اجمل القصائد الغزليه للشاعر الكبير خلف ابن هذال

[واس]

يقطعك ياحبٍ توقف على ماش =ومن حب حلوين المظاهر بلاشي

اللي يبيعون المحبين ببــــلاش= حلوين الألسن والقلوب الغشـاشي

العرق لو قصر على المي ماعاش= والشمس لو تغرب على الكون عاشي

تفخر بزينك يوم تجفل وتنحاش= ما تدري اني منك قانع ومــــاشي

امنولٍ عيني ترفرف بالارمـاش= جفنٍ غطا والجفن الاخـر فراشـــي

أمطوعٍ لك قلبٍ أبيض من الشاش= ومستدخلك بين الضلوع الــهشاشي

واليوم أبنقش سر حبك بمنقاش= الله ولا حبٍ سعـــى فيه واشــــي

[الشقاوي]

الاخ واس

اختيار موفق يدل على رذوق رفيع

صحت يمينك وصح لسان خلف

ولا تحرمنا المزيد من المشاركات الفعاله

اخوك الشقاوي

[@الغريب@]

أخي العزيز/وااس
أسعد اللّة مسائك بكل الخير والمسراّت
أختيار جيد وموفق
وذووق رفيع

وفقك اللّة وفي أنتظار جديدك,
تحياتي وأحترامي,,
أخيك/@الغريب@

[هادي ال زليق]

اررررررررررررررررررررررحي ياواس

ومن طول الغيبات جاب الغنايم ..وانت جبتها وماقصرت

بيض الله وجهك على هذه المشاركه الرائعه لشاعر الوطن

خلف ابن هذال العتيبي ..وذوق راقي ياواس..

لك مني كل الحب والتقدير