المساعد الشخصي الرقمي

مشاهدة النسخة كاملة : النادر

سالم الغضيف
25-08-2002, 11:57 AM
النادر

**********
أنتخي بي كان للجود في قلبك وهايب=شاعر ِ لعيونك الحور ماهاب المنايا
عيطموس ِ ..عسوجيه خذت قلبي نهايب=كيف مدري كيف؟وش صار يارب البرايا
بنت وانتي بك طبايع بها سر وغرايب=نوب يازينك ونوب الله يستر هالخفايا
والله انّي لأعسف القاف لو هو صار شايب=لين ترضين الغلا ثم تناسين الرزايا
جيت وانا النادر اللي فعوله لك عجايب=لو تنكر لي عيونك وتنكرني المرايا
كان مهرك ياالمها شب نيران الحرايب=ابشري بي حاضر ِ عند ظنك والهقايا
وكانها دين وعباده فانا لله تايب=ربي واقبل توبتي يوم انا كلي خطايا
وكانها الدعوى (صخا)جيت لك مثل السحايب=مابه اغلى من حياتي وانا آسوق الهدايا
وكانها صنعة لطافه ترى هرجي هبايب=شاعرك حاديه شوقه على بيض النوايا
وكانها علم وشهاده فانا مانيب خايب=دارس القانون واعرف حجج كل القضايا
سقت لك يابنت والله على عوص النجايب=عز..وامجاد..وغلا دون تلعات الصبايا
جيت لك والناس مثلي تسابق لك طلايب=وحالف ِ لافوز بك لو خسرت اللي ورايا
رحبي بي..رحبي يابعد كل الحبايب=رحبي باللي غرامك مسوي به سوايا
بنت ياللي بكسر بيت الشعر تلوي الذوايب=من يبيحك يوم شلتي الخفوق من الحنايا
الشقاوي
25-08-2002, 12:40 PM
هلا والله بالشاعر سالم الغضيف
من طول الغيبات جاب الغنايم وانا اشهد انك طولت وجبت لنا ذا الهديه اللي تعتبر غنيمه
صح لسانك يابو محمد
علي ال منصور
25-08-2002, 01:17 PM
ارحب يابو محمد صح السانك علي هذة الرائعة واروع منها هو الشاعر العذب سالم غضيف

سجل اعجابي يابو محمد انت من شعرانا الكبار والذي نفتخر بهم

ولك تحياتي وتقدريري اخوك علي ال منصور
المسافر
25-08-2002, 02:36 PM
الشاعر سالم الغضيف (( النادر))
وانت نادر بالفعل قصيده جميله واجمل من الجمال تمكن شعرى فاق حدوده مفردات رائعه جدا.
هنا يكون الشعر للشاعر مطيع ومستجيب عندما يكون شاعره كاسالم الغضيف
شاعر متمكن والاجمل من هذا مثقف شعريا ولديه الكثير والكثير ليقوله.
كان كل هذا فى ماحملته قصيدتك الرائعه ياسالم.
كل الحب والتقدير لشخصك الكريم
اخوك المساااافر
جميل ابن زريع
26-08-2002, 12:34 AM
بسم الله الرحمن الرحيم

الأخ : سالم غضيف ...

صح الله لساااااااااااانك ... وربي ماهانك ...

قصيده رائعه بروعة حضورك ... وجمال روحك ..

تعودنا على الجمال من قلمك فلم استغربه هنا ...

سجل اعجابي ................................. وتقبل تحياتي ....................................
صالح بن سالم الحيدر
26-08-2002, 03:08 AM
شاعر بشاعريتك وقصائدك تجبر جميع الاذواق على الاستمتاع بروائعك .

صح لسانك والجزل غير مستغرب على امثالك من الشعراء.

سجل اعجابي بروائعك .


اخوك....... صالح ال حيدر
سالم بن جلعان
26-08-2002, 08:17 AM
الأخ العزيز سالم آل غضيف ( السمي )

قصيده جميله في معانيها قويه في الفاظها تستحق الحفظ

يعطيك العافيه على مثل هذه التحفه

وكـانــهــا عــلــم وشــهــاده فــانــا مــانــيــب خــايـــب
................................دارس الـقــانــون واعـــرف حــجــج كـــل الـقــضــايــا

سجل اعجابي بكل بيت

ننتظر منك الأجمل
كريم سبلى
26-08-2002, 12:58 PM
سالم ال غضيف
عيني بارده عليك
من كثر ما قرات القصيده ارى فيها الروعه اكثر
قصيده اجبرتني على تصفحها بعنف

حاولت انتقى بعض الابيات الجميله ولكن احترت
فتذكرت بستان الزهور ... واي زهره اقطف

صح لسانك ملياااااااااااااااااااااااااااااااااااااار
على الرائعه يا رائع

ولك مني كل الحب
هادى ال حيدر
26-08-2002, 03:23 PM
الشاعر الرائع الغائب الحاضر الذي لا نتنبأ بما سيفعل
اخي العذب سالم بن محمد بن غضيف الكبير دائمآ كبير وهذه القصيده ليست الا امتدار لسمو روحك وتمكنك من ادواتك , سالم اعتقد انه لا يختلف على ابداعك اثنان وسلمت لنا وللشعر ايها الأنقى.
سالم الغضيف
27-08-2002, 12:01 AM
الأخوه الأعزاء ورد هناك خطأ مطبعي في أحد ابيات القصيده ارجو من احد المشرفين القيام بتعديله لأنه يخل بوزن القصيده والبيت بعد التصحيح كالتالي:



جيت لك والناس مثلي تسابق لك طلايب=وحالف ِ لأفوز بك لو خسرت اللي ورايا
سالم الغضيف
29-08-2002, 11:03 AM
الأخ / الشقاوي
هلا بك يا طويل العمر،،، شرفني واسعدني مرورك
تقبل فائق احترامي وشكري..............وفقك الله...
سالم الغضيف
29-08-2002, 11:07 AM
الأخ/ علي آل منصور...هلا بالخال...

هلا بك يا طويل العمر،،، شرفني واسعدني مرورك
تقبل فائق احترامي وشكري..............وفقك الله...
سالم الغضيف
29-08-2002, 11:15 AM
الأخ/ المسافر.............


هلا بك يا طويل العمر،،، شرفني واسعدني مرورك
تقبل فائق احترامي وشكري..............وفقك الله...
سالم الغضيف
29-08-2002, 11:18 AM
الأخ / جميل....هلا يابوصالح..

هلا بك يا طويل العمر،،، شرفني واسعدني مرورك
تقبل فائق احترامي وشكري..............وفقك الله...
هادي ال زليق
29-08-2002, 11:19 AM
صح لسانك ملالالالالالالالالالالالالالايين ياسالم

جزالة وتمكن ..وابحار عكس الممكن..

تواضعاً .. قد تقول صنعة لطافه..

والحقيقه انك ابحرت بنا.. للشعر وضفافه

تنكر عيون الاحباب والمرايا..

يعني لنا قصيده في اجمل الصبايا..من سالم لعشاقه

لك مني كل الحب والتقدير
سالم الغضيف
29-08-2002, 11:24 AM
الأخ / صالح بن سالم ........مراحب يابو سالم


هلا بك يا طويل العمر،،، شرفني واسعدني مرورك
تقبل فائق احترامي وشكري..............وفقك الله...
سالم الغضيف
29-08-2002, 11:26 AM
الأخ/ سالم بن جلعان....... هلا يا سمي...


هلا بك يا طويل العمر،،، شرفني واسعدني مرورك
تقبل فائق احترامي وشكري..............وفقك الله...
سالم الغضيف
29-08-2002, 11:30 AM
الأخ / كريم سبلى.... هلا والله بساس الطيب..



هلا بك يا طويل العمر،،، شرفني واسعدني مرورك
تقبل فائق احترامي وشكري..............وفقك الله...
سالم الغضيف
29-08-2002, 11:33 AM
الأخ / هادي بن حيدر.....((هلا..هلا..وألا هلا..ما تكفي))


هلا بك يا طويل العمر،،، شرفني واسعدني مرورك
تقبل فائق احترامي وشكري..............وفقك الله...
سالم الغضيف
29-08-2002, 11:37 AM
الأخ/ هادي آل زليق...
هادي...الشاعر مبدع...
هادي...المشرف: للأشراف حق الفخر بأقتران أسمه بأسمك...
((عتب)) ليش ما عدلت الخطأ الذي ورد في القصيده ونوهت عنه

مره اخرى:
هلا بك يا طويل العمر،،، شرفني واسعدني مرورك
تقبل فائق احترامي وشكري..............وفقك الله...
وحي من الماضي
29-08-2002, 05:58 PM
الله عليك .... سالم...
الاخ الشاعر /سالم ال غضيف....
هكذا انت عذب .... مبدع .... مجنون.... متورط بالشعر....
لك الشكر على هذه القصيده