوفات و فحص و اجراءات روتينيه لا أكثر ولا أقل .. المهم شفت اني منيب قادر على مصاريف المستشفى .. وانا رجال على قد حالي .. رحت للوالد و قلت له اسمع .. انا ابي المعونه .. وردان بيموت قدام عيني .. وانا ما اقدر على كذا .. قال لي الوالد .. الله يهديك بس .. انا باروح لشيخ شمل كبير و باقول له يتوسط لنا .. و يعطون لنا علاج مجاني .. ما كذبت خبر .. تجهزت انا والوالد و رحنا صوب الشيخ و قال لنا ابشروا والله باللي يرضيكم وانا ان شاالله باساعدكم .. هذا وردان عزيزن علينا كلنا ... و باسوي اللي علي
انتظرنا اسبوع و جانا الخبر من الشيخ ان الواسطه ادت الغرض والعلاج بيكون مجاني
رحت لوردان اجري من الفرحه .. داق طبلون الددسن .. و دخلت المستشفى والارض ما عاد تاسعني .. وقلت لوردان ابشر والله بالفرج ياوردان .. العلاج من اليوم مجاني .. وابغاك ترتاح و تتطمن ان كل شي بخير
قال لي وردان .. اسمع انا ابغاك في كلمة راس .. قلت اسلم يا ذيب اش عندك ... قال سكر باب الغرفه اول .. سكرت الباب .. وقال لي صب لي فنجال قهوه الله لا يهينك .. قلت له انت تامر عطني العلم .. وش اللي في خاطرك .. قال لي ياولد احس ان الوجع مهوب في راسي .. الوجع في رجلي .. وما هقيت ورا ذا المستشفى خير .. قلت طيب تبغانا نروح مستشفى ثاني .. قال لي داخل السعوديه؟ ..قلت اكيد انت و وجهك وين تبينا نروح اجل(يعنني من هل الرياض) .. قال لي لا ما ينفع تعالجني داخل السعوديه .. كل اطبائهم كانوا في الاساس بيطرين ..قلت هماك حيوان .. قال ولو انا ابى اتعالج برا السعوديه .. قلت له شف يا وردان انت والله تامر و من عيوني البي لك اي شي .. يكفيني انك شوهت وجه حسونه المفتري .. حجزنا غرفه في مستشفى الماني .. و رحت انا و وردان والوالد لألمانيا .. الوالد ازعجنا كل شوي يقول قصيده بكاءً على الأطلال .. قال لي وردان شف ابيك ما ينفع يجلس معنا رجعه السعوديه .. اصلاً الشرهه علي اللي وافقت انه يجي معنا .. رجعنا الوالد للسعوديه .. وقلنا له الامور ان شا الله بتزين بس انت رح عند عجوزك .. اللي يشوفك يقول انها بنت مكتبي مقدمة البرامج .. رجع الوالد و جلست انا و وردان في المانيا .. بس انا و هو .. دخلنا على الدكتور في اول موعد لنا .. وعطيناه الفحوصات اللي سويناه في مستشفيات السعوديه .. قال لنا الدكتور .. اوكيه بنسوي له فحص دم بكره وبعض الاجراءات العاديه .. قلنا تم
رحت انا و وردان في الليل نتمشى في المانيا .. ونشوف ذا الطبيعه الطيبه .. و الانهار عز الله وناسه الله لا يحرمكم شوفتها .. لقينا ناس عرب .. وما صدقنا نشوفهم .. قلنا لهم حنا عرب يا جماعة الخير .. وما ندري بشي في هالديره و ساعدونا يا الاجاويد .. قالوا لنا .. اسمع يا حاج الفزعات هذي عندكم في السعوديه مهيب هنيا .. معك فلوس يمشي حالك ما معك شي اقلب وجهك .. والله اني ذليت منهم .. و قلت تدرون انا كنت متوسم فيكم الخير .. ولو عرب و عيال عم و في الآخر تسوون فيني كذا .. قالوا لي ورا ما تمسك الباب و تذلف .. ايه الله يذكر ديرتنا بالخير .. وقف اي واحد على الشارع وهو بيفزع لك و يدلك .. ويمكن يعشيك .. رجعنا انا و وردان للمستشفى .. و جلسنا في غرفته .. وقلبناها اشعار .. و هاتك يا محاوره شعريه الين جا الفجر .. صليت .. و رقدنا للساعه ثمان .. صحينا و رحنا صوب الدكتور و سووا التحاليل لوردان .. وقالوا النتايج تطلع العصر .. قلنا ما شاالله عليكم تنجزون عملكم بسرعه .. والله ان حن جلسنا شهر في التخصصي بس نسوي التحاليل .. وطلعت النتيجه بعد ثلاثة اشهر .. جا العصر وانا احاول اخفف على وردان .. واقول له اذا لقوا عندك المرض الخبيث ما عليك الدنيا فانيه والله يحلها .. نادانا الدكتور .. وقال لي اسمع يا اللحية الغانمه .. وردان ما فيه مرض خبيث ولا شي .. بس الجناح اليسار عنده منتوفه منه ريشتين وصارت له صخونه .. قلت بس يا دكتور انهم قالوا لنا فيه المرض الخبيث .. قال شف يا الطيب الطير ما فيه الا العافيه و والله ان صحته احسن مني و منك .. و اللي باعطيك الحين فيفادول بس .. يستعمله الين تروح الصخونه .. قلت بيض الله وجهك يا دكتور
ورجعت انا و وردان لديار المحبين السعوديه .. و ذبحنا الذبايح .. والمفطحات شغاله و وناسه .. و ما شاالله عليه ذلحين احسن صياد حبارى في الشرق الأوسط
الزبده .. ان مستشفياتنا من جنبها
والدنيا ارزاق
جاتني الوالده الله يطول عمرها و قالت لي ما كفاه يشل فسحتك كل يوم والله ان اقول لام حسونه تلعن خير ولدها ...( اللي قاهرني انهم يسمونه حسونه .. هذاك الجدار اللي مكتوب عليه الهلال عز والنصر طز يسمونه حسونه ),, جابت لي الوالده حليب نيدو و بسكوت الشاهي و قالت لي ما عليك منه .. باقول لولد عمك ابراهيم ياخذ قضاك منه .. المهم ان الوالد سمع كلامي مع الوالده .. و جاني لابس سروال السنه القصير .. بس .. و قال من اللي تمردغ في بطنك يا الفاشه .. قلت له حسونه ولد استاد راجح .. قال والله ليتني نسمت ذاك الليل .. جايب لي بليه في البيت .. قلت انه طويل و اصلاً انا ما اشوف الا ركبه الماخوذ ما قدرت اوصل وجهه والا كان لعن جدفه(كثر منها) ,, الوكاد ان الوالد راح و هو متحسف انه كان السبب في وجودي على وجه الأرض
تعشيت و قمت ارقد وفي الصباح الباكر .. صحاني الوالد و قال تعال عندي لك هديه يا ولدي .. الوالد مدلعني بصراحه .. عطاني الوالد الله يحفظه صقر(طير) و قال يا ولدي هذا هديه لك .. دربه و اي واحد يقرب منك فك الصقر عليه .. الا وش بتسميه .. قلت له وردان .. شلت وردان و حطيته في كرتون(حضري ما ادري وش الطيور ولا عندي خبره) و رحت لابراهيم ولد عمي .. قلت له اسمع يا سويد .. تدري وش معي في هالكرتون .. صقر .. صقــــــــــــر .. قال لي ابراهيم احلف .. طيب خلنا نشوفه .. وريته الصقر و تجمعوا علي عيال الحاره .. اللي يبيني اوقع له على اوتوقراف .. واللي يبي ياخذ صوره معي .. يعني صرت شعبيه في الحاره ..
صرت كل يوم اطلع بوردان معي و احطه علي يدي و اخلي الشباب يشوفوني .. كبر معي الطير و صار صديقي مع اني ما اعطيه الا حب و مويه .. صار حمامه الله لا يسفهنا .. دربت وردان و خليته يكون ساعدي اليمين في اي معركه ادخل فيها ..
و في يوم من الايام لقيت حسونه .. وانا ادور له منذ مبطي .. وقلت له تعال يا حسونه .. واحجر له في نفس الزاويه .. وافك وردان عليه .. ما كذب خبر وردان .. و انقض عليه كما الاسد على الغزال .. و كدعه(؟) بالجراح .. ثم خرجت بوت كانت معي في كيس .. و قمت اشوت في حسونه .. وقلت يله هات الجينز اللي عليك و فصخ الفنيله .. قال دنا ما أدرش .. مش معئوله .. قلت له معئوله ولا مو معئوله .. فصخ كل اللي عليك من ثياب .. يله والا وردان في الخدمه .. الله لا يخليني منه .. المهم اني فصخت الورع .. و خليته يمشي في الحاره من غير ثياب .. و عيال حارتنا ما يصدقون بمثل ذا الحركات
كبرت و كبر معي وردان(ثاني مره اقولها) .. و يوم صار معي سياره .. صرت اخلي وردان يرتكز على المرايه بقوامه الممشوق .. وعيال حارتنا يجرون وراي ويغنون ياونتي ونت وردان على المرايه واقف .. يا سلام سلم يا سلام سلم
في يوم من الايام .. كان عمري تقريباً ثمنطعش سنه .. مرض وردان .. وديته مستشفى التخصصي قالوا لي عنده ورم في الرأس و يحتاج عملية ازاله للورم في اقرب وقت ..و قالوا لي قبل العمليه لازم يجلس سنه تحت العلاج بالكيماوي .. قلنا امرنا لله .. طلعت الفاتوره في اول اسبوع 15 الف ريال سعودي .. مع انها كانت بس كشوفات و فحص و اجراءات روتينيه لا أكثر ولا أقل .. المهم شفت اني منيب قادر على مصاريف المستشفى .. وانا رجال على قد حالي .. رحت للوالد و قلت له اسمع .. انا ابي المعونه .. وردان بيموت قدام عيني .. وانا ما اقدر على كذا .. قال لي الوالد .. الله يهديك بس .. انا باروح لشيخ شمل كبير و باقول له يتوسط لنا .. و يعطون لنا علاج مجاني .. ما كذبت خبر .. تجهزت انا والوالد و رحنا صوب الشيخ و قال لنا ابشروا والله باللي يرضيكم وانا ان شاالله باساعدكم .. هذا وردان عزيزن علينا كلنا ... و باسوي اللي علي
انتظرنا اسبوع و جانا الخبر من الشيخ ان الواسطه ادت الغرض والعلاج بيكون مجاني
رحت لوردان اجري من الفرحه .. داق طبلون الددسن .. و دخلت المستشفى والارض ما عاد تاسعني .. وقلت لوردان ابشر والله بالفرج ياوردان .. العلاج من اليوم مجاني .. وابغاك ترتاح و تتطمن ان كل شي بخير
قال لي وردان .. اسمع انا ابغاك في كلمة راس .. قلت اسلم يا ذيب اش عندك ... قال سكر باب الغرفه اول .. سكرت الباب .. وقال لي صب لي فنجال قهوه الله لا يهينك .. قلت له انت تامر عطني العلم .. وش اللي في خاطرك .. قال لي ياولد احس ان الوجع مهوب في راسي .. الوجع في رجلي .. وما هقيت ورا ذا المستشفى خير .. قلت طيب تبغانا نروح مستشفى ثاني .. قال لي داخل السعوديه؟ ..قلت اكيد انت و وجهك وين تبينا نروح اجل(يعنني من هل الرياض) .. قال لي لا ما ينفع تعالجني داخل السعوديه .. كل اطبائهم كانوا في الاساس بيطرين ..قلت هماك حيوان .. قال ولو انا ابى اتعالج برا السعوديه .. قلت له شف يا وردان انت والله تامر و من عيوني البي لك اي شي .. يكفيني انك شوهت وجه حسونه المفتري .. حجزنا غرفه في مستشفى الماني .. و رحت انا و وردان والوالد لألمانيا .. الوالد ازعجنا كل شوي يقول قصيده بكاءً على الأطلال .. قال لي وردان شف ابيك ما ينفع يجلس معنا رجعه السعوديه .. اصلاً الشرهه علي اللي وافقت انه يجي معنا .. رجعنا الوالد للسعوديه .. وقلنا له الامور ان شا الله بتزين بس انت رح عند عجوزك .. اللي يشوفك يقول انها بنت مكتبي مقدمة البرامج .. رجع الوالد و جلست انا و وردان في المانيا .. بس انا و هو .. دخلنا على الدكتور في اول موعد لنا .. وعطيناه الفحوصات اللي سويناه في مستشفيات السعوديه .. قال لنا الدكتور .. اوكيه بنسوي له فحص دم بكره وبعض الاجراءات العاديه .. قلنا تم
رحت انا و وردان في الليل نتمشى في المانيا .. ونشوف ذا الطبيعه الطيبه .. و الانهار عز الله وناسه الله لا يحرمكم شوفتها .. لقينا ناس عرب .. وما صدقنا نشوفهم .. قلنا لهم حنا عرب يا جماعة الخير .. وما ندري بشي في هالديره و ساعدونا يا الاجاويد .. قالوا لنا .. اسمع يا حاج الفزعات هذي عندكم في السعوديه مهيب هنيا .. معك فلوس يمشي حالك ما معك شي اقلب وجهك .. والله اني ذليت منهم .. و قلت تدرون انا كنت متوسم فيكم الخير .. ولو عرب و عيال عم و في الآخر تسوون فيني كذا .. قالوا لي ورا ما تمسك الباب و تذلف .. ايه الله يذكر ديرتنا بالخير .. وقف اي واحد على الشارع وهو بيفزع لك و يدلك .. ويمكن يعشيك .. رجعنا انا و وردان للمستشفى .. و جلسنا في غرفته .. وقلبناها اشعار .. و هاتك يا محاوره شعريه الين جا الفجر .. صليت .. و رقدنا للساعه ثمان .. صحينا و رحنا صوب الدكتور و سووا التحاليل لوردان .. وقالوا النتايج تطلع العصر .. قلنا ما شاالله عليكم تنجزون عملكم بسرعه .. والله ان حن جلسنا شهر في التخصصي بس نسوي التحاليل .. وطلعت النتيجه بعد ثلاثة اشهر .. جا العصر وانا احاول اخفف على وردان .. واقول له اذا لقوا عندك المرض الخبيث ما عليك الدنيا فانيه والله يحلها .. نادانا الدكتور .. وقال لي اسمع يا اللحية الغانمه .. وردان ما فيه مرض خبيث ولا شي .. بس الجناح اليسار عنده منتوفه منه ريشتين وصارت له صخونه .. قلت بس يا دكتور انهم قالوا لنا فيه المرض الخبيث .. قال شف يا الطيب الطير ما فيه الا العافيه و والله ان صحته احسن مني و منك .. و اللي باعطيك الحين فيفادول بس .. يستعمله الين تروح الصخونه .. قلت بيض الله وجهك يا دكتور
ورجعت انا و وردان لديار المحبين السعوديه .. و ذبحنا الذبايح .. والمفطحات شغاله و وناسه .. و ما شاالله عليه ذلحين احسن صياد حبارى في الشرق الأوسط
الزبده .. ان مستشفياتنا من جنبها
والدنيا ارزاق