محمد أحمد السديري..و..(مي)

[منتظر]

هذي منازل من تمنيت قربه = ياما مشى فيها وياما سكنها

دار(ن) خلت ماعاد يلقى الاثر به = مدري محت والا هبوب(ن) دفنها

وقفت في منزال (مي) أفتكر به = وانشد ارسوم عقب أهل (مي) عنها

رسم(ن) لخلي عرش رجلي عثر به = لو هو كسر رجلي رخيص بثمنها

وأقول حى فاختك وين دربه = بالله قلي وين قفا ضعنها

وين القبال اللي يحير النظر به = عمار يا دار(ن) حبيبي قطنها

وين الجبين اللي يشع القمر به = شعة قمر خمسة عشر من وجنها

يا منزل الغالين رد الخبر به = وعطني سراير خافي العلم منها

انا الذي حبل الموده قصر به = وعيني من الفرقا تزايد حزنها

وانا الوحيد اللي تحملت غربه = وعني بعيد شوف (مي) وطنها

وانا الذي روحي هواها استعربه = ثم جذب روحي (لمي) وقرنها

وانا الذي مرن على الكبد شربه = لي حاجة(ن) مذكر ضمينن ضمنها

وانا الذي غصن الفراق أنهصر به = ولو ما بغا الفرقا يقوده رسنها





المصدر جريدة الرياض العدد 4538
بتاريخ 5/7/1400

[الشقاوي]

الاخ منتظر اشكرك من كل قلبي على اختياراتك الموفقه دائما وعلى حرصك على المصدر كذلك
ننتظر الجديد
وتقبل اخوك الشقاوي من ضمن المعجبين باختياراتك

[منتظر]

يعطيك العافيه على الكلام الجميل
ومرورك على المشاركه يغني عن اي كلام ومجرد ذكر اسمك يكفيني شرف

أخوك...........................................منت ظر:)