محتاج
11-07-2002, 04:28 AM
مصبحينن بالخير
وش حالكم وش حالكم جدا
جا ذاك اليوم من ايام المتوسطه الله لا يعلّها وبعد ما ظويت من المدرسة وتغديت وقعدت آلاعب ارجيلي وانا منبطح على الكتب وكبدي منقلبه منها ,أتصل عمي ( الشرير ) وقال وين خبلكم قالوا هوذاك يذاكر قال خلّوه يلحقني في القرا ( المزرعه ) وما بلى جاني اخي الصغير وعلّمنى وانفلت مثل الطلقه ماهوبحب لعمي الا ابغا أجفل من الكتب .
عز الله واركب الددسن وآحرّك وين انتي يا القرا شيني جيتش .
ها ما بلى وصلت ولين الغبره لاقيتني عادني ما بعد دخلت المزرعه زين. انا قلت ان قد به علم والا ان حدا العجاله ( جمع عجل ) انفلت وذلحين عمي يطرّده ودخل به في المراغه والا ان حدا الدروب طاح وقد ذا غباره اللي واصلني لي هنا
ويوم نزلت ولين لابه ثور منفلت ولا بيت بطايح بس ان فيه صوت جغير (بكسر الجيم )أثر عمي يهاد الهندي ويوم شفت ولين عمي لازم في يده اليسار (أشول ويا ويلك إذا رجمك ) لازم لــّــي ( هوز ) والهندي لازم حطبه من الحمظه اللي هو كان يقطع فيها على الماجل .
وخبط حمير ماهو بخبط اوادم وفي الهندي لجفه وفي عمي خبطه وثلاث منهم فيني انا يا الفرّاع ( وافرع خنيز من خنيز )
والكثير من الهندي الملعون لاني كنت الزمه لعمي يديّع فيه .
بعد ما انتهت المعركه وما عاد الا اني ألفلف الغتر والعقل والسراويل وطردت الهندي وقلع معا الهندي لاخر ولين عمي يتفلت : والله ما عاد يقعد فيها دقيقه وانا اقول في خاطري يا رجال لاعاد يجي لك قظعه هاثم تعنفص . كبّه منك بنقلعه بنسفره <=== يخيف ان قدني رجال وانا عادني ذيك لايام في ثاني متوسط كيف هم يركنون علي اسوق بامي ماني بداري .
المهم شلّيت الهندي ووديته عند واحد من اخوياه في بير سعيده اللي ما بينّا وبينها الا بير ال حمد . وسهيت ايش عمي دعاني له وهو سهي حتى هو اثره يبغاني امسك معه هنا هايش اكبر منيش ( باين من مسحبته - أثره -) الله فك فيني منه .
وظويت للبيت ورقدت ولا ذاكرت هاثم دبغوني من بكره وبعد الغدا نفس الموال ولاكن ذا المره غير أثر عمي يتصل ماهو يبغاني اعاونه على الهايش الا يبغاني اسقي بدل الهندي قلت ياعم ياعم بنبرة استعطاف قال عميت عيونك قدامي وخذ معك خصّين مدري اين الهندي ملعون الحروث نذح بخصينا .
تجبّرت بالله ونزلت وشغلت المكينه اسقي الكوسه واجي ولين هنا حراثه تشتغل وعليها واحد يمني قلت يا ولد خلني اسوي نفسي يعني اني رحت له والخصين قدهي بتفجيني وآصيّح له ذاك المكان واطي وذاك جاذي وانا حاط الخصين ومتراكي عليها يعني اني من ذولاك , أثره ما هو يسمع الا صياح غرير وماهو بداري من وين ويوم شبح فيني وانا منفلت توجيهات أشر لي بالمنديل قصدي أشر يعني إذلف اقلع من على راسي
ويوم فشلني فاروح يعني اني ما شفته واروح واستاجر اثنين هنود يجنون الطمام وجبت لهم الكراتين وكل شي تما م .
جا قبل المغرب ولين ذا الشرير مقبل على وانا اقول انه بيعطي لي اقل شي ضاين ( خروف صغير ) والا شي .
ويوم وصلني فغير اشبح فيني من فوق لتحت وانا ثيابي طخره من الخُلب وحالتي قظعا قال : هو ما تقول لي انت رجال والا ايش اصلك قلت صل على النبي ايش قد به . قال نعنابيني فيك يا الروا راعي الحراثه لعب في الجربه ولا قلهنت له شي والهنود لعبوا في الطماط ونتفوه والما من وراك يسقّي الشارع منفرض .
شبحت فيه وقلت يا رجال <==== متبسم وبنغمة دلع قلت انه يمزح.
بلاش كلك ولعب عيال آقولها لعمي هاقل ما زد رد علي الا رد للي ورا ظهره أثره داس البلى اللي خبط به الهندي اللـــّـــي وبعدها هات يا طرد وسط السواقي وخبط وما وصلت الددسن الا والدموع والرعام والخلب والحاله الله لا يبلانا .
عوّدت للبيت وانا انشج وزاد لقيتني العجوز قالت يا الله يا الواظنه اش بلا هدومك قلت فكي فيني واروح ارقد بغباري ورعامي .
وليلتها فكرت أنتحر وافتك وكان الوعد يوم الخميس الجاي علشان ما يفوتني تهريب الاسبوع الجاي كله وبعدها بانتحر وما علي قدني بانتحر .
الجزء الثاني الوصيه والعملية كامله .
وش حالكم وش حالكم جدا
جا ذاك اليوم من ايام المتوسطه الله لا يعلّها وبعد ما ظويت من المدرسة وتغديت وقعدت آلاعب ارجيلي وانا منبطح على الكتب وكبدي منقلبه منها ,أتصل عمي ( الشرير ) وقال وين خبلكم قالوا هوذاك يذاكر قال خلّوه يلحقني في القرا ( المزرعه ) وما بلى جاني اخي الصغير وعلّمنى وانفلت مثل الطلقه ماهوبحب لعمي الا ابغا أجفل من الكتب .
عز الله واركب الددسن وآحرّك وين انتي يا القرا شيني جيتش .
ها ما بلى وصلت ولين الغبره لاقيتني عادني ما بعد دخلت المزرعه زين. انا قلت ان قد به علم والا ان حدا العجاله ( جمع عجل ) انفلت وذلحين عمي يطرّده ودخل به في المراغه والا ان حدا الدروب طاح وقد ذا غباره اللي واصلني لي هنا
ويوم نزلت ولين لابه ثور منفلت ولا بيت بطايح بس ان فيه صوت جغير (بكسر الجيم )أثر عمي يهاد الهندي ويوم شفت ولين عمي لازم في يده اليسار (أشول ويا ويلك إذا رجمك ) لازم لــّــي ( هوز ) والهندي لازم حطبه من الحمظه اللي هو كان يقطع فيها على الماجل .
وخبط حمير ماهو بخبط اوادم وفي الهندي لجفه وفي عمي خبطه وثلاث منهم فيني انا يا الفرّاع ( وافرع خنيز من خنيز )
والكثير من الهندي الملعون لاني كنت الزمه لعمي يديّع فيه .
بعد ما انتهت المعركه وما عاد الا اني ألفلف الغتر والعقل والسراويل وطردت الهندي وقلع معا الهندي لاخر ولين عمي يتفلت : والله ما عاد يقعد فيها دقيقه وانا اقول في خاطري يا رجال لاعاد يجي لك قظعه هاثم تعنفص . كبّه منك بنقلعه بنسفره <=== يخيف ان قدني رجال وانا عادني ذيك لايام في ثاني متوسط كيف هم يركنون علي اسوق بامي ماني بداري .
المهم شلّيت الهندي ووديته عند واحد من اخوياه في بير سعيده اللي ما بينّا وبينها الا بير ال حمد . وسهيت ايش عمي دعاني له وهو سهي حتى هو اثره يبغاني امسك معه هنا هايش اكبر منيش ( باين من مسحبته - أثره -) الله فك فيني منه .
وظويت للبيت ورقدت ولا ذاكرت هاثم دبغوني من بكره وبعد الغدا نفس الموال ولاكن ذا المره غير أثر عمي يتصل ماهو يبغاني اعاونه على الهايش الا يبغاني اسقي بدل الهندي قلت ياعم ياعم بنبرة استعطاف قال عميت عيونك قدامي وخذ معك خصّين مدري اين الهندي ملعون الحروث نذح بخصينا .
تجبّرت بالله ونزلت وشغلت المكينه اسقي الكوسه واجي ولين هنا حراثه تشتغل وعليها واحد يمني قلت يا ولد خلني اسوي نفسي يعني اني رحت له والخصين قدهي بتفجيني وآصيّح له ذاك المكان واطي وذاك جاذي وانا حاط الخصين ومتراكي عليها يعني اني من ذولاك , أثره ما هو يسمع الا صياح غرير وماهو بداري من وين ويوم شبح فيني وانا منفلت توجيهات أشر لي بالمنديل قصدي أشر يعني إذلف اقلع من على راسي
ويوم فشلني فاروح يعني اني ما شفته واروح واستاجر اثنين هنود يجنون الطمام وجبت لهم الكراتين وكل شي تما م .
جا قبل المغرب ولين ذا الشرير مقبل على وانا اقول انه بيعطي لي اقل شي ضاين ( خروف صغير ) والا شي .
ويوم وصلني فغير اشبح فيني من فوق لتحت وانا ثيابي طخره من الخُلب وحالتي قظعا قال : هو ما تقول لي انت رجال والا ايش اصلك قلت صل على النبي ايش قد به . قال نعنابيني فيك يا الروا راعي الحراثه لعب في الجربه ولا قلهنت له شي والهنود لعبوا في الطماط ونتفوه والما من وراك يسقّي الشارع منفرض .
شبحت فيه وقلت يا رجال <==== متبسم وبنغمة دلع قلت انه يمزح.
بلاش كلك ولعب عيال آقولها لعمي هاقل ما زد رد علي الا رد للي ورا ظهره أثره داس البلى اللي خبط به الهندي اللـــّـــي وبعدها هات يا طرد وسط السواقي وخبط وما وصلت الددسن الا والدموع والرعام والخلب والحاله الله لا يبلانا .
عوّدت للبيت وانا انشج وزاد لقيتني العجوز قالت يا الله يا الواظنه اش بلا هدومك قلت فكي فيني واروح ارقد بغباري ورعامي .
وليلتها فكرت أنتحر وافتك وكان الوعد يوم الخميس الجاي علشان ما يفوتني تهريب الاسبوع الجاي كله وبعدها بانتحر وما علي قدني بانتحر .
الجزء الثاني الوصيه والعملية كامله .