لـو تصـب الشوق لاجلك تسكبه

[كريم سبلى]

لليبـاس الـقــلـب .. يالـعود اللـعوب =مــانثنيت إلا .. على شـان اتعبـه

قلتــلك ألـــفـين مــره لـو تتـوب =أكـرمـك فضـة غـرامي .. وذهبــه

موقض اللذات والضحكة شبوب =.كــل مـن تسـبرك عينـه .. تنهبـــه

ماتهمك روح تجفا .. أو تـذوب =لـو تصـب الشوق لاجلك تسكبه

مايجي مثلك أنـاني .. أوكـذوب =أنت فيـك أرض المخازي معشبـة

لاتسـاومني إذا هبت هبـــــوب =ينثني لك غصن شوقي .. واكتبه

كذب كل اللي تشوفه ما ينوب =.عن حضورك لو حضورك مااصعبه

خلني لارض المساري .. والدروب =.ألعنك .. وألعن شعوري .. واشطبه

ليه أحبك وانت فيك من العيوب =مـايغطي عــذر جـرحك .. وسببــه

من حبــاك الله دجى شعـرٍ طروب =ماحبـا عبده .. سوى قلب اذهبه

جـملك .. ماجملك وسط القلوب =وان صدق قلبي معك .. يامكذبه

مد شوفك للشفق يم الغروب =واسأل سنينك .. مصيرك .. به شبه

لا تفهـمني غرامــك بـه شحــوب =به دمار .. وبه مضيع .. وبه .. وبه

فوق هذا .. كنه القلب مغصوب =يقـطـع عـــروق الـوفــا .. لمـعذبـه

قـلل ذنوبـك عـسى مالك ذنوب =واسبل ايامك صخا .. طيب .. وهبه

كريم سبلى