انا والنامسه وبنات 1400 هـ

[قيض الشــــتاء]

مشاركه

البارح افكر في ذا الدنيا ... وقلبها اخماس في اسداس واحسب الدين اللي في ظهري :( ولين هنا نامسه تزن عند اذني وكلما طردتها عودت واطردها وتعود تزن المهم قفلت معي منها :mad: واصمخها بشمالي خلف (بضم الخاء )فلين ايدي خابطه ذعندكم النامسه على صابرها ولينها تدعر وتصيح يا نعنابيكم عااااااااااوه عوووووووووه رقبتي انكسرت افزعوا لي يا من يسمع الفزعه والله واطل فيها بنص عين ولين دموعها مثل البخر :eek: ولها نشيج مثل نشيج لا يا شيخ يوم ردغه حمد قينه :D (شماته) ولينها تصيح نفدا رجلك باموت والله رحمتها ذي البليه واقوم واجيب لها نقاله عندي ( بكت شخط ) واحطها فيها وارفعها من على القاع لا ياكلها الحمم هنا حمم مستغلث استغفر الله انه اللي كل جدتي الله يرحمها .. وامسك ذعندكم الهالكه ابغى اسويلها تنفس صناعي ويوم قربت ثمي منها فبصمت ...فاوقع ههههه.. بصمت ثمها وماحت براسها قلت اشفيش قالت عيب ذي الحركات ولا اش شايفني احسن لي اموت ولا يلحقني العيب . ولا انت شايفني من بنات جيل 1400 فما فوق.. جيل المدبلجات .... ثم غير اندلقت بي ذعندكم البليه ... وانت انت من الشباب حقين السفرات وبعدين ... اااااه ..... اوجعها جنبها .... شفيك فاق ثمك كنه مناخر جرفان ؟؟؟؟ ووووو..

قلت صه صه صلي على النبي بد تعافي ذا لاحين ثم قولي يا ملهوم وبعدين ترى ما ني اقرب ثمي منش من زين بظمش اللي كنه بظم سعيدان بلا ابا اسوي لش تنفس صناعي قالت صناعي ولال حركات مدبلجه ترى لا يغرك اني اجي اتعشى من عندكم وتحسب انحن فقران شي والله عندنا خير وعندنا دش بس هنا لي ثنين خوان واحد ملقينا النون وما تعلم العيون ما يخلينا غير نطل فيه من برا ملبسه كرتون ولا حن نصدق انه يروح كذا ولا كذا والاخر خافي ققققصدي طيب مخلينا براحتنا نتفرج معه بس اما الحركات حقت المدبلجه ما هم يخلونا نشوفها ماهم بزي بعض الناااسسسس ؟؟؟؟ ولينها تلوي ثمها شكلها تقصدني وانا ولعت ولعت صدق لعن الله ابو ابو ابوش وين قد شفتيني حاط الدش على المدبلجه وانا والله ما عندي غير غصب 1 وغصب2 (صدق)
يا بنت الكلب ( فحرتني قدني اخوش نامسه وابيها كلب )
قالت بزين بعمرك لا ينبص معوجك يا صبي هي جات على الدش بس فيه العن والعن؟
قلت ها سلمي .... وش به يا النامسه ( اسم على مسمى )
قالت به الكليه والسوق وابوريالين والحركات اللي ماهي تغرك ؟ قلت زي ايش ؟
قالت انت فيك حيل تشلني ؟؟ قلت اي بالله وين ... قالت الفيصليه بس لا تلمسني خلني في النقاله حقتي والله لا وريك العجب .... قلت والشيبه كيف القيله فيه . قالت ها جاوك المبزره دبر عمرك ياذا الغرير ؟؟ والله افتشلت قلت هيا هيا .... واشلها وانسرق مثل الدلما بين القصب ؟؟ ونركب السياره حقت الشيبه قدهو راقد وطول الطريق وانا اتدعا انه ما يقوم لاني عارف تواليها .. وجدي لي منه
والله ونخليها والجمعيه والمكتبات والين اللي داخل واللي خارج قلت ها وش به ( وحن في السياره مانزلنا ) قالت يعني مانت تشوف عبايات الكتف وش انت تسمي ذي ستر ولا ذي الكعابه اللي تبين نصف الساق ولا انت منت برجال تحس؟؟؟؟ افا ..
قلت بس الناس لابسينها وفي حالهم قالت لا يا حبيبي اللي تبا الستر تلبسها في بيتهم ولا في رحله مع هلها ولا طالعه مع زوجها ولا اما تجي تستعرض بجسمها في السوق والمستشفيات فتراه عيب عند النامس... يا سلاااااااااام ذي نامسه ولا انا مضيع ... بس وين اللي يستحون .... ولينها يوم طمرت فيني شف شف شف شف شف ...خذت عقلي .. بسم الله الرحمن الرحيم اش به ..... قالت ذي اللي جايه بعباه مخصره والكحل قدهو واصل البرقع من كثره ومن كبر الفتحه وبلا نقاب جعل ينقب في وجهها عزران ... فغير مت ضحك .... قالت ايبالله اضحك قومك الريحه اللي تهب من ثيابها ؟؟؟؟ قال ستر قال

قلت وش مزعلش وانتي نامسه ؟
قالت لا يا حبيبي انت تحسب ان النامس ما يتاثر ؟؟؟ رجاجيلنا ما عادهم الا في الاسواق ؟؟ وبناتنا قد بعضهم متاثر بنسوانكم ونذل على عذارانا من ذي الحركات وعلى مستقبلهم من قناة المستقبل واللي انت خابر ؟؟؟
قلت يا بنت الحلال وش يعني خلي السمك في الماء ؟
قالت ها سرح له ؟؟؟؟ الظاهر ان حتى انت عيونك زايغه وين انت تطل .... فزوا كاع طل فيني وانت تحاكيني ولا البظم ما يعجب .... هاهاهاهاها:D


قلت لا بسسسسسس .... قالت لك البساس اللي يبسك سر خل منك التطلطال في اللي مالك فيه قلت يا بنت الحلال الشوف لنا والشي لغيرنا :D
قالت ها ماني قد قلت لك ...... بس اني اكتب في ما واخبط في رماد .... امش امش ابرك لك ( والله ان ذا النامسه العن على من العجوز )

المهم مشيت قلت وين قالت ردني البيت انا مريضه من الخبط ولا كان زاد وديتك تشوف الباقي .... قلت الا سدنا ذا الليل قبل يقوم الشيبه ثم يتمسدل الوجه ... والله ونرجع للبيت .... واوقف السياره بعيد وانزل ادفها معا هنا طلعه لا يسمع الشيبه حسها ... وغير هبهبت هبي دبي هبي دبي طااااااخخخ في محواش الغنم :D ... والله ومكانها مازاد استجريت امسها واشل ذا البليه ابا ادخلها معي فعيت قالت باسري قلت ليل لا يلقاش لش دبور ثم يدبر بش .. قالت ما عليك مني قلت غير البسي لش عباه قالت اكيد والبسي هنا عباه وقفازات وتغطي وخرجي من عندي تعرج والله اخرج اتطلطل لها لا تطيح مسكينه ولا هي بداريه ولا بلا عبيت المغضوره والينها يوم نذحت بالعباه والغطوه والقفازات والين الجنز يوم بان ......
.
.
.؟
؟
؟
؟
؟
؟
؟
؟
؟
والين هنا دبور مجهول (ما امداني اخذ لوحته )بلا شافها وايتها يحلق وارقعها واقلع بها .... وليذالحين وهي مفقوده
وانااخليها وبيت اخي امسي عنده لي الله بيفك لي من دبغ الشيبه للصبح ... وليذالحين ما طب عيني النوم من الذل ومن كلام النامسه الله يغفر لها ويردها علي تعلمني بالباقي ..........
;) ;) :o

[لا يا شيخ]

هههههههههههههههههههههههههههههههههههههههههههههههههه
هه


هههههههههههههههههههههههههه

علي الحرام انك مانت بطبيعي انت وذالموضوع ....... هي حدا ثنتين يا انك متعشي حميسة والا انك شارب لبن منتهية مدتة .... وغير حزر لعمرك

قالت ها جاوك المبزره دبر عمرك ياذا الغرير .... ههههههههههههههههههه حرام ان الجملة ذي لحالها بموضوع


يا رجاجيل الديوانية ادهرت مع الاختبارات .... لكن لي حد ضوا له مادة والا مثلها لا يقول دحباش وجرفان اللي بنا

[سعيدان]

هههههههههههههههههههههههههههههههههههههههههههههههههه ههههههههههههههههههه اح اح < واحد شرغ من الضحك >هههههههههههههههههاي

ياروحي على الخيال
ياويلي على مناقشة القضايا الهامه باسلوب ساخر تهكمي < قدني الشامل >
اول شئ فانا اعتذر لدحباش راح يجيب ثلاجة الشاهي اللي انتوا خابرين وبياتي ذلحين
روعه روعه روعه منين لك ذا الفكره
ما حصلهنت الا النامسه لكن زين انها من نامسنا اما لكون قد راحت جده ولا الدمام ايش كن قالت

المهم الله لا يهينك بس تكفى اذا جاتك النامسه وعلمتك بالباقي فلا تخلينا

ههههههههههههههههههههه اما ذا المقطع لحاله
قالت بزين بعمرك لا ينبص معوجك يا صبي هي جات على الدش بس فيه العن والعن؟

[عاشق موت]

:o النوم داعرني ولا احتلت اخلص الموضوع الا وخشتي قدهي على الأف 6 المهم لي رجعه غدوه

[قيض الشــــتاء]

لا ياشيخ ارب ما قدك تمهد لك لماده ولا للثنتين شي من يصمها والرجال يغدي رجال

سعيدان حيا الله ذا البظم بس الرجال اللي انت خابر ما ريته لاهو ولا ثلاجة الشاهي حقته ... الظاهر انه ضيع الختم وراح يصب له واحد بداله

عاشق الموت شيني في رواك ولا بمتزحزح لا يمين ولا شمال لين تقوم يا نومان وبعدين وش رايك انت والشباب هي تستاهل تكون مشاركه ولا ندور لغيرها

[دحباش]

راجع للموضوع ... العزبه مخلصه ... ولابه شاهي :)

برب :)

[قيض الشــــتاء]

دحبااااااااااااااااش
انت من اين انت تاخذ اللفه ...... من العريسه ؟؟؟؟؟ قال بارجع قال ولا الرجاجيل شغطوك حقين النقطه اللى فالحصين ؟؟؟ والله ان شاهيك ما هو بمطمني عليك ... البق لعمرك لا تزلق

[دحباش]

هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه

اما اخيها الهابي انسدحت عليه من الضحك واحب اقوله في المناسبه ذي اما والله عطبت .. وربي انهم كاثرين ياقيض الشتاء بين رعامه ... وصحت والله على الموضوع اللي اشوف انه من احسن مواضيع الديوانيه . وبغيت ارز الختم .. لاكن زر الفاره اليمين خارب . بس لي معه رجعه لما رجعت من السفر اخرج الختم من التجاري حق جرفان :)

نسخه الى كل اب و كل اخ .
نسخه الى كلية البنات و كل بنت .
نسخه الى كل عجوز تحسب ان بنتها ملاك
نسخه الى المميزه بس بعد مايخدر الموضوع في الديوانيه :)


تحياتي لك :)

[عاشق موت]

ههههههههه
هههههههههه
هههههههههه
ههههههههههههههههههههههههههههههههه كحكح
ياولد علي الحرام انك ((مصفي)) اما نامسه رايحه معك ههههههههه
يا ولد شكلك ماخذ كورس عند ناس من هل ال *** ههههه قدني داري انهم بيحذفونها فما كتبتها فحر لجرفان ودحباش ان قدهو يجيهم خرام على الطمار في عطوف المواضيع ههههههههه منكلسين:D :p
وشالها في بكت شخط معادذي بنامسه قدهي بقره هههههههههه

وقالتلك النامسه ها سرحله هههههههه مدها انها ما تخلي سمره تمغط ظهرها شكله تقسقس عندكلا وشكلها تروح حادر جدا هههههههه


وتعرج وهي رقبتها مكسوره ههههههههه العن من دحباش اما جا في يده جرح شفهنته يعرج ويصر عينه هههههههههه


هههههههههههههه وآخر لابسه جنز ولا ريهنته يالخفى ليلك كله وانت تدوجبها في الأسواق ياله مدراني ان الناس يطلون فيك بأحتقار يقولون شف ذا المخوض الي جايب نامسته وهي لا بسه جنز هههههههههه


وبعدين عرفت اللي شلها حصلته في الوادي معها وقفتطهم وأحز من طلع حصلته جرفان متنكر في ثوب دبري يعني دبوووووور ههههه

يعطيك العافيه على الموضوع الحلو اللي كله ضحك بحكم هذي المواضيع اللي تشرب عليها الجامد ههههههه تجمد على الشارب
بااااااااااااااااااااي :D :D اخوك عــــــ الموت ـــــــــــاشق :D :D:D

[حواء]

قيض الشتاء

تسلم يمينك لكن من متى وللشتاء قيض


ومن اللى بيقدر عليكم يا هل الديوانية لي قد

اسمكم تجمعتوا علينا السلام

[قيض الشــــتاء]

عاشق الموت شوي نفداك الليديز فيرست

الاخت حواء شكرا على الرد ..... والظاهر انش من سكان العماير لان لو عنكم صوح ( حوش مفتوح ) وجربتي شمس الشتا لما قعتي تحتها في الشتا للقايله احرقتش ون رحتي لظلال العريش برتي وكان الله يعينش مثلنا

الحين جاء دور عاشق الموت :-
يا خوي الظاهر انك ذال الموضوع يدخل المسابقه وقاعد تكسر فيه لكن شيني لدلخ كتبت قدام الموضوع مشاركه داخل الموضوع ولا كتبتها قدام اسم الموضوع .. والمشرفين ما فهموا ولا لمتهم ....
اما جــــرفان فقد هو جاري له عرضه معي ...... متنكر بدبور وخاطف سيرتي والله ان فيها رقاب .... لا ونيتك انه يرد ولا يعلق على اي موضوع اكتبه من يوم نزلت موضوع > بوفيه مفتوح .. طنقره ..< الرجال الظاهر والله اعلم انه مدخول

مشكور ياديث لوفر على التفاعل ..... لا حد يقرح تيشه ... والله الله في المذاكره للغران

[جرفان]

ههههههههههههههههههههههه
هههههههههههههههههههههههه

قسم بالله انه موضوع اسطوووووووووووووره :)

على طاري الحمم .. كان فيه جحر حمم في حوش بيتنا .. و كان معي لي حمر ماخذه من عمارة عمي عادهي تبنى .. و احرق اللي و اخليه يوطل (اتحداكم تعرفون ذا الكمه) في جحر الحمم و مبسوط يوم انا جاعل فيها شي .. لكن جاني ذنبها .. انكسرت رجلي و قعدت في البيت اسبوع ماني اتحرك .. و عاد رجلي لي ذلحين توجعني لما مشيت كثير :D

انا اشكرك يا قيض الشتا على ذا الموضوع الكوميدي اللي يناقش قضية اجتماعيه هاااامه في نفس الوقت .. و انا احب النوعيه من ذا المواضيع يا ابن ابي

http://sayyer.8m.com/khatem.gif

فمان الله :)

[KLM]

والله انك مبدع ومؤلف كبير وعادحن نبى من زياده .................................................. ......................والله يرد لك النامسه سالمه عشاني عرفت انها ملهمتك من آخر القصة حقتك


والله يقويك

[قيض الشــــتاء]

الأخ جرفان ... توني اقول انك خاور على لكن ما خليهنتني ارضيك ما عطيهنتني فرصه اني اتدحلب لك ( مشرف ) .... مشكور على الكلام الجميل لكن سالك بالله انت اللي متنكر وخاطف النامسه ....؟؟؟ تبا تالي القصه رجع النامسه

الأخ KLM مشكور على الاطراء وبالنسبه لتالي القصه فموجود بس خلوا المغتصب جرفان يرد النامسه سالمه لهلها .... وانا اشوف انحن نعطي باقي الشباب الفرصه للمشاركه ولا المشاركات والمواضيع الهادفه والمسليه موجوده وابشروا بالخير ..... انتوا لا تبخلون بالتعليق والردود بس

[دحباش]

قيض الشتاء .. الموضوع مشارك في المسابقه .. وراجع موضوع المسابقه اللي مرتز فوق وتعرف .

[قيض الشــــتاء]

اقول لك انك عسسسسسسلللللللل وان امك جابت مشرف ( برويز ) بس لو انك قبل شوي عشان الغران مساكين

[KLM]

والا ود معك شيخ واطلبوا جرفان عشان يرد النامسة


وبعدين ماني بداري كيف جات معي يوم كتبت لك (شيخ الشتاء) آسف وبأصححها قيض الشتاء بس اسمح لي اعطيك لقب

(( المؤلف الدافي ))

واللي ودك بس لا تزعل ان ماعجبك انساه

[قيض الشــــتاء]

الله يعطيك العافيه على اللقب الجديد .... وشي ما يهمني والله الاسم مثل المضمون حتى لو اسمي مفلق حطب ....... شف ذا الاسم انه احسن من قيض الشتاء.... مفلق حطب

بالنسبه للنامسه ابشرك بالعقلان لكن من يزورها

[KLM]

سر للامام وحن وراك بس اتمنى ان حن نشوف ابداع اكبر
والله يعطيك الصحه ومشكور

[قيض الشــــتاء]

ذكرهنتني بعبـســـــــــــي وهو يقول ــ انطلق يا نامق بهذه الاله يجب ان نقضي على الاشرار وعلى علام ونعيد لينا ........ مسكين ياعدنان ؟؟؟؟؟؟
اين انت الان ........

شكر موصول لك على الثقه في شخصي واتمنى اقرا لك مواضيع جميله ومتنوعه وترى الساله اصرار ومحاوله ....... جرب حظك

[KLM]

ما عندي موهبه الكتابه مثلكم مع الاسف بس انا صوتي حلو اعرف اغني لكون عندكم سماعت وكيمرات عشان تشوفون وجهي اووووووووووه
ما عادني بقايل بس عشان اعطيكم شوي من ملامحي اقرب شئ
انتوا تعرفون دعاية كرست معجون الاسنان البنت اللي فيها كليمانس اشقر فيها مني واجد


هاسمع ابي منه الخبر ويقول لله لله
لفى المرسول وما عين محله


وش رايك في الصوت

[قيض الشــــتاء]

يا خوي اما اذا شكلك مثل ما انت تقول وصوتك مثل ما سمعت فلا والله يخسى رامي عياش ...... وش يجي عندك بس عندي سؤال
ايش معنى KLM

[البتره]

يا حيف عليك يا قيض الشتاء ياحيف على هيك رجال يا حيف

ولك ما بتعرف شو معنى KLM

له له له له له يا زلمه ، هاظ الحكي أبيصرش أبيصرش أبيصرش

و ين عايش حضرتك :D :D :D :D :D ( مشاركة من عمّان )

KLM يعني ( الخطوط الجوية الملكية الهولندية )

كاع أسألني مرة ثانية :mad:

[الشيماء]

الله يسعد ايامك على هالطريقه الممتعه في سردك للقصه
اسلوبك رائع وجميل ويحمل عبق روحك اللطيفه

رغم بعض التحفظ على مضمون القصه

وبعدين ايش بينك وبين ذا النامسه
اشوي بف باف ورتاح من هالعلوم كله:) ;)

[قيض الشــــتاء]

بتره يا بتره يا مفقل يعني جبهنت الديب من ودنو ....... الخطوط حته وحده

برق اشكرك على الاطراء اللي مثل البرق وبالنسبه للمعاني فكلا يفقل على كيفه بس المهم عندي راي صاحب الاسم وش هو

شيماء : لا حد يتحفظ ثم ما ينجح فيجي لجح بالعردوم وسيل الدم الى الركب
اشكرش على ( عبق روحك اللطيفه ) من يوم قريتها وانا ما بلا عبق روحك اللطيفه عبق روحك اللطيفه ..... عبق روحك اللطيفه عبق روحك اللطيفه ..... روعه ذي الجمله

النامسه صعب قتلها لانها رمز مثل الرمز ماجد عبدالله اللي ما حد عبره ولا حتى فش فيه فشة طيب ابو طير ولا فتور .......

[الشيماء]

الظاهر تحسب انك مدخنه قاعد تدور وعبق روحك اللطيفه عبق روحك اللطيفه




حبينا نشجعك فزو في كرشك!!!!!!!!!!!!!!!:mad:

[الامل]

صبحك الله بالخير وماجور
الموضوع اجمل من ان يكون رائع وخيال مابه مثله
لكن علمني ايش حن يابنات ال 1400 مسوين بكم بقعا تشلكم وماهو بكل
العرب سواء واللى زاد وغطى بنات الكليه لاحول وش حن مسوين في ذي الكليه غير المسراح والمضوى قد هم لعنين اشكالنا فيها الاداريات خاصه .. والا بس
لاتقراه تفصلني
العموم الف شكر والف تحيه على الطرح
بس امدحونا شوي بقعا تشلكم مامعكم الا حن طرتوا والا وقعتوا :D :D :) :(

[قيض الشــــتاء]

الاخوه الاعزاء والاخوات المبجلات ( الرجاجيل اول ) ..... وادي افق الشامل ( مطول اسمك) , امل , شيماء
ماني بلاهي لكم ذا الحين لكن معود معود
امل : تبين صدق تعرفين ولا بلا حركات ....... لكن العون يجيش راجع لش بعدين ..... الا وش عندش على الكتابه قبل الفطور يالله صباح خير يالله

[الامل]

مساء الخير وارحب تسلم لي على الرد اخوي
لا والله انا ابغى جد اعرف ايش حن مسوين بكم نعانسيكم
ناشبين في حلوقنا اما الفطور نفداه قد قمت وصلحت لنا مرضوفه
وافطرنا انا والعجوز
مع اجمل واطيب مساء

[سعيدان]

ما فيه حد هنا :o

فرصه:D

ممكن مشاركه يا شباب
---تفضل

شكرا
---- وين الملح يا شباب:D

اسمع انت يا الكويتي يا اللي اسمك اطول اطول منيش
ترا المدعو قيض الشتا لا يهش ولا ينش
ولا يخوف الا العيال الصغار اللي يعيون ما يرقدون بدري
انت توحي
ومن اللي قالك ان هل الديوانيه يخافون منه
انا ما اخاف هه
واتحداه يطلع لي برا

[قيض الشــــتاء]

الأخت شيماء حي والله ذا العين ..... كلمة فزوا ....ذي تسوى لها سطل خثيل يصب فوق راسش

وادي افق الشامل ...... كان عندناعجوز كبيره تدرس محو اميه وفي يوم كتبت لها المدرسه اسم فهد في راس الصفحه خمس مرات وقالت لتها اذا رحتي البيت اكتبي تحت كل واحد منها نفس الاسم سبع مرات ... تعودهم على الكتابه خبش..
المهم العجوز ضوت البيت وانبطحت على بطنها وقامت تلاعب سيقانها تحسب انها بنت كليه ؟؟؟؟؟ ويد تحت صابرها ويد تكتبها فهد فهد فهد ...الخ ويوم لغبت فارجمي بالدفتر وصيحي نعنبوك يا فهد ما طول اسمك !!!!!!!
هانت والله ان اسمك نشبه طووووووووووييييييييييييييل ... سو له رجيم

الأمل
بنات الكليه وما ادراش وش يسوون بنات الكليه ....... اذا كنتي طالبه فعلا فما هو يغرش واذا منتي بطالبه وتبين تعرفين فلا تستعجلين على رزقش خلصي الثانوي وبعدين يصير خير .... اما اذا كنتي تبين الزبده فبرسل لش رساله خاصه ( ترقيم هههههاا ) ..الهدف تنبيه بعض البنات من بعض الفاسدات ... والله يحز في الخاطر ان الواحد يقرا في جريدة الرياض مقال لدكتور كبير يحذر فيه من انتشار الشذوذ بين طالبات الجامعات والمعلمات المغتربات بالمملكه بشكل عام ... انشاء الله ان عاد في بناتنا خير وانهم غير داخلين في اطار الدراسه المذكوره .... لذا يجب اغلاق الباب امام الانحلال اللي شرفنا بجد مع اول مسلسل مدبلج....... تخيلي بنت ثانوي رايحه تاخذ شهادتها وهي لابسه قبعه وبنطلون سترتش (ما عادها بمدارس )في عز الحر والسبب تريزا جونزاليس ؟؟؟؟؟؟

سعيدان
انت منت تلغب كل يوم.. كل يوم .. وانت زي السكر .... ؟؟؟؟؟ ها طخطخ

[يـاميّـــــــه]

ههههههههههههههههههههههههههه


اعدااام الموضوووع

مت من الضحك :D ..

بس فيه شي مهم لازم اقوله.....(انما الاعمال بالنياااااااات)

الهى خلقت الجمال لنا فتنه
وقلت لنا ياعبادى اتقون
وانت جميل تحب الجمال
فكيف عبادك لا يعشقون
الهى ليس للعشاق ذنب
ولا اهل الصبابه مجرمون
اتخلق كل ذي وجه جميل
به تسبي عقول الناظرين
وتامرنا بغض الطرف عنه
كأنك ماخلقت لنا عيون؟...


:rolleyes: :rolleyes: :rolleyes:

[الامل]

ش قول حياك اخوي وحيا علمك
اخوي انا فعلا طالبه وعاد فينا خير نفداك لانكم هلنا
وربعنا وحن تربية بيئه اتوقع لو الصخر بيلين قيمنا وعادتنا
وشرفنا اهم مايربط الوحده بشي يقال له نجران
والدكتور ذا البليه راعي الدراسه ماهو بلنا لذولاك
الف شكر اخوي
واطيب الاماني بالتوفيق والاستمرار
صدقني ان انتمائي لديرتي احسه يزيد يوم بعد يوم
من يوم دخلت المنتدى
اجل وارق واطيب الاماني لجميع الاعضاء
وفائق احترامي
الامــــــــــــــــــــــــــــــــــــــــــــــ ــــــــل

[دحباش]

خلاص لاتخربون الموضوع وتقبلونه شات ؛؛ واللي يقلب اي موضوع شات بينشات ... اقصد رده بينشات :)

[يـاميّـــــــه]

تقبلونه=تقلبونه :cool:

[محمد بن مدران اليامي]

موضووووووووووووووووووووووووووووووووووووووووووووووو ع جدا

رائع ويلامس واقع مرئى هذه الايام لله درك ........ لله درك

ماشاء الله عليك تجيد الكتابه ........باسلوب ممتع ومضحك بنفس الوقت .........


تقبل تحياتى وعذرا لتأخرى لتأخرى بالرد فأنا قليل المتابعه ............


تقبل كل حبى وتقديرى

........................................

الاخت ياميه ...هذه القصيدة التى ذكرتى تفوح منها رائحة التشجيع على ماتم ذكره من كاتبنا .................

شكرا لكم جميعا

اخوكم محمد بن مدران

[يـاميّـــــــه]

مساك اللله بالخير يا محمد...

ياخوي والله ما قصدت الي انت فاهمه ..

قيض الشتاء كتب موضوع مهم ...

والي انا اشوفه هو..

ان الله خلق لنا الجمال ووضح لنا طريق الخير وطريق الشر والفساد ،

وكل واحد هداه الله العقل يعرف وش الصح وش الغلط ،

سواء ذكور ولا اناث ، وانه ظلم ان الحكم بالفساد وسوء التربية

يكون على البنات لوحدهم ، الرجال والنساء حسابهم واحد عند الله

يعني الله ماراح يفرق يوم القيامة ويعاقب النساء دون الرجال ..

يعني الزبدة الرجال والحريم مشتركين في الغلط ...

حبيت اوضح لك وجهت نظري عشان ما يصير فيه لبس بالموضوع...

تحياتي لك ..

[دحباش]

قيض الشتاء : من اللي محوب لك
<=== دلخ مافهمها :D

من انت بداري اين انا واللا ماقلهنت اني محوب لك :)

[قيض الشــــتاء]

محمد مداران .... والله ان كثر اطرائك يخجلني ...... اشكرك على التفاعل والتواصل الرائع بروعة محمد مدران

دحباش
وين بتكون يعني ؟؟؟؟ في مراطه والافي اورانوس ...... بالله اذا شفهنت سبشل دلفري جونز فسلم لي عليه وقله ان الشيبه غرق التلفزون دفال من بغضه له ومن حبه لسميره توفيق ....... يالله مبغض العجوز لها

ياميه
ما فهمت شي سمعي ضعيف

[يـاميّـــــــه]

--------

[قيض الشــــتاء]

---------

[يـاميّـــــــه]

--------

[قيض الشــــتاء]

----------

[KLM]

حبيت امسي على جميع الاعضاء بالخير واسلم عليكم فردا فردا
وأشكر الجميع بلى استثناء على هذي الروايات الجميله ودمتم

[قيض الشــــتاء]

اخي KLM هلا والله فيك ومرحبا واعذرني على تاخري في الرد عليك

[دحباش]

الموضوع @ المميزه

:)

[يـاميّـــــــه]

يستاهل:cool:

[قيض الشــــتاء]

الغريبه ان الجميع اختفى

الثلاثه

قيض..... مسوي فيها شاعر وهو من جنبها


دحباش.... نسى العربيه ولا عاد شفناه بعد ما قال لو تدري ويني (مقهور وينك)


ياميه..... من بعد ما نزل عاشق الموت موضوع العرسه فضفض عن نفسك واتكلم

وهي عندها حاله .... الله علم اش هي



دعوه للجميع للعوده عاشق الموت موجود......