اخر نص للشاعر مهدي آل حيدر ( اهداء لاهالي نجران عامة )

[shell]

بكل الحب هذا اخر نص كتبه شاعرنا المبدع ( مهدي بن حسين آل حيدر ) والذي يتواجد هذه الايام في الولايات المتحده الامريكيه لمواصلة تحصيله العلمي




ابدا بذكر الله العالي جميل الوصوف=اللي خلقنا جميــــع وماحــد(ن) يخلقـــــــه
ربٍ صدقنا وقال انه صدوق(ن) عطوف=وانه مع العـبد لو عـبده نـوى يصدقه
يالله طلبتك سحاب(ن) نوض برقه شعوف=شوفه يهيض الخواطر والسما تدفقه
منشاه في دار مكرم صادقين الحلوف=قوم(ن) تصون العــــهد بالطيب وتوثقــه
عساه من فوق سيدنا هطول(ن) ذروف=ومنين ماسار همال الحيا يغدقــــــه
المكرمي الكريم حسين عون الضعوف=ابو علي يامنار الحـق يامشرقــه
ابن سماعيل لاضاقت وجات الحتوف=شيخ المشايـخ وسيف محـمد ومنطقه
عسى ان من خان وده في حياته كسوف=اللي نوده ونعشق منهج(ن) يعشقه
عليه منا سلام(ن) وايـل(ن) والــوف=تنطق بها الروح قبل الصوت ماينطقه
ويالله طلبتك سحاب(ن) ماترده عطوف=متزبر(ن) في سماه وغيمته مبرقه
منشاه في ديرة الاشراف عظم الكتوف=سلايل العصـبه المحمـوده المطلقه
قوم(ن) لهم في الشدايد وقفة(ن) ماتروف=منها يعيف المعادي سيفـــــــه وبندقــــه
ويالله طلبتك سحاب(ن) في السما له رجوف=وياطول صبره وبراق الحيـا يصفقه
ينشي على دار ربعي ثابتين الوقوف=ويسقي القرى والبوادي منطقه منطقـــــــه
من وادي املح ومزنه مدلهم(ن) رعوف=للمجزعه لي نشور وراعـده يفهقه
واكتاف واتيس الى العطفين سيله زحوف=والفرع والبقـع من منشاه متورقه
ثم(ن) على زور ربعي وادعه له رزوف=الى الحضن دار عبس اهل الوفــا والـثـقـه
وبلاد من حلو الجربـــــــــه عليها يطوف=قبايل(ن) من نواهـم بالردى تزهقه
منازل رجال همدان الحــــــــدود الحتوف=حتف المعادي لما عيا وثار فشقـــــه
قبايل(ن) في نهار الهوش سيل(ن) جروف=وان جات لفزاع ياغبن الذي تمحقه
ثم(ن) على دار يام الحاشدي صلب نوف=عسى ان غيم(ن) كسى وجه السما تدلقه
من وادي العرض لحبونا وريحه تلوف=مر(ن) تسوقه شمــــال ومر(ن) تشرقه
دار(ن) على العز يرعاها عزاز الانوف=والحف ياسهــــد عينه لانـــوت تقلقـــه
وعساه في دار ابن هضبان مزن(ن) رضوف=ترزم رعوده وبراق الحيا يشعقـــــه
الشايب اللي محله عامر(ن) بالظيوف=ومجالسه من حديث الطيب مستنشقه
شيخ(ن) وثوق(ن) بنفسه لاغزى الوقت خوف=وياغبن رجال(ن) ماعنده بنفسه ثقه
من بعد ذا ياسلام الله سلام(ن) شغوف=عليك يامن عليه الروح متشوقه
ياشيخ قوم(ن) على روس النوايف تنوف=تمن خويها وتفــــرق من نوت تغرقــــه
شيخ(ن) طبيعته عن هزل المواقف عيوف=والعز ماحاد عن فعله ولا منطـقه
حسين ابن حيدر الحر الحكيم العروف=اللي علومـــــه على الطولات متوثقـــه
يامزبن الحر لاجارت عليه الظروف=واقبل وكن الزمـــان من السحى يدهقـــه
كفك سخي(ن) ولايلحق عطاك الحسوف=وفعلك على الطيب يتعب من بغا يسبقـه
سلام لك عد ماعين الخلايق تشوف=وسلام لك عد خـيل(ن) ثايره مطلقـــه
ياصفنا اللي هجدنا به جميع الصفوف=وياشمسنا اللي على وضح النقا مشرقه
انا اشهد انا لكم نشتاق شوق(ن) كلوف=ونعاف قلب(ن) لهيب الشوق مايحرقه
يقوله اللي على الغربه تحده ظروف=والحال كثر البطا عن داركم يخنــقه
ياشيخ ياحظ من عينه لعينك تشوف=وقبل الطيب من ماطــــــاه لي مفرقـــه
وصلاة ربـي عـدد منهـو لبيتـه يطـوف=علـى النبـي الـذي نغلـيـه ونصـدقـه

[سايق الخير]

صح لسان الشاعر
وكفيت ووفيت
والله لايهينك ايها الرائع.

[صالح بن سالم الحيدر]

الاخ/shell

اشكرك على هذه الرائعه للشاعر الغائب عن انظارنا ولكن لن يغيب من قلوبنا

او عقولنا ,فهو اخ وصديق وله منزله في قلبي وقلب كل محب للانقياء امثال (مهدي ال حيدر)...............طولت الغيبه يابوسعد .

الاخ/shell
ارجو ا مراجعة بريدك الخاص.



اخوك/صالح ال حيدر

[عبدالهادي الخليوي]

- الاخ / shell


- لاهنت على كتابة قصيدة الشاعر المبدع / مهدي ال حيدر



- ابوحسين شاعر كبير وجزل ولايكتب الا كل جزل



- هذي القصيدة من الفرايد النادره اللتي لايجيد كتابتها الا كل مبدع ومتمكن



- صح لسانك يابوحسين وتسلم يمينك


- والغربه طالت ولاسمعنا عنك شي والظاهر ان امريكا مافيها تلفونات;) ;) ;)

ترجع بالسلامه والعلوم الغانمه




- اخوك / عبدالهادي

[هادي ال زليق]

تسلم يمينك وماقصرت..

وصح لسانك ولسان ابوسعد..

القصيده فيها من الشوق مايقطع القلب..

ومهدي آل حيدر عندما ياتي تكون اطلالته الشموخ..

وهذا ماعهدناه منه.. والشموخ والاباء تتجسد في كل حرف من حروف هذه

الرائعه.. لازلت اقول ان مهدي آل حيدر من اعظم الشعراء في الخليج العربي

باكمله وان مهدي آل حيدر شاعر سبق جيله باجيال .. انه شاعر يقراء المستقبل

يعيش في حاظرنا مستوعبا ماضينا بادق تفاصيله..

اعزائي بعد قراءة هذه القصيده .. اذكركم فقط ..

ان هذه القصيده سيحفظها الكثير والكثير عن ظهر قلب..

ان هذه القصيده ستتردد على السنة اجيالنا لانها كتبت لهم ..

كتبت لهم في حاظرنا .. الم اقل ان مهدي يقراء المستقبل..

لك مني كل الحب والتقدير..

...........

[محمد عويضه]

الأخ / shell

ألف شكر على إتحافنا بهذه الرائعه للشاعر الأخ الغالي (( مهدي الحيدر )) ..

وصح لسان أبو سعد .. مبدع وهذا ليس بغريب على مهدي ..

أتمنى أن يعود للوطن سالم وغانم ..

لله درك يابوسعد ..

[البطران]

هذا هو الشاعر الانسان نعم انه مهدي ال حيدر الكيان الشامخ الذي يرقي باحساسه واخلاقه الى اعلي السحاب ويسكن اعلي الجبال نعم انهو الكاسر مهدي ال حيدر

الاخ/ shell

اشكرك من اعماق قلبي على كتابة هاذي الرائعه التي اعتبرها في نظري الشخصي معلقه ،، لانها احتوت على كل مالايخطر على بال فلو نتامل القصيده بيت بيت لوجدنا انه بدا القصيد بذكر الخالق ربي العالمين سبحانه وتعالي ثم اخذ في الابداع حتى وصل الى مقام الشيخ عالي المقام الفخم سيدنا حسين بن اسماعيل المكرمي اطال الله بقاه وحفظه ،،، ثم اخذ يذكر بلاد ربعه وائله من وادي املح حتى اخذها قريه قريه حتى وصل الى كل ديار نجران المعموره

وبعد ذالك قام بمدح الشيخ على بن هضبان شيخ الوعله يام ،، وهذا الشخص يستاهل اكثر من هذا لانه رجل شهم شرواكم ويستاهل المدح والمحبه

ثم اخذ الى ان وصل الى والده الشيخ حسين بن مهدي بن مسعود بن حيدر ،، وقد ذكره في عده ابيات وابوفهد اهل لذلك فهو رجل كريم وشيخ وعالي مقام ،، ثم استرسل الى ان تمنى ان يري جميع احبابه واصدقائه لما عاناه في بلاد الغرب ثم ختم القصيده بخير الانام ةخاتم الانبياء سيدنا محمد صلى الله عليه وسلم .


مهدي ال حيدر تاكد ان هاذي القصيده تعد من نوادر وفرايد الشعر كما قال الاخ الشاعر عبد الهادي الخليوي ،، قصيده جزززله المفردات ومحبوكة البيوت وقافيه صعبه لايجيدها الى شاعر متمكن كمهدي ال حيدر .

صح لسانك وتسلم يمناك ياابو سعد ونتمنى لك التوفيق في دراستك واله يرجعك الى الوطن بصحه وسلامه

اخوكم / البطران

[قايد الشريف]

ياتي مهدي حيدر كا المطر بعد غياب فيغسل مافي قلوبنا من عتب .. ياتي بشموخه وجومحه وصهيله ليقول للجميع انا مهدي حيدر شاعر اتيت من ديار لا تعترف الا بالمبدعين في زمن يشح بالشعر ..

يحظر فيلغي ابجديات اللامعقول لياخذنا الى عالم لايصسكنه الا مهدي بصفاءه ونقاءه وابداعه ..

الله عليك يامهدي والله على نجران التي انجبت فينا مثلك ..

لازلت اقول هذا هو مهدي حيدر شاعر اتى من غير هذا الزمان .. استوقف الماضي منذوا عهد الفرزدق وجرير واتى ليقول للجميع لقد جمعت فيني صفات الف فرزدق والف جرير وانا ابن رحم نجران الاتي لاتنجب الا المبدعين ..


مره اخرى صح لسانك مليون يابو حسين

عندما استمعت لهذه القصيده من مهدي نفسه شعرت بالسعاده وادركت ان نجران بلد لاتنجب الا المبدعين واننا لازلنا نتنفس مهدي حيدر بكل مايحتويه من ابداع

[هادى ال حيدر]

الاخ العزيز: اشكرك من كل قلبي (اذا حضر مهدي حضر الشعر) لقد سمعت هذه

القصيده قبل اسبوع,( قبل ان سمعها من مهدي قلت له غبت وغاب الشعر في نظري) فأسمعني هذه القصيده فقلت له ارجع فأنت مستقبل الشعر فضحك .

مهدي ال حيدر رغم ان شهادتي فيه مجروحه هو رمز الشعر ومستقبله.

[المسافر]

الشاعر مهدى ال حيدر بكل الحب والشوق والوهج والشعر والشعور المميز جدا يبعث لنا هذه الرائعه قصيده احتوت كل معانى الجمال والابداع قصيده مثل اطلالة شمس تخرج من وراء بحر بلمعة الشروق واحمرار الشوق وبشرى النور .
قصيده فاتنه مكتوبه بدم شاعرها لتفصح كل مافيه من شوق وحنين لوطنه.
اتمنى لك كل التوفيق يابو سعد واتمنى ان اراك فى اقرب فرصه
المسافر

[شووق]

سود الله وجه من قرأ أبياتك هذي ولاصوت لك يامهدي ...

صح لسانك والله لايحرمنا شوفتك رافع البيرق ...