لا يا شيخ
09-02-2002, 09:16 AM
قدر الله علي وتخرجت من الثانوية قبل كم سنة (<==الله من زين البدايات)......جوني العيال يبشروني......وطبعا كان احتفال ومهرجان فرح غير طبيعي في القرية والسبب إني أول خريج ثانوية عامة من أبناء قريتنا المعطاءة........عيال القرية عندهم فكرة إن الثلاث او الأربع سنين اللي بتقضيها في الثانوية يمديك فيها وصلت عريف في العسكرية...علشان كذا كانوا معطين الثانوية أشكل......الزبدة إن شيبان القرية الله يعطيهم العافية وكعادتهم في تكريم المبدعين من أبنائها سووا لنا حفلة تكريم.....انا ومعي ثنين من العيال.....واحد مخلص كفاءة ومقدم في دورة جنود بالدفاع المدني وابشركم انقبل فيها.....والثاني متخرج من المعهد المهني قسم لحام وميكانيكا......اجتمعنا ذاك الليل في حوش المسعودة اللي هو مقرالاحتفالات الرسمي ... وهاتك يارقص...بس إن ال DJ ذاك الليل ماهوب زين....وأنا والثنين اللي معي مشخصين في بشوت وعصير رايح وعصير جاي (كان العزي متبرع بكراتين عصير راني من بقالته لانجاح الحفل)...المهم يوم بدوا الشيبان ينعسون فقرروا ينهون فقرات الحفل.........وكانت اخر فقرة عبارة عن توزيع هدايا تذكارية علينا (ثوبين الدفة وغترة العطار مع طاقية شخال وعقال مرعز لكل واحد)...........:)
يوم سروا الشيبان فبدأت السهرة الخاصة بنا يالشباب.........تجمعنا حول الضو وقمنا نقحن في الشاهي اللي مسويه حامد المصري عامل المزرعة قبل يسري....كان في ذاك الشاهي تركيبة خاصة خلتنا نسهر للساعة 3....المهم بدينا نسولف عن احلامنا وطموحاتنا...ووش حن ناوين عليه......انا قلت لهم اني ناوي اروح لتبوك اذا كان فيها كلية جيش سجلت فيها....علشان صابر ولد أستاذ حمودة قد مدحها لي...يقول يوم حرب سبعة وستين ان الضباط اللي متخرجين منها هم اللي صملوا ....وعز الله انها دخلت مزاجي من ذاك الوقت....وبعدين يقول تصك عقبها بالخمسة آلاف وانت راقد......قلتلهم اني قد حجزت وزبطت أموري............قال لي واحد من العيال إسمه راسان إن طعت شوري فخل منك كلام المصري.....تراحن غاسلين إيدينا منك يوم طعته وكملت ثانوية......اتركه منك ورح للرياض فيه تسجيل في الكلية التقنية.....والله لو أنا محلك ما أفوتها...إسمها رهيب....عز الله كني اقتنعت بكلامه..قلت طيب وش اصير اذا تخرجت منها...قال تصير تقني.......قلت شلون يعني......قال هما كلية الطب تخرجك طبيب قلت ايوه........قال خلاص هذي تخرجك تقني...زي الطبيب اللهم ان اسمك رهيب....قلت خلاص براسك..قال وبعد اذا تخرجت بنصير نناديك يابشتقني.......المهم بديت اتخيل نفسي وانا تقني وفي ذاك المكتب...مشخص بالبالطو الابيض والسماعات على رقبتي......والناس ماعاد يقولون الا جاكم التقني وراح التقني...قال واحد من العيال إسمه فهد ونسميه أبو بندر....قال أنت عزمت تروح بر والا جو......قلت إلا باروح جو...نبي نلحق التسجيل من اوله....قال ابرك لك...وبيني وبينك انا مابعد ركبتها لكن ولد خالي ركبها يوم راح مع ابوه لجده يتعالج.....يقول فيه سواق طايرة إسمه كمال خياط.....يقول إنه أحسن سواق قد ركب معه.....مع إنه مسرع بهم إلا انه يقول ماكنه يمشي من زين سواقته حتى الملفات ماحسوا بها....إن تبي نصيحتي لاتروح إلا معه..مع إني ماظنيتهم يمسكونه خط الرياض...شكله متخصص خط جدة بس.....المهم وأطلع ورقة وأكتب إسمه ....قال والا فيه المدير حقهم إسمه إبن بكر يمدحون سواقته بعد...........سجلت أسامي الرجاجيل علشان خبركم أنا دافع فلوس فلازم تكون في شي يستاهل.......المهم جلسوا العيال يعطوني تعليمات حسب خبرتهم اللي أكتسبوها من سوالف سمعوها..........واكثر شي ركزوا عليه..إني دافع فلوس ولازم أحللها..:)
عقبها بيومين جاني راسان في البيت علشان يوصلني للمطار.....كنت أنا داق بالشخصية ولأول مرة في حياتي سكرت الرقبة حقة الثوب (في رواية الياقة أو الغالوقة).....ومجهز الشنطة ....وقد خذيت لي لفة على هل القرية كلهم أتوادع منهم.....تشاقلت انا وراسان وثنين عمال الشنطة وحطيناها في السيارة (الوالدة تقول إن زاد هل الرياض ماهو بمضمون..علشان كذا حملت الشنطة بكل مايخطر على البال).....عز الله حركنا ولين الوقت قريب الظهر...الساعة يمكن تسع ونص الصبح (نظام القرية تعتبر قريب الظهر)....ونمشي على مهلنا.....وزد راسان مر على أخته في الطريق هله موصينه عليها بطحين وتمر...ولا حنا بمستعجلين على شي.......العيال يقولون انت دافع فلوس والطيارة ماهيب محركة إلا وأنت فيها....وبعدين أبو راسان محرصنا ما نسرع واللي مايطيع والديه مايلقى خير .... :)
جينا المطار الساعة تقريبا ثنتين......والرجاجيل قايلين لي وعدنا عند باب الطيارة الساعة 11......قال راسان ما عليك بنقول لهم بنشر علينا الكفر...وبعدين تراه أحسن لكم...لو مشيتوا الساعة 11 كان تلقيتوا الشمس وكان ذبحكم الحر...لكن ألحين على مايحمون الطيارة ويشدون العفش تكون الساعة وصلت 3:30.......يعني تلقون البراد.....المهم إنه زبط لي الوضع وأقنعني إني مانيب غلطان...قلت طيب خلنا نتفق وش الكفر اللي بنشر علشان ما نطلع كذابين إذا سلوا كل واحد لحاله ......قال خلاص بنقول لهم الأيسر الأمامي.....واتفقنا على المكان اللي بنشرنا فيه... :)
وصلنا الصالة ونجيك نسحب الشنطة ونمر من عند السير حق التفتيش ماحطيناها عليه....شوي الا العسكري ينادينا...........قلنا لا ماعليه بنشيلها بانفسنا.........قال يالوح أنت وهو حطوها على السير بسرعة.....قال راسان الظاهر هذا الشحن ياولد...المهم حطينا الشنطة ورحنا......شوي الا اللي ساحبني مع غالوقة الثوب اللي عادها مسكرة من يوم حركنا......طالعت فيه ولينه العسكري...قلت خير يابو الشباب.....أول مرة تشوف واحد مشخص....المهم خذا الرجال تقريبا خمس دقايق وهو يطالع فيني ويتحمد ربه.....ثم قال...الشنطة هاللي ماخليت شي في بيتكم ماحطيته فيها....وراك تروح وتخليها........قال راسان همانا دافعين فلوس وانتوا الشحن...خلاص تشحنونها لنا ولا أسمع كلمة....لين الرجال يوم أخذ هالمرة عشر دقايق وهو يستغفر ويتحمد ربه...قال حنا تفتيش بس....والشحن هناك قدام............قال راسان أصلا دارين بس نستهبل...طالع فينا العسكري ثل اللي يقول أقص إيدي ياشيخ....المهم شلنا الشنطة ورحنا لمكتب الشحن البوردنق....يوم عطيته التذكرة قال بدري يابو الشباب.........الطايرة راحت.....قال راسان أفااااا وخويهم....قال والله اللي تسمع ياعزيزي....قلنا والدبرة......قال إطلع على طايرة الساعة خمسة المساء ياعزيزي.....قلت لا.. شف لي على طيارة كمال خياط والا ابن بكر.....لينه يوم طالع فيني وسفهني....قال معك عفش يا أخ.......قلت لا...أنا طبعا راح بالي لعفش الحجاج اللي يجي معه خيمة وقدور وترامس وذبيحة........قال ياخي إتق الله في نفسك......هالشنطة اللي كنها رس خويك وش تسميها....قلت شنطتي..لكن ترى مامعي الا هي...مافيه عفش ولا شي...قال وش تبي تجيب بعد غيرها....الظاهر حتى غرفة النوم فيها..........سبحان الله مدري كيف عرف ان الوالدة حطت لي فيها بطانية....راسان يوم علمته قال شكل عندهم كاشف....المهم حطينا الشنطة على الميزان... قال العسكري حق التذاكر الشنطة متعدية الوزن المسموح لك....ومافيه قدامك حل الا انك تدفع الفرق.....قلت ماتقدر تدبرها منا ولا منا......قال لوكم اثنين...كان وزعنا الوزن عليكم......قال راسان خلاص بنروح حنا الثنين.......المهم حلفت عليه... قال معصي مانيب مخليك تروح في هالمطارات لحالك....تضيع والا يجيلك شي.....حجزنا لنا حنا الثنين ولين العسكري حق التذاكر الله يجزاه خير مسكنا بيدينا لين وصلنا البوابة ووصى علينا واحد من أخوياه....شكله درى إنحن أول مرة نسافر..........لكن راسان يقول إنهم يسوون كذا مع العملاء الخاصين...وبعدين وين بيلقون مثلنا مشترين تذكرتين على نفس الرحلة ...ماهوب لعب.... :)
&&&&&&&&&&&&&&&&&&&&&&&&&&&&&&&&
هكذا انتهت المرحلة الأولى من مغامراتي أنا وراسان........انتظروا مزيد من المفاجآت في الجزء الثاني
يوم سروا الشيبان فبدأت السهرة الخاصة بنا يالشباب.........تجمعنا حول الضو وقمنا نقحن في الشاهي اللي مسويه حامد المصري عامل المزرعة قبل يسري....كان في ذاك الشاهي تركيبة خاصة خلتنا نسهر للساعة 3....المهم بدينا نسولف عن احلامنا وطموحاتنا...ووش حن ناوين عليه......انا قلت لهم اني ناوي اروح لتبوك اذا كان فيها كلية جيش سجلت فيها....علشان صابر ولد أستاذ حمودة قد مدحها لي...يقول يوم حرب سبعة وستين ان الضباط اللي متخرجين منها هم اللي صملوا ....وعز الله انها دخلت مزاجي من ذاك الوقت....وبعدين يقول تصك عقبها بالخمسة آلاف وانت راقد......قلتلهم اني قد حجزت وزبطت أموري............قال لي واحد من العيال إسمه راسان إن طعت شوري فخل منك كلام المصري.....تراحن غاسلين إيدينا منك يوم طعته وكملت ثانوية......اتركه منك ورح للرياض فيه تسجيل في الكلية التقنية.....والله لو أنا محلك ما أفوتها...إسمها رهيب....عز الله كني اقتنعت بكلامه..قلت طيب وش اصير اذا تخرجت منها...قال تصير تقني.......قلت شلون يعني......قال هما كلية الطب تخرجك طبيب قلت ايوه........قال خلاص هذي تخرجك تقني...زي الطبيب اللهم ان اسمك رهيب....قلت خلاص براسك..قال وبعد اذا تخرجت بنصير نناديك يابشتقني.......المهم بديت اتخيل نفسي وانا تقني وفي ذاك المكتب...مشخص بالبالطو الابيض والسماعات على رقبتي......والناس ماعاد يقولون الا جاكم التقني وراح التقني...قال واحد من العيال إسمه فهد ونسميه أبو بندر....قال أنت عزمت تروح بر والا جو......قلت إلا باروح جو...نبي نلحق التسجيل من اوله....قال ابرك لك...وبيني وبينك انا مابعد ركبتها لكن ولد خالي ركبها يوم راح مع ابوه لجده يتعالج.....يقول فيه سواق طايرة إسمه كمال خياط.....يقول إنه أحسن سواق قد ركب معه.....مع إنه مسرع بهم إلا انه يقول ماكنه يمشي من زين سواقته حتى الملفات ماحسوا بها....إن تبي نصيحتي لاتروح إلا معه..مع إني ماظنيتهم يمسكونه خط الرياض...شكله متخصص خط جدة بس.....المهم وأطلع ورقة وأكتب إسمه ....قال والا فيه المدير حقهم إسمه إبن بكر يمدحون سواقته بعد...........سجلت أسامي الرجاجيل علشان خبركم أنا دافع فلوس فلازم تكون في شي يستاهل.......المهم جلسوا العيال يعطوني تعليمات حسب خبرتهم اللي أكتسبوها من سوالف سمعوها..........واكثر شي ركزوا عليه..إني دافع فلوس ولازم أحللها..:)
عقبها بيومين جاني راسان في البيت علشان يوصلني للمطار.....كنت أنا داق بالشخصية ولأول مرة في حياتي سكرت الرقبة حقة الثوب (في رواية الياقة أو الغالوقة).....ومجهز الشنطة ....وقد خذيت لي لفة على هل القرية كلهم أتوادع منهم.....تشاقلت انا وراسان وثنين عمال الشنطة وحطيناها في السيارة (الوالدة تقول إن زاد هل الرياض ماهو بمضمون..علشان كذا حملت الشنطة بكل مايخطر على البال).....عز الله حركنا ولين الوقت قريب الظهر...الساعة يمكن تسع ونص الصبح (نظام القرية تعتبر قريب الظهر)....ونمشي على مهلنا.....وزد راسان مر على أخته في الطريق هله موصينه عليها بطحين وتمر...ولا حنا بمستعجلين على شي.......العيال يقولون انت دافع فلوس والطيارة ماهيب محركة إلا وأنت فيها....وبعدين أبو راسان محرصنا ما نسرع واللي مايطيع والديه مايلقى خير .... :)
جينا المطار الساعة تقريبا ثنتين......والرجاجيل قايلين لي وعدنا عند باب الطيارة الساعة 11......قال راسان ما عليك بنقول لهم بنشر علينا الكفر...وبعدين تراه أحسن لكم...لو مشيتوا الساعة 11 كان تلقيتوا الشمس وكان ذبحكم الحر...لكن ألحين على مايحمون الطيارة ويشدون العفش تكون الساعة وصلت 3:30.......يعني تلقون البراد.....المهم إنه زبط لي الوضع وأقنعني إني مانيب غلطان...قلت طيب خلنا نتفق وش الكفر اللي بنشر علشان ما نطلع كذابين إذا سلوا كل واحد لحاله ......قال خلاص بنقول لهم الأيسر الأمامي.....واتفقنا على المكان اللي بنشرنا فيه... :)
وصلنا الصالة ونجيك نسحب الشنطة ونمر من عند السير حق التفتيش ماحطيناها عليه....شوي الا العسكري ينادينا...........قلنا لا ماعليه بنشيلها بانفسنا.........قال يالوح أنت وهو حطوها على السير بسرعة.....قال راسان الظاهر هذا الشحن ياولد...المهم حطينا الشنطة ورحنا......شوي الا اللي ساحبني مع غالوقة الثوب اللي عادها مسكرة من يوم حركنا......طالعت فيه ولينه العسكري...قلت خير يابو الشباب.....أول مرة تشوف واحد مشخص....المهم خذا الرجال تقريبا خمس دقايق وهو يطالع فيني ويتحمد ربه.....ثم قال...الشنطة هاللي ماخليت شي في بيتكم ماحطيته فيها....وراك تروح وتخليها........قال راسان همانا دافعين فلوس وانتوا الشحن...خلاص تشحنونها لنا ولا أسمع كلمة....لين الرجال يوم أخذ هالمرة عشر دقايق وهو يستغفر ويتحمد ربه...قال حنا تفتيش بس....والشحن هناك قدام............قال راسان أصلا دارين بس نستهبل...طالع فينا العسكري ثل اللي يقول أقص إيدي ياشيخ....المهم شلنا الشنطة ورحنا لمكتب الشحن البوردنق....يوم عطيته التذكرة قال بدري يابو الشباب.........الطايرة راحت.....قال راسان أفااااا وخويهم....قال والله اللي تسمع ياعزيزي....قلنا والدبرة......قال إطلع على طايرة الساعة خمسة المساء ياعزيزي.....قلت لا.. شف لي على طيارة كمال خياط والا ابن بكر.....لينه يوم طالع فيني وسفهني....قال معك عفش يا أخ.......قلت لا...أنا طبعا راح بالي لعفش الحجاج اللي يجي معه خيمة وقدور وترامس وذبيحة........قال ياخي إتق الله في نفسك......هالشنطة اللي كنها رس خويك وش تسميها....قلت شنطتي..لكن ترى مامعي الا هي...مافيه عفش ولا شي...قال وش تبي تجيب بعد غيرها....الظاهر حتى غرفة النوم فيها..........سبحان الله مدري كيف عرف ان الوالدة حطت لي فيها بطانية....راسان يوم علمته قال شكل عندهم كاشف....المهم حطينا الشنطة على الميزان... قال العسكري حق التذاكر الشنطة متعدية الوزن المسموح لك....ومافيه قدامك حل الا انك تدفع الفرق.....قلت ماتقدر تدبرها منا ولا منا......قال لوكم اثنين...كان وزعنا الوزن عليكم......قال راسان خلاص بنروح حنا الثنين.......المهم حلفت عليه... قال معصي مانيب مخليك تروح في هالمطارات لحالك....تضيع والا يجيلك شي.....حجزنا لنا حنا الثنين ولين العسكري حق التذاكر الله يجزاه خير مسكنا بيدينا لين وصلنا البوابة ووصى علينا واحد من أخوياه....شكله درى إنحن أول مرة نسافر..........لكن راسان يقول إنهم يسوون كذا مع العملاء الخاصين...وبعدين وين بيلقون مثلنا مشترين تذكرتين على نفس الرحلة ...ماهوب لعب.... :)
&&&&&&&&&&&&&&&&&&&&&&&&&&&&&&&&
هكذا انتهت المرحلة الأولى من مغامراتي أنا وراسان........انتظروا مزيد من المفاجآت في الجزء الثاني