عبيان اليامي
28-08-2002, 02:37 PM
اخواني هل الشامل
معذره عن عدم التواصل
وهذه القصيده تبين ذلك
هذه القصيده في عمي غنام بن علي ال سالم الوعله
احد شيوخ واعيان قبيلة ال سالم من يام
اذكروا الله....
يالله يامنزل تبارك والانفال=تجبر عزانا بالكتاب السماوي
انا اشهد ان الموت روح برجال=شيخ على صكات بقعا رهاوي
غنام ياغنام ياعم ياخال=اللي يحل مشربكات الدعاوي
ياكيف ابنسى طيب العلم والفال=اللي يرد الذود وقت العزاوي
ابوك ياناصر من الجال للجال=في قلب رجال(ن) حذوفه طناوي
والله لو نفديه بالمال والحال=ماهمنا لو كان جتنا فتاوي
انا اشهد ان الكسر فالساق قتال=ياحسرتي وشلون نلقا مداوي
تبكيك هجن(ن) لآل سالم على الجال=جال(ن) عليه اهل الوفا والمناوي
ويبكيك طفل في مهاده ولا زال=من جور دمعه غارق(ن) فالبكاوي
وتبكيك من تزهاك لاحذف الشال=بنت الشيوخ مدبلات الغطاوي
ويبكيك شيخان(ن) مطانيخ وثقال=من روس يام اهل النعت فالبلاوي
ياعلك الجنه معا طيب منزال=ياللي علومك كل ابوها سناوي
انت السند وانت الفخر يوم تنقال=ياصامل الفزعه لو الذيب عاوي
بعدك ترا مافيه خيل(ن) وخيال=وبعدك ترا مافيه بشت(ن) حساوي
انا اشهد ان الليل قد طال ثم طال=ماهو بليل(ن) جاذبته الغناوي
ليل الحزن خيم ومطنابه جبال=والحال من جور التعب صار خاوي
وادعي واكثر في سجودي والابهال=ومن كثر ما دعي صار دمعي تلاوي
ماني على صكات بقعا بمحتال=ياحسرتي صارت حياتي نعاوي
من بعد ابو ناصر ليا قال من قال=الصف ناقص والعزى فاللحاوي
يالله يامنزل تبارك والانفال=تجبر عزانا بالكتاب السماوي
وسلامتكم
معذره عن عدم التواصل
وهذه القصيده تبين ذلك
هذه القصيده في عمي غنام بن علي ال سالم الوعله
احد شيوخ واعيان قبيلة ال سالم من يام
اذكروا الله....
يالله يامنزل تبارك والانفال=تجبر عزانا بالكتاب السماوي
انا اشهد ان الموت روح برجال=شيخ على صكات بقعا رهاوي
غنام ياغنام ياعم ياخال=اللي يحل مشربكات الدعاوي
ياكيف ابنسى طيب العلم والفال=اللي يرد الذود وقت العزاوي
ابوك ياناصر من الجال للجال=في قلب رجال(ن) حذوفه طناوي
والله لو نفديه بالمال والحال=ماهمنا لو كان جتنا فتاوي
انا اشهد ان الكسر فالساق قتال=ياحسرتي وشلون نلقا مداوي
تبكيك هجن(ن) لآل سالم على الجال=جال(ن) عليه اهل الوفا والمناوي
ويبكيك طفل في مهاده ولا زال=من جور دمعه غارق(ن) فالبكاوي
وتبكيك من تزهاك لاحذف الشال=بنت الشيوخ مدبلات الغطاوي
ويبكيك شيخان(ن) مطانيخ وثقال=من روس يام اهل النعت فالبلاوي
ياعلك الجنه معا طيب منزال=ياللي علومك كل ابوها سناوي
انت السند وانت الفخر يوم تنقال=ياصامل الفزعه لو الذيب عاوي
بعدك ترا مافيه خيل(ن) وخيال=وبعدك ترا مافيه بشت(ن) حساوي
انا اشهد ان الليل قد طال ثم طال=ماهو بليل(ن) جاذبته الغناوي
ليل الحزن خيم ومطنابه جبال=والحال من جور التعب صار خاوي
وادعي واكثر في سجودي والابهال=ومن كثر ما دعي صار دمعي تلاوي
ماني على صكات بقعا بمحتال=ياحسرتي صارت حياتي نعاوي
من بعد ابو ناصر ليا قال من قال=الصف ناقص والعزى فاللحاوي
يالله يامنزل تبارك والانفال=تجبر عزانا بالكتاب السماوي
وسلامتكم