عهدي بها قدّام تلبس عبايه

[كريم سبلى]

عهدي بها قدّام تلبس عبايه
وأنا بعد قبل البس شماغ وعقال

طفلين نتهجّى حروف البدايه
الله يا أجمل سواليف الاطفال

كانت لنا في كل شارع حكاية
وكنا نقول علوم ما هيب تنقال !

وكنت اتقاسم ما معاها معايه
من ( عسكريم ) التوت ، للعلك ابو ريال

وكانت بعكسي شاطرة في القرايه
تقرأ جزء عمّ وطه والانفال

وأنا لك الله من مواري غبايه
مدري ابو نقطه هو الذال او الدال

وكانت لابويه تشتكي من شقايه
وتعلمه كيف اربط الباب بحبال

ياما على ظهري كسر من عصايه
يقول لي : خلك وأنا ابوك رجّال

وامي تقول : ادع لولدك الهدايه
خوفي تصيبة كثرة الضرب بهبال

لا شفتها مع اول الدرب جايه
مدري أنا ملت والا الوطا مال

احسّ قلبي يرتجف في حشايه
ما كنه الا الضيف لا هز ّ فنجال

ياما عن ( السّعلي ) تخبت ورايه
لاخوفوها فيه ثم شافت ظلال

تقول : خلك يا علي معايه
واسّتأنس العب عندها دور الابطال

وأغار حتى من عيون اصدقايه
لا طالعوها قلت تكفون ياعيال !!




للشعر....:confused:

[عبث]

مرحبا كريم إيجابي جداااااااااااااااااااااااا

صراحه قصيده رهيبهههههههه صح اللسانك أوصح اللثانك واحد تأثر بالقصيدة

الله يعطيك العافيه تذكرت أيام الطفوله الجميله ومافيها من ذكريات وبرائه

وشقاوه .

بيت أعجبني

طفلين نتهجى حروف البدايه؟؟؟؟ الله يا أجمل سواليف الأطفال

عبثثثثثثثثثثثث:D :D :D

[عبدالهادي الخليوي]

- تقـول : خلـك يـا عـلـي iiمعـايـه
00000000000واسّتأنس العـب عندهـا دور الابطـال



-





- وتلعب عندنا دور المبدع ياكريم سبلى او يا(((علي))



- صح لسانك وتسلم يمينك



- قصيدة جميلة تصور الواقع بابعاده البسيطة الجميلة في عهد راح واصبح ذكرى




- ان شاء الله القصيدة الثانية بيكتمل باقي الاسم ؟؟؟؟؟!!!!!!!!!!!!!



- تقبل تحياتي






- اخوك / عبدالهادي

[كبيشان]

اشكرك ونتظر منك المزيد