احذر لا يجي لك مع هل الشر مقعاد

[سايق الخير]

الف او لف من كلامً نظيفي*******ودموع عيني فوق خدي ذريفي
الباء بليت بحب خلي على ماش******ولا حصل لي منه ما يبرد الجاش
التاء تليت الزين والزين مقفي******امشي وحتفي ناقله فوق متني
الثاء ثمانه حب رمان طايف******اوقحويان في رياض عطايف
الجيم جاني من عشيري كلامي******ولا لقينا من يرد السلامي
الحاء حليه في الوطن ما لقيته******عذلت قلبي عنه ولا قويته
الخاء خليلي صارعندي قريبي******جعلي نصيب له هو من نصيبي
الدال دامي ما مسكت الذوايب******لو قيل طيب قلت ماني بطايب
الذال ذالي عنه مدة ليالي******لو قيل طيب قلت انا ابخس بحالي
الراء ردوف صويحبي ثقلنه*******ونهود للثوب الحمر شلعنه
الزاء زماني شفت منه الهوايل******لاعاد حظي في الغنادير مايل
السين سقنا من الدراهم وعيا******واللي نبي من صاحبي ما تهيا
الشين شاب الراس ياعذب الانياب*******واللي بطاري توبة كان قد تاب
الصاد صيدي يوم الاوي غريمي********شفق على الحبه ولمس البريم
الضاد ضد حال بيني وبينه*******يقول هذا صانع لاتبينه
الطاء طويت الياس والسد باحي*******وما عاد لي شف بظبي الضواحي
الظاء ظمانه لا تعاشر لك اثنين******لازم تخلي عشرتك يامسكين
العين عن من ينقل الهرج حذراك******تراك كنك ناقل داك برداك
الغين غاب العقل باول شبابي******وادميت من تلعات الارقاب نابي
الفاء فؤادك لا توليه حساد*******واحذر لا يجي لك مع هل الشر مقعاد
القاف قل للي يريد النواميس********اللي يبا طرق الهوى يرخي الكيس
الكاف كن السد في كل الاحوال*******واحفظ لسانك لا يقولون ذا قال
اللام ليت العمر ينكس لحله********قيمة ثلاثين السنه هي محله
الميم ما غيري من الناس جرب******ولا هوبمثلي في حياته تطرب
النون نام الحظ ولا فيه حيله******عيا يباريني ولا فيه حيله
الهاءهواي السابعه يالفطيني****والثامنه ياللي تعرف الرطيني
الواو ويل اهل الهوى من هواهم******كان الذي قد سم حالي وطاهم
لملف حبه صلف ومراقده كلف********لو هو يتمم مطلبي كان اقول الف
الياء يباني قلت انا مار ما باه*******ماعادلي به يوم كثر الحكى فيه
الشاعر محمد بن عمار(وتراني مختصرها جدا)