نبيذ النواعس

[عكروشــان]

في المرايا حبيبي لاتطيل النظر
خـوف كل المرايا من عيونك تذوب


ياملاكٍ تلبس في ثياب البشر
جيت مثل الصباح ورحت مثل الغروب


سم لاجيت تضحك ياشبيه القمر
بين نارك وبردك موت كــل القلوب


جيت طوع النواعس يوم رمشك امر
اركب خيـــول شعري غاصبٍ ومغصـوب


راس مالي قصايدجبتها لك مهر
محتزم بنت (جـــنٍ) ماتهاب الــدروب


من نبيذ النواعس ذقت احلى خمر
الـف مــره شربتــك غالبٍ ومغلــوب


قم تخيل قصايـــد شاعرك لاسكر
حالفٍ من عيونـــك والهدب مايتــوب


خذت موتك حبيبي شاعرك يحتظر
عاشقٍ نجـــد لجلك لو ديــاره جنـوب



( لعنبو حي حيك) طفني بالجمر
زد جنوني جنـون يالصغير اللعــوب


لو غدى الدم ركبه ماتركتك سهر
ودام هالليل شعــرك ماحسبتك ذنوب



ودام هالليل بارد دفني بالشعر
لفني في جديلك من ريــاح الهبوب


وفل هالليل خله بي يسافر دهر
خلني في جديلك الــف مــره اذوب


قايدالشريف

[سايق الخير]

تسلم ياعكروشان
على هذه القصيدة
الجميلة والف شكر
وفي انتظارك هنا
في المنتدى الشعري.

[هـادى الـدغـيـس]

رائع ابو محمد في كل شيء ... يعطيك الف عافيه ... صح لسانك ولسان قايلها ..... ننتظر من المزيد ...

[حــــز يــــن]

صح لساااانك ولسان شاعر القصيده ..........



اختيااااااااااااارك موفق جدا ويدل على ذوقك الراقي .............



تسلم ياغالي ولا يجي من الطيب الا طيب




تقبل تحياتي




حزين