ســـوالف لــــــيل

[قيض الشــــتاء]

تقول اشفي عيونك ذابله قلت الغرام وبسمتك والليل=جفاني نوم عيني كل ما جيت اطلبه عيّا
اهيم مسافر ٍمفتون سارج من غرامي خيل=ادور لك واذا طولت ناداني التعب هيّا
وتسرق عيني الغفوه ويغفى جفن ذاق الويل=وفي لحظه يجي طيفك وافز أهلاً هلا حيّا
اهلي به واشب الضو أقرّب له دلال الهيل=وانقي له رطب قلبي .. خذ تيّا وخذ تيّا
ونرسم للغرام اقواس نصر ونشعل القنديل= وجمر الشوق يكوي وجه ليل بعادنا كيا
واعزم الشعر اعزم الفكر اعزم الآه والتبجيل=واجلسها مع ضيف ٍ قلط في عيني هنيّا
تسامرني على جال الجمر نحكي سوالف ليل=وتاخذنا السوالف عن جروح ٍ مبطيه فيّا
ونسولف عن جفاك وعن وصالك يا ابعد من سهيل=ونسولف عن صحاري شوق تطوي خافقي طيّا
بمرّه اسأله عنك يقول انساه ذاك ( بخيل )=وتبصم له مواعيدك ودمعه خرّت حميّا
بكفه يمسح دموع ٍ سكنها الملح يا أعذب نيل=يقول آسف ان امزح يوووه اضحك يمسك ايديا
لنا الله يا رجا ياس ٍ يكيل وما بخل بالكيل=يجي باحمال همه لي ويمشي ما معه شيّا
ولنا الله يا وصال عز واحباب ٍ قسوا بالحيل=ولنا الله يا عيون ٍ ناعسات ٍ راويه غيّا

[راعي السالفه]

شكر .. قصيده رائعة والسوأل الذي يطرح نفسه
..لمن هذه الرائعــــــــة ؟؟؟؟؟
لكم التحايا .. وسااااامحونا

[قيض الشــــتاء]

اخي العزيز راعي السالفه

مشكور على المرور وبالنسبه للقصيده فهي لي

اخوك قيض الشتاء

[سايق الخير]

تمنيت ان اكون قيض الشتاء.
لأقول بصريح العبارة انا فلان بن فلان
واعلن للجميع انني صاحب قلم
لايحمله سواي .
(رااااااااائع ياقيض الشتاء).

[عبدالهادي الخليوي]

- صح والله لسااااااااااااااااااااااااااااااانك وتسلم يمينك
صح والله لسااااااااااااااااااااااااااااااانك وتسلم يمينك
- صح والله لسااااااااااااااااااااااااااااااانك وتسلم يمينك
صح والله لسااااااااااااااااااااااااااااااانك وتسلم يمينك
- صح والله لسااااااااااااااااااااااااااااااانك وتسلم يمينك
صح والله لسااااااااااااااااااااااااااااااانك وتسلم يمينك


- قيض الشتاء



- سجل اعجابي بهذه الدره النادره



- ليتك تسمع كلام اخي / سايق الخير




- شااااااااااااااااعر مثلك لايتوارى خلف اسم مستعار





- مكانك المقدمه







- هناااااااااااك بيت زادت فيه كلمه اخلت بوزنه ليتك تعدله لثقتي التامه

بانها اضيفت خطاء


- البيت هو:


-نسج ونرسم اقواس الغرام و((للحكايا)) نشعل iiالقنديـل
0000000000000وجمر الشوق يكـوي وجـه ليـل بعادنـا iiكيّـا



الكلمه (((((((للحكايا)))))))))))





هكذا صح :


نسج ونرسم اقواس الغرام و نشعل iiالقنديـل
00000000000وجمر الشوق يكـوي وجـه ليـل بعادنـا iiكيّـا





- تقبل تحياتي



- اخوك / عبدالهادي

[قيض الشــــتاء]

اخي العزيز وجه السعد

سايق الخير

..... اعجز عن شكرك لاهتمامك ولمرورك ولتركك بصمتك على هذه القصيده ..... وبالنسبه للاسم المستعار فعندي في الوقت الحاظر ما يستدعي الكتابه به على الاقل من وجهة نظري

فاصلة ..... توقيعك على اية قصيده يعطي للقصيدة بعد آخر



الشاعر الكبير والمثير عبد الهادي الخليوي

مجرد قراءتك للنص واعجابك به زاد فيني ضلعين ولا ازود

كنت ولا زلت من المتابعين لما تطرح من قصائد والتي اعتقد انها لو جمعت بديوان فسيكون بكل تأكيد كعقد ماس


وبالنسبه للبيت اللي اشرت له فالمشرفين الله يهداهم ما يعطونك فرصه تعدل لو اخطيت كلها ساعه ويصمخون بالقفل على التعديلات

كانت القصيده عندي سكراش وتدري فيها تعديل وتبديل وزود ونقص والبيت المذكور كنت عدلته عشان الوزن بالتالي :
ونرسم للغرام اقواس نصر ونشعل القنديل ..... وجمر الشوق يكوي وجه ليل بعادنا كيا



ولكن نزلت البيت بالغلط قبل التعديل وبعد ما جاني اول رد وراجعت القصيده كانت الساعه المسموح بها للتعديل راحت

قلنا ما عليه المره الجايه بنخلي العجله



عموما اذا حد من المشرفين الافاضل بيقدر يعدل البيت فانا ممنون


وانت يا الغالي ما اقول لك الا ان مجرد مرورك هنا يعني لي شي كبير


شكرا عبد الهادي

[صالح بن سالم الحيدر]

قيض الشتاء ....شاعر يأتي بكامل قواه الشعريه وكامل مفردات العقل والموهبه

اتمنى ان تسجل اعجابي بالخط في قلب كل قصيده تكتبها فلاحاجه مني للاشاده فأنت بهذه القصيده وقصيده التوبه ,والعالم السفلي ....اثبت انك شاعر من الوزن الثقيل .

اضم صوتي لصوت الاخوان واقول انه اان الاوان لكي تكتب بأسمك الحقيقي وتعتلي القمه .



على فكره لاتنسى تسجل اعجابي على طول .



اخوك/صالح ال حيدر

[المنار]

تسامرني على جال الجمر نحكـي سوالـف ليل
وتاخذنـا السوالـف عـن جـروح ٍ مبطيـه فيّـا
ونسولف عن جفاك وعن وصالك يا ابعد من سهيل
ونسولف عن صحاري شوق تطوي خافقـي طيّـا


يعطيك العافية الأخ/المتألق قيض الشتاء
....والى الأمام


أخوك /المنار

[حــــز يــــن]

صح لساااااااااااااااااااااااااااااااااااااااااااااااا ااااااااااااااانك ....




قصيده داااااااااافئه جدا خذتنا الى عالم الجمال



اخي قيض الشتاااااااااااء انت مبدع

ياااااااااااااااخي والله عجزت ان اوفي قصيدتك حقها في الرد






تقبل تحياتي







حزين

[قيض الشــــتاء]

الاخ العزيز صالح ال حيدر

مجرد مرورك يعتبر شرف لكل قصيده

اشكرك على التعليق ايها الرائع ....

انا اعتقد ان الاسم في الفتره الحاليه غير مهم والاهم هو ما اقدمه

الف شكر على اهتمامك







الغالي على قلبي ....... المنار


..... هناك انت رائع وهنا انت اروع ... لولاك وامثالك كان تغيرت

امور ...... لك مني كل حروف الامتنان والشكر






العزيز حزين .....

يعجز القلم عن الرد على اطرائك لكن يفخر بان امثالك تعانق نواظرهم

ما يخطه .... وهذا بحد ذاته فخر فما بالك وانت ترد عليه بمديح هو دونه

ويتمنى ان يستحقه


المشرف العزيز ..... اشكرك على التعديل وعلى اخراج القصيده بالشكل ذا

كلك ذوق ...
للجميع اجمل تحيه

[قيض الشــــتاء]

سايق الخير

عبدالهادي الخليوي

فيصل اليامي

صالح بن سالم ال حيدر

هادي ال زليق

وكل من سال من الاخوان ومن طلب من قيض الشتاء الكتابه باسمه الحقيقي

اعدكم قريبا جدا ان يكتب قيض الشتاء باسمه الحقيقي .. فشكرا للجميع على

الاهتمام والتفاعل ....... وعلى الثقه في شخصي المتواضع



اخوكم ..... قيض الشتاء

[نارجن]

صح لسانك

وتسلم ولا تندم يا قيض الشتا
في روى الاخرى

[قيض الشــــتاء]

اخي العزيز نارجن

مرورك يشرفني ويسعد القصيده هذا المرور



ننتظر منك الأجمل ايها الرائع