المحور
18-07-2002, 04:26 AM
السلام عليكم
اليوم بأقولكم سالفة الرحلة الماكوكية الي الشرقية قبل عشر وعليها خمس سنين
جاءني علم ان قد عيال عمي يبغون يسافرون الي خواني في الدمام قلت ويش اماني ماروح معهم بلي بيجون يفحروني عشان ماسافرت في الاجازة :mad:
عزاللة يالربع >>رحت للشيبة اللة يرحمة وقلت>>يأبة ابغي اسافر معا عيال عمي صوب خواني قال الشيبة ويش تببها ياولدي بلاد المقطعات ذلحين ياولدي حر ورطوبة تجلغ الوجة اقعد هنيا وقل ياللة لك الحمد :confused: عزاللة عييت وقلت نفداك يابة خلني اروح:mad: قال مادامها في خاطرك توكل علي اللة اللة لو شفتوني وقتها:o
المهم عطاني الشيبة تذكرة ودراهم وقال اللة ياولدي في الرجلة >>قلت ابشر
عسي مامليتوا
المهم طلعنا الطيارة وانا والعيال واول الرحلة انتثر علينا العصير وبغت طيح الطيارة من كثر المطبات:mad: والناس كلهم يصيحون والطيار خواجة مايعرف عربي المهم حذ عقولنا وياليتني ماسافرت:confused:
نزلنا من الطيارة ويلتنا ماركبنا ولين اخي مستقبلنا مع العسكري قريب من الطيارة قلنا اي واللة انك ياولد واسطة انتفخ وبغا يقرح :D بعدها توكلنا علي السكن وقدكم خابرين العلوم من بعد ماندخل الشقة
اللي طراني علي السالفة انحن خرجنا انا وعيال عمي في الحي جنب ملعب الدمام حاليا ودخلنا حديقة وتمشينا ويوم خرجنا مرت ددسن وفيها خمسة شباب واحد العالم اللة انة اخطي علينا قام حدا العيال وسوي حركة شينة وهم شافوة والا ماشافوة :confused: وانزلوا علينا واخرجوا حول عشرة من الحديقة وحطوا فينا شي مايعلم فية الا اللة خبطونا >>خبطونا لين قامت حمير بطونا ويوم حطوا كل واحد منا علي الثاني خلونا وراحوا وحن خذينا بعدهم حول ساعة مكانا ماتحركنا من واللة ماحطوا في ظهورنا وعودنا البيت ولقنا الكبير وشاف ثيابنا حمرا فيها دم وخاصمنا ولعنا وحن خابرينه ماهو بحق المشاكل نظامي وحن وقتها خبلان من جاء طمرنا فية :rolleyes: لكن اشهد انها نستنا المشاكل ولا زد عدناها وقلنا توبة وذي اخر نوبة:p
هذي رحلتنا الاولة في بلاد المقاطعات واعذرونا عليها
يافرحتك يادحباش
واسعد اللة مساكم ياجماعة
اليوم بأقولكم سالفة الرحلة الماكوكية الي الشرقية قبل عشر وعليها خمس سنين
جاءني علم ان قد عيال عمي يبغون يسافرون الي خواني في الدمام قلت ويش اماني ماروح معهم بلي بيجون يفحروني عشان ماسافرت في الاجازة :mad:
عزاللة يالربع >>رحت للشيبة اللة يرحمة وقلت>>يأبة ابغي اسافر معا عيال عمي صوب خواني قال الشيبة ويش تببها ياولدي بلاد المقطعات ذلحين ياولدي حر ورطوبة تجلغ الوجة اقعد هنيا وقل ياللة لك الحمد :confused: عزاللة عييت وقلت نفداك يابة خلني اروح:mad: قال مادامها في خاطرك توكل علي اللة اللة لو شفتوني وقتها:o
المهم عطاني الشيبة تذكرة ودراهم وقال اللة ياولدي في الرجلة >>قلت ابشر
عسي مامليتوا
المهم طلعنا الطيارة وانا والعيال واول الرحلة انتثر علينا العصير وبغت طيح الطيارة من كثر المطبات:mad: والناس كلهم يصيحون والطيار خواجة مايعرف عربي المهم حذ عقولنا وياليتني ماسافرت:confused:
نزلنا من الطيارة ويلتنا ماركبنا ولين اخي مستقبلنا مع العسكري قريب من الطيارة قلنا اي واللة انك ياولد واسطة انتفخ وبغا يقرح :D بعدها توكلنا علي السكن وقدكم خابرين العلوم من بعد ماندخل الشقة
اللي طراني علي السالفة انحن خرجنا انا وعيال عمي في الحي جنب ملعب الدمام حاليا ودخلنا حديقة وتمشينا ويوم خرجنا مرت ددسن وفيها خمسة شباب واحد العالم اللة انة اخطي علينا قام حدا العيال وسوي حركة شينة وهم شافوة والا ماشافوة :confused: وانزلوا علينا واخرجوا حول عشرة من الحديقة وحطوا فينا شي مايعلم فية الا اللة خبطونا >>خبطونا لين قامت حمير بطونا ويوم حطوا كل واحد منا علي الثاني خلونا وراحوا وحن خذينا بعدهم حول ساعة مكانا ماتحركنا من واللة ماحطوا في ظهورنا وعودنا البيت ولقنا الكبير وشاف ثيابنا حمرا فيها دم وخاصمنا ولعنا وحن خابرينه ماهو بحق المشاكل نظامي وحن وقتها خبلان من جاء طمرنا فية :rolleyes: لكن اشهد انها نستنا المشاكل ولا زد عدناها وقلنا توبة وذي اخر نوبة:p
هذي رحلتنا الاولة في بلاد المقاطعات واعذرونا عليها
يافرحتك يادحباش
واسعد اللة مساكم ياجماعة