alajeeb
10-11-2002, 09:04 PM
السلام عليكم ورحمه الله وبركاته :
كل عام وانتم بخير .......... ورمضان كريم ............ وتقبل الله منا ومنكم صالح الاعمال في هذا الشهر الفضيل ..... ومبروك علينا وعليكم الشهر
يدور موضوع قصتنا حول اكرام الضيف وتعرفون ان الاولين منول متمسكين بهالعادة هذي ويقولك (الله يطول عمرك) هذا عنزي أسمه (صياح المرتعد) جاء لم شمري قاصد الزيارة والوكاد ان الشمري ما كان موجود والبيت فاضي مابه احد ولا به طعام المهم ان حرمة الشمري توهقت بالطعام ماعندها شي تقدمه لضيف وقامت (الله يسلمك) تفكر وتفكر وتدور حل يمين يسار .... اييييييييه عرف العنزي ان المراه ما عندها شي تقدمه ودخل عليها وسط البيت وقال لها : انا عارف ان ماعندكم شي تقدمينه لي .....!!!!
وحلفت له بالله انها ما تملك شي تقدمه وتعذرت منه وقال : لاضير ولا غضاضة - (يعني لا عادي ما زعلت)-
وانتي معذورة .... بس عطينا شوي دهن ان كان موجود عندك- (علشان تظهر اثاره في اليدين ويقولون ربعه انه ضيفه اكرمه ولا رده) - وقالها شبي النار (علشان يشوفون الدخان).........!!!
بس العجيب ان في هاك الزمان شوفوا وشلون المراة تسقبل ضيوف زوجها وتهلي وترحيب لان الناس كان عفيفين ولا يخافون من بعض وراعي البيت ما هوش زوجته ليه تستقبلين الرجال .... ماهو مثل هالوقت الله يدفع البلاء ماودي اقول ألا..اقروا البيت الثالث والرابع من قصيدة صياح التي في الاسفل.. وأنتم تعرفون اكثر مني..؟؟؟
والوكاد بعد ما راح صياح المرتعد وربعه جاء الشمري وقالت زوجته له السالفه ..كيت وكيت ..أيههههه تحسف الشمري وعزم ربع له وحضر ذبيحة وقال: أشهدكم ان هذه الذبيحة ومايلزم لها امانه في ذمتى لفلان (فلان يقصد ضيفه اللي هو صياح المرتعد) على ان اراعيها واحميها حتى أسلمها له وساقها لم صياح يوم اقبل على صياح قاله صياح : ان الضيافه ليست لي انا وحدي هي ثلثها لرفقتي وثلثها لصاحب البيت وثلثها لي .
أيييييييه قال (الله يطول بعمرك) الشمري هالابيات :
يالمرتعد واجبك حق وصايب=حق على اللي يفهمون المواجيب
وسمتها بحضور كل القرايب=ذبيحك يا منقع الجود والطيب
لوما بغينا ماعلينا غصايب=لاشك ضيف البيت له حق ومصيب
جملتنا ياشوق ضافي الجعايد=ذي عادة الطيب بستر المعازيب
يفداك من هو ضاري بالسبايب=اللي يعلق بالمعزب كلاليب
ورد عليه صياح المرتعد يقول:
الطيب بحجاج المشيب وهايب=طيب الفتى من عند ربه مواهيب
ثلث لنا وثلث لبيتك حلايب=مقسوم بين الضيف هو والمعازيب
ومعزبتنا يافتى وانت غايب=نشمية تسوى كثير الرعابيب
نشميه تسوى كثير الحبايب=لو غبت ما يدخلك شك ولاريب
من جرب الدنيا وشاف النوايب=تراه ما يشنا ولايطري العيب
واللي يسب لشبعة البطن خايب= واصل القرازين النبا والتراحيب
شكرا لكم
كل عام وانتم بخير .......... ورمضان كريم ............ وتقبل الله منا ومنكم صالح الاعمال في هذا الشهر الفضيل ..... ومبروك علينا وعليكم الشهر
يدور موضوع قصتنا حول اكرام الضيف وتعرفون ان الاولين منول متمسكين بهالعادة هذي ويقولك (الله يطول عمرك) هذا عنزي أسمه (صياح المرتعد) جاء لم شمري قاصد الزيارة والوكاد ان الشمري ما كان موجود والبيت فاضي مابه احد ولا به طعام المهم ان حرمة الشمري توهقت بالطعام ماعندها شي تقدمه لضيف وقامت (الله يسلمك) تفكر وتفكر وتدور حل يمين يسار .... اييييييييه عرف العنزي ان المراه ما عندها شي تقدمه ودخل عليها وسط البيت وقال لها : انا عارف ان ماعندكم شي تقدمينه لي .....!!!!
وحلفت له بالله انها ما تملك شي تقدمه وتعذرت منه وقال : لاضير ولا غضاضة - (يعني لا عادي ما زعلت)-
وانتي معذورة .... بس عطينا شوي دهن ان كان موجود عندك- (علشان تظهر اثاره في اليدين ويقولون ربعه انه ضيفه اكرمه ولا رده) - وقالها شبي النار (علشان يشوفون الدخان).........!!!
بس العجيب ان في هاك الزمان شوفوا وشلون المراة تسقبل ضيوف زوجها وتهلي وترحيب لان الناس كان عفيفين ولا يخافون من بعض وراعي البيت ما هوش زوجته ليه تستقبلين الرجال .... ماهو مثل هالوقت الله يدفع البلاء ماودي اقول ألا..اقروا البيت الثالث والرابع من قصيدة صياح التي في الاسفل.. وأنتم تعرفون اكثر مني..؟؟؟
والوكاد بعد ما راح صياح المرتعد وربعه جاء الشمري وقالت زوجته له السالفه ..كيت وكيت ..أيههههه تحسف الشمري وعزم ربع له وحضر ذبيحة وقال: أشهدكم ان هذه الذبيحة ومايلزم لها امانه في ذمتى لفلان (فلان يقصد ضيفه اللي هو صياح المرتعد) على ان اراعيها واحميها حتى أسلمها له وساقها لم صياح يوم اقبل على صياح قاله صياح : ان الضيافه ليست لي انا وحدي هي ثلثها لرفقتي وثلثها لصاحب البيت وثلثها لي .
أيييييييه قال (الله يطول بعمرك) الشمري هالابيات :
يالمرتعد واجبك حق وصايب=حق على اللي يفهمون المواجيب
وسمتها بحضور كل القرايب=ذبيحك يا منقع الجود والطيب
لوما بغينا ماعلينا غصايب=لاشك ضيف البيت له حق ومصيب
جملتنا ياشوق ضافي الجعايد=ذي عادة الطيب بستر المعازيب
يفداك من هو ضاري بالسبايب=اللي يعلق بالمعزب كلاليب
ورد عليه صياح المرتعد يقول:
الطيب بحجاج المشيب وهايب=طيب الفتى من عند ربه مواهيب
ثلث لنا وثلث لبيتك حلايب=مقسوم بين الضيف هو والمعازيب
ومعزبتنا يافتى وانت غايب=نشمية تسوى كثير الرعابيب
نشميه تسوى كثير الحبايب=لو غبت ما يدخلك شك ولاريب
من جرب الدنيا وشاف النوايب=تراه ما يشنا ولايطري العيب
واللي يسب لشبعة البطن خايب= واصل القرازين النبا والتراحيب
شكرا لكم