الغرب يصنع طايرات وصواريخ،،،

[سهيل]

مساء الخير والشهر مبارك على الجميع فردا فردا في هذا المنتدى ومسدسا مسدسا.
اللي جابني سلامتكم ياطوال العمار عندي قصيده اعجبتني بشكل وتمنيت الحصول عليها كامله وهي لشاعر كويتي صادوه في برنامج صادوه يوم ربي صاده بعطيكم بيتين حفظتها من اللي قال وياليت لو حد يكملها لنا ويقول لنا اسم الشاعر ولا حد يتخاملني اذا طلع الشاعر مشهور ولاني اعرفه لان اهتماماتي محليه بحته.


الغرب يصنع طايرات وصواريخ=والشرق الاوسط راح نفطه بلاشي
حطوا لهم في صفحة العلم تاريخ=وحنا بماضينا نعيد النقاشي


يالربع لاتبطون علي انا في روى القصيده كامله واسم الشاعر الله لايهينكم.

.
.
.
.
.
.
.
كرمتوااااااا:D

[عبيد آل ذيبان]

هذة القصيدة بالذات كم تمنيت اني احصل عليها كاملة...لكن للاسف لم اتمكن حتى الان......سهيل شحالك .....كل عام وانت بخير

تحياتي لك

[الشقاوي]

القصيده للشاعر حمود البغيلي

وساعمل على ادراجها هنا قريبا انشاء الله

الاخ سهيل والاخ عبيد ابشروا باللي يجيبها انشاء الله

اخوكم الشقاوي

[اليقظان]

الاخ اليقضان.. سبق تحذيرك وانذارك بان اشتراكك سوف يتم ايقافه في حالة عدم التزامك بقوانين المنتدى

[حبشوش]

ترى كن القصيده مطوله
عجلوا علينا
ولا اقطعوا بالما
قولوا مهيب عندنا
تحياتي معطره بالحبشوش
اخوكم:حبشوش.

[الشقاوي]

الاخوان
سهيل

عبيد

حبشوش

تلاحظون انشغالي هذه الايام بتغطيه الفعاليات ومتابعة صفحة عبق الماضي

عطوني فرصه كم يوم وانا باذن الله اجيبها وانشاء الله اني لاوعدت ما اخلف وعودي

اخوكم الشقاوي

[سهيل]

عبيد آل ذيبان كل عام وانت بخير ((((((((قبتك ياعبد المعين تعيني لقيتك ياعبد المعين تنعان)))))نبغاك تفزعلنا خبري بكم يا الشعار ماتخلون القصيده توقع قاع خصوصا القصائد اللي عليها الكلام مثل القصيده ذي وشرواها ولينك انت بعد تدور لها ها خلك هنيا لين الله يسهل واحد يسدحها لنا هنا .


مشرفنا الشقاوي لاهنت لاهنت على اهتمامك وانا في انتظار القصيده وخذ راحتك ياذيبان ماني بعجل عليها انا فقط معجب جدا بالقصيده هذي واتمنى معرفه باقيها .مشكور وماقصرت.


والشكر للي مروا جميع .



.
.
.
.
.
.
.
.
.كرمتوااااااااا:D