الرجله والسوال

[الشقاوي]

شيبانا الله يعطيهم العافيه الله شادها عليهم بالرجله وماخذين قلوبنا من عادحن غران بالنزر والخصم والنقم خاصه في العزايم لين خلو الواحد منا لما درا ان عندهم عزومه ولين كن الدنيا على راسه مماهو خابر انه بيجيه من خصم ونقم
المهم ان ذولاعندكم الشيبان ما بلى قالك قالك هو ويا اللي من شاكلتهم وحش في خلاق الله وقهوه وشاهي وعاد بعضهم ماهو يكرم من القهوه مثل الرجاجيل بعد فنجالين والا ثلاثه ما بلا الماريه الغفله لما ريهنت ان ماعاد الا هو فدجه ورح وويلك لين درا الشيبه ربي صابك
المهم ان الشيبان خذو قلوبنا ومسحو شخصيتنا لى درجة انك ما تستجري تتحدث بقوه في مجالس الرجاجيل لي ذا الحين ما بلى اتوتوت مع اللي جنبك واذا الله بلاك وبغيهنت تقول شي ضروري تحشطهنت عمرك ساعه وتحاكيهنت ولين ما يسمعك الا الغران اللي في طرف المجلس وقعدهنت معهم


المهم هذي ما بلا مقدمه وهاكم القصه

حدثني واحد من اخوياي بقصته علي ذا الموضوع قال يوم جا ذاك اليوم فدعاني الشيبه وقال ياولدي اش بلاك ما انت تجي لعزايم الربع انت داري ان قدك شيبه يالخبش ايشنت ياذا البلا ما بلا قاعد مع الغران والا مع خواتك ياثالث خواتك ويش بلاك فاضحني بين الرجاجيل من شافك قال انك ماتعرف خير اش بلاك ما تلبس غترتك انت داري ان قدك جدي كاع البس غترتك وكب من الدعار بين الغران ادرم اي بعدي الرجال وعادني غدوه باعلمك السواقه واخليك كاع تجيب ضحى الغنم وعشاها
نفخ راسي الشيبه وتيشني وما بعد صدها بالفرحه بالسواقه ويوم جا من غدوه ولين علم عدوك عندنا ضيفه
عزالله حطيت حكا الشيبه في اذنن وعيه واروح واخذ غترتي شماغ العقل قدلها معي خمس سنين (هتله)
عز الله واعصب راسي لين بغت عيوني اتناقز من العصبه والتيشه وادخل لذاعندك المجلس ولين اسعد السعود ما بعدبه الا شيبان من ربعنا ولاهم بشوي بس وجه تعرفه ولا وجهه تنكره المهم حشطت عمري وادخل باعلى صوتي (تخيلو غرير تيوش وذال ويبغى يسلم)باعلى صوتي سـلام عليـــــــكم
والله وستو ياهل المجلس وردو السلام واتلى ما علمي بعمري يوم سلمت
رحت واجلس في الجبهه مع الشيبان على المدكى (حظي ابي ماهوب موجود والا كان دعس بطني وظهري لين ازبد )المهم رقبوني اقول لهم شي سوال علم خبر ولين ما هناك الا السلام قالو في خطرهم مابلا غرير انمتنيبز وكملو حشهم في خلاق الله
ولينني يوم عودت للرجله ثم غير اتركز على ركبي ابا اقولكم ماجورين باعلي صوتي قلت سلام عليكم (مره ثانيه بنفس القوه )
قال اهنا شيبه معي على المدكى اها(كلمه بخمل بس ما عرفت اكتبها الا كذا من يسكر ثمه ويقراها وهو بيدري ويشهي)
فاذا بي انا ارد عليه واقول له اسمع انا بطن ؟؟؟؟؟؟؟
واخرج من المجلس وقدهي ياها من التيشه والتنيباز حول خمس سنين ما دخلت ضيفه


ولكم مني التحيه وماجووووووووووووووورين