النـــــــاس

[نوماس]

احببت ان اكتب عن الناس يمكن اكون غلطان او يمكن يكون فيه سوء فهم بيني وبين الناس صحيح ان الناس هم هلي وهم ربعي وهم المجتمع او الحصن الحصين المحيط بي هم دليلي الى الخير والشر ولكن انا كرهت الناس كل الناس ماعدا بعض الناس لحق الطاعه لهم علي يمكن ينشدني شخص ليه كرهت الناس اقول بكل بساطه لان الناس كرهت الناس قلي من يحب من حتى في وقت المحن قلوب الناس صارت هم وهوجاس .................. والمصالح هي عشق كل الناس ........... انت يافلان انت عزيز وغالي لو تامر حتى على عيالي ياخساره يافلان ماعاد منك فود لنت بحبيب ولا غالي وتهبى اما عيالي .............. طيب ليه راح تحتاجني لا غيرك كثير وانت صرت مستهلك ........... صار الانسان عند الناس بضاعه قابله للاستهلاك الادمي بشتى الطرق وين الصديق الصدوق كذب في كذب يمكن اكون متشاءم زياده بس مهما يكون ماكتبت الا من شوف العيون شي شفته وجربته بين كل الناس انا انلطمت من اعز انسان كنت اعده مثل الاخ او يمكن اقرب شوي كان هو يبادلني نفس المعزه او يمكن كنت انا اشوفه كذا كان بيننا لحم ودم وعشره لكن راحت في سبيل المصالح وياليتها راحت براس مالها .................
صدقني ان كل الناس عندها نفس الاحساس صرت اخاف من التعامل مع الناس واحسب لهم الف حساب الدنيا ماعدها بالدنيا ولا ناس عادهم ناس جرب مره تنظر للناس وتحاول تقراء في ملامحهم شي حاول تخترق حاجز الغشاوه بينك وبين الناس
يمكن تلاحظ شي يقلب الصوره وتشوف الناس غير الناس وتصدق كلامي وتقتنع وتقول راحت الناس ........راحت الناس .......راحت الناس

[نوماس]

ردودكم تحمل الكثير ولكن

يمكن الناس غير الناس او انا ماعاد صرت واحد من الناس احتمالين واحد منها يحمل المقياس اللي على اساسه حاكمت انا الناس صحيح ان الناس اجناس لكن .........

حملتني الناس فوق احتمالي انا بشر ولي حدود في كل شي صعب اتخطاها
صحيح ان الخير باقي في الناس ولكن من يشوفه ضاع في زحمة الشر كم هو سعيد من لقاه.