الزير
05-07-2002, 02:05 AM
ياوجودي كل ما هب نسناس الشمال =وجد من حده زمانه على اللي مايبيه
وياوجودي كل ما أضحيت ثم مال الظلال=لاغفت عيني ولا ذقت شي مشتهيه
وجد من قفى وهو في رجاء كلمة تعال=وألتفت من بعد مأقفى ولا أحد لد فيه
وياعذابي لا دنى الليل من روس الجبال=وانتهى يوم من العمر ماعاد أرتجيه
وأنتي يا أبعد من سماء الحلم وصالك محال=يابعد من هل دمعي ضحى الفرقى عليه
يا غناتي لاتحسبين دمعي يوم سال= ضعف ولا خوف لا كذا ولا كذيه
والله أني من رجال يضدون الرجال=لاكن الحظ الردي ساق دمعي كل أبيه
والله أني كل مادار حوليك الجدال=قمت كن الموت يشر على قبري بيديه
والله أن قد لي أصد لاجاء لك مجال=صدة اللي لاتضايق تذكر قبر أخيه
ومن سألني قلت مدري وإذا عاد السؤال=قلت له تكفى سؤالك ترى ماهو وجيه
وايش تبيني أقول عن من ترى ذبحي حلال=والخطأ منها علي صرت أحبه وأهتويه
عذرها لو ماتعذر مثل وأضرب مثال = واحد مايعرف الحر الأشقر يشتويه
وإن رجعنا للتواصيف لله الكمال =لانتهى ليل المزايين جاتك تبتديه
كنها غفل مع البدو طاويه الحيال=مايميز وصفها إلا نبيه من نبيه
واهني اللي وصلها وذاق من الزلال=رشفة مع غفلة الناس من فيها لفيه
واعزتي للي سواتي عشق مالا يطال=ويوم طاله ضيع الحلم بين أمه وأبيه
يا أول أحلام الطفوله على حد الخيال = الرجاء باللي حمل بيت من حملة بريه
حال دونك بسيف عنتر تاسع حول حال=بثر حولِ حال دونك وأنا أدعي هيه هيه
هيه ياللي غرك الحسن وأطغاك الجمال = والله أن أموت ماشفت لأوصافك شبيه
لو يسام الحسن والتيه بجنيه وريال =مابقى في سوق غيرك ريال ولا جنيه
كيف أهدك للمقادير وأنتي راس مال = رأس مال ومال والمال مايعطى سفيه
حافظك حفظي لعيني ورمشي لك جلال=وأنتي تشحين بالماء وأنا شفي مويه
شايفٍ ظلمك وساكت وطال الليل طال = لاتركتي طعن قلبي وأنا ماقلت ليه
لو بقى للهيل صبر على فوح الدلال = مابقى للقب صبر على شي يجيه
كنت أحسب إن الغلا زال وأثره لايزال =في الحشا ماكنه إلا دخيلٍ في وجيه
ساقني حبك على الموت وسنيني هزال = والظروف أقسى من الظلم للعرض النزيه
وأنتي تسوقين عقلي على حد الهبال= تحسبين أن من بغى شي يقدر يشتريه
ولا أنا ياوجد حال وجودٍ ما يقال = وجد من ضحى بغاليه لرضى والديه
وياوجودي يا أول العمر قبل ألبس عقال = وجد من باع أخر العمر في رغبة ذويه
وياوجودي كل ماهب صوتش من شمال =وجد من حده زمانه على اللي مايبه
اتمنى ان تحوز على اعجابكم
تقبلو تحياتي
الزير
وياوجودي كل ما أضحيت ثم مال الظلال=لاغفت عيني ولا ذقت شي مشتهيه
وجد من قفى وهو في رجاء كلمة تعال=وألتفت من بعد مأقفى ولا أحد لد فيه
وياعذابي لا دنى الليل من روس الجبال=وانتهى يوم من العمر ماعاد أرتجيه
وأنتي يا أبعد من سماء الحلم وصالك محال=يابعد من هل دمعي ضحى الفرقى عليه
يا غناتي لاتحسبين دمعي يوم سال= ضعف ولا خوف لا كذا ولا كذيه
والله أني من رجال يضدون الرجال=لاكن الحظ الردي ساق دمعي كل أبيه
والله أني كل مادار حوليك الجدال=قمت كن الموت يشر على قبري بيديه
والله أن قد لي أصد لاجاء لك مجال=صدة اللي لاتضايق تذكر قبر أخيه
ومن سألني قلت مدري وإذا عاد السؤال=قلت له تكفى سؤالك ترى ماهو وجيه
وايش تبيني أقول عن من ترى ذبحي حلال=والخطأ منها علي صرت أحبه وأهتويه
عذرها لو ماتعذر مثل وأضرب مثال = واحد مايعرف الحر الأشقر يشتويه
وإن رجعنا للتواصيف لله الكمال =لانتهى ليل المزايين جاتك تبتديه
كنها غفل مع البدو طاويه الحيال=مايميز وصفها إلا نبيه من نبيه
واهني اللي وصلها وذاق من الزلال=رشفة مع غفلة الناس من فيها لفيه
واعزتي للي سواتي عشق مالا يطال=ويوم طاله ضيع الحلم بين أمه وأبيه
يا أول أحلام الطفوله على حد الخيال = الرجاء باللي حمل بيت من حملة بريه
حال دونك بسيف عنتر تاسع حول حال=بثر حولِ حال دونك وأنا أدعي هيه هيه
هيه ياللي غرك الحسن وأطغاك الجمال = والله أن أموت ماشفت لأوصافك شبيه
لو يسام الحسن والتيه بجنيه وريال =مابقى في سوق غيرك ريال ولا جنيه
كيف أهدك للمقادير وأنتي راس مال = رأس مال ومال والمال مايعطى سفيه
حافظك حفظي لعيني ورمشي لك جلال=وأنتي تشحين بالماء وأنا شفي مويه
شايفٍ ظلمك وساكت وطال الليل طال = لاتركتي طعن قلبي وأنا ماقلت ليه
لو بقى للهيل صبر على فوح الدلال = مابقى للقب صبر على شي يجيه
كنت أحسب إن الغلا زال وأثره لايزال =في الحشا ماكنه إلا دخيلٍ في وجيه
ساقني حبك على الموت وسنيني هزال = والظروف أقسى من الظلم للعرض النزيه
وأنتي تسوقين عقلي على حد الهبال= تحسبين أن من بغى شي يقدر يشتريه
ولا أنا ياوجد حال وجودٍ ما يقال = وجد من ضحى بغاليه لرضى والديه
وياوجودي يا أول العمر قبل ألبس عقال = وجد من باع أخر العمر في رغبة ذويه
وياوجودي كل ماهب صوتش من شمال =وجد من حده زمانه على اللي مايبه
اتمنى ان تحوز على اعجابكم
تقبلو تحياتي
الزير