المساعد الشخصي الرقمي

مشاهدة النسخة كاملة : قيمه الرجال عند رخوم

عكروشــان
12-01-2002, 01:17 AM
اعاتب نفسي بنفسي واحاسبها حصاد اليوم
واذكرها جلدها واذخر الي شلت من همه !

واعاتب زلة الداني وابرر زلة المذموم
وانا اشهد الاوّله للي عمدها اكبر مطمه ؟!!

توكل يا العذول النجس ماسرك كثير اللوم
الا ياليت شرع الله على مثلك هدر .. دمه !!

توكل لو تدنت قيمة الرجـال عند رخوم ؟
دريت انه خذا طيبه ؟ وخلا للردي غمه !!

توكل وشيضرك يا القطامي من نعيق البوم ؟
مصير البوم قدره بالوطا والحر في القمه

توكل دامك تفسر جميلي في عيون القوم
رياء الحاسد الي مات ماحقق شفاة امه !!!

وانا مانيب من يمسح خطاته ف لحوات قروم
اموت ؟ ولايزعزع هيبة الطيب .. رجا خمه ؟

ولو ان الخطيه كذب ماكان النبي معصوم ؟
ولا كان العذر ينساق من راسه الى .. كمه !

انا الي لا زما الموقف وصكت لليال هموم
الا من بان وجهه عوّدت الاريا تجي .. يمه !

تدور الحرب دورات الرحا والمنتصر مهزوم؟
مادام الحق ضايع .. والبشر تركض ورى النمه !

ولو اني خرجت وسيفي بيمناي فيه ثلوم ؟؟
عزاي اني حفظت الدين والاخلاق .. والذمه !!


الشاعر : سعد الدوسري
سايق الخير
12-01-2002, 03:56 PM
مشاركة جميله وتوقعت من العنوان انها اللي بتاخذ الجايزه على الحسام بس الشروط الله يهديها ماش عموما لا تكون مخلي القصيده حقت الجايزه مثل بعض الناس الى ان يقترب الموعد كلهم يقولون الورقه الرابحه الى الوقت بدل الضايع ماهم بدارين انهم ضايعين.ويعطيك العافيه على المشاركه
(ملاحظه :تراني مشارك معك هناك باسم اخر ومعني نفسي فهو بيت من بيوتنا)
عكروشــان
13-04-2002, 02:16 AM
العفوووووو سايق الخير

لأشكر على واجب

عكروشان
عبدالهادي الخليوي
13-04-2002, 12:01 PM
الاخ الغالي / عكروشان

تسلم يمينك على الاختيار المتميز وصح لسان شاعرها


قصيدة عنيدة فيها الكثير من المعاني الجزله




- اخي / عكروشان

- القصيدة هذي وراها علوم 000 وعزالله انك قرم ومن قروم لاهنت

وعساك سالم وغانم



عبدالهادي
عكروشــان
13-04-2002, 05:29 PM
بغض النظر عن القصيده

مرورك من هنااا شرف بحد ذاته تقبل تحيات اخوك

عكروشااان
محمد عويضه
14-04-2002, 03:49 PM
أخوي الغالي / عـــكــــروشــــــان ....


ياخي كلك ذوق .. إختيار يدل على ذائقه جميله


تسلم يمينك .. وصح لسان شاعرها
عكروشــان
04-11-2002, 10:47 PM
صيحان
05-11-2002, 09:23 PM
مساء الخير عليكم جميع!!!!!!!!!!!

عكروشــان كل عام وانت بخير والله يعيده علينا وعليكم بخير هذا الشهر الكريم

تسلم على هذا القصيد الجميله

يامرحب ياصقر في المرقاب راقي***حر(ن)شهر من فوق نايفة القهور



سجل اعجابي



تقبل تحياااااااااااتي





اخوك صيحان;)