رسائل الى الحكام

[علي الناصر]

لسلام عليكم ورحمة الله وبركاته


رسائل ونصدرها الى المسؤول والحاكم وكل من سلّمه الله امورنا وجعل مصيرنا في أيديهم ..

أحبتي جميعا هنا نفتح الصفحات للجميع بدون استثناء لتوجيه رسائلهم
الى المعنيين بالأمر ..

لانريد ردودا ولا تعقيبا ...ضع رسالتك فقط ووجهها الى من تريد بعنوان
او غير عنوان .. مباشر أو غير مباشر واكتب بلسانك وحال الجميع

ليس المطلوب أن تكون رسالتك بلاغية ولامتكلفة ..فقط البساطة والصدق والوضوح هي الاشياء المطلوبة . وكما هي عناقيد الأدب ستكون هي خلفية الموضوع فاجعلوا منها روح الموضوع بكل ذوق وأدب

.
.

ملاحظه سيتم حذف اي رد لايحمل مشاركه في صلب الموضوع


.
.

مع التحية والشكر للجميع

[علي الناصر]

الى وزير الصحة في بلادي.
.
.
سعادة معاليكم ...تحية

واحترامي للمقام ثم السلام

ويجعل صباح الشعب ..صحه ... ونعمه .. وقولة (( صحتك والله تمام ))

واما بعد :...

ماقول في الكادر خطا ... لكن ترى

ودك تشوف ... قد ايش يذبح هالبطى !!

رح للطواري ... وانتظر

حتى يجي دورك ...وجاوب أسئله ...ثم انتظر

لا ماتدش الا وعبيت الورق ... مو مشكله ... فيك الألم بس انتظر

هو ماتشوف ..ذاك المريض ..رغم الألم صابر . ...مسكين والله يحتضر !!

على كذا انت انتظر
.
.

انزين جا دورك ...

تفضل واستقر ..

وانت وحظك مع الدكتور ....

ماهم سوى !!

يمكن يكون نعسان .... طفشان ..... او يبي يطلع شوي ...خرمان.اي ماعليه ....ويحق له ...مو دكتور ...على كذا أنت انتظر

وتدري وش احسن شي !!

في وصفتك ماتنتظر ... هي جاهزه ...

إلحق على شباك الصيدليه بس انتظر !!

تلقى دوا ...ماتلقاه ...

الذنب ذنبك ...ليه تمرض ..خذ اللي الله قاسمه ...لاتنتظر

[علي الناصر]

الى وزير النقل والمواصلات في بلادي


سعادة معاليكم ..التحيه

واحترامي للمقام..ثم السلام

.
.

بداية قبل الكلام

http://www.alwatan.com.sa/news/images/newsimages/2703/2302.nat.p9.n922.jpg
8
8
8

مو ياحرام !!

.
.

اي طال عمرك قولها..واكتب معي

(( والله حرام ))

.
.

الصورة اللي فوق ..حادث أليم

تدري لما !!

سالت دما

في عقبة ضلع...

لأن الحما ... وذاك السياج ... كانت دُما

وغيره كثير

في ذمتي كانت كثير ... وتبقى كثير ...وعفوا من مقامك يالوزير

لكن خطير ..

أغلب طرقنا يالوزير

فيها خلل ... وين الخلل !!

أما من السائق ... ولا من العائق

ولا من التنفيذَََ!!!

وتدري يالوزير

حن نمتلك ..اكبر طرق ... أجمل طرق

لكن تفتقر للشيء الكثير

يمكن كلامي غير واضح

وعفوا من مقامك يالوزير

بس اطلبك مره تسير

بذيك الطرق ...لجل توقف على الواقع

وتدري وش يصير !!!

[علي الناصر]

الى أمين امانة منطقة نجران

احترامي للمقام..ثم السلام

أما بعد:

الدائرة هذي وتد

هي لب شريان البلد

هي كلمته ..هي بسمته ... هي منظره حاضر وغد

حلو الكلام !! هذا أكيد

وممكن تقول ..انزين وش عندك جديد

واقول ...طال عمرك لا أبد

مابه جديد !!!

الوضع نفسه والأكيد ... الا المفيد

الحال نفسه ياسعد

من وين جا اسم السعد !!

اصلا سعد ..ولا حمد ...ولاسعيد

هي ماتهم ..ولاتنقّص أو تزيد

واللي يهم ..الأرض ..والواقع ...وتجديد التليد

ومن وين أبدا أو أعيد !!

من مباني .. او حدائق ... او مطاعم انتفاخ

او من شوارع بائسه ..يعني كذا تمشي ..تلاقي ..طب طاخ

تدري اماكن واجده ... كم تشتكي !! وكم تردد للصراخ !!

والله سياحيه ... ولكن مهمله ..عزّاه ياحلو المناخ