الهدة اللي غيرت شخصيتي(3)

[القصاص]

ما تدرون ايش اللي فكني من الظلمة( يعني ماني بظالم الهالك) اللي فكني يا طوال العمار صوت مثل الرعد ( راعد عزيلان) من ثور بجيلة اللي حدثتكم عنه وهو شارد من المدبغة ( دفعة ثانيه من الذلان) عطل له (كرع له ) ما تشوفون ان لوله اوضح من المقوسه ( ) ولين الضعيف (المتين جدا )طايح بين المدي والخزوز وداخل في وسط هنا محل مليان شوك ووسطة موية وحذا و . و
المهم ان ذولاعندكم اللي مستفرخيني يوم هجوا وانا اللي بدون حس وراهم الين وصلت الى مكان اول مرة اجية.
ويوم ربني صابني ياخواني فلين ذاعندكم الكلب السود اللي اكبر . اكبر . منيش ياخواني لكم بشيب والله انه فاتح ثمة وناصدني وانا اللي ليسمعت صوت كلب في علو نجران مازد امتسالي في اسفلة ( قلت لكم حظ يكسر الصفاء)
ما اقدر اوصف لكم ذاعندكم الكلب السود اللي فية رقعة بيضا في ظهرة واسنونة طوال وبيض (سبحان الله)
المهم استجمعت مابقي من ذا الجسم السحق وعلي هنا نخلة ياللة والكلب عطاني الجهام... ولكن طار الذليل وليني في حجر النخلة ( الحمد لله ) فرجت ولكن اصبروا شوي شوف القرادة اللي مفصلة علي بالضبط وانا ماسك بالخوصة فلين نعن شركم ( ايش رايكم في ذي الجملة ) لا حد يتهمني بالكذب تراني اصدق من كثير من هلل الصفصفة . ايش نيتكم حصلت هايش شفته كنة عمود وبيني وبينك هايش ( ابو خطين ) للناس الكبار اللي قلوبهم قاسية وما انا فوالله انه عندي كنه اكبر ماسورة ولا ( لي متكعوت) يا زين الكلب وعظتة ولا الهايش اللي بلا شوي ولينك فاطس والله وانخرط ابغاء اطمر من حوالي ثلاث قامات ( بعد عندنا متر) ولين الثوب الدوبلين ( يوجد في ذلك العصر نوعين من الثياب. الأصلي واسمه التترون والتقليد وهو الدوبلين ولونه مائل الى الأصفر الباهت متضغور (متعكرش) اسف يا اللي اسمك من نفس المصدر.يعني كنه كيس مصنفر نعود للسالفة ولين الثوب يوم نشب في غلبة كنها (جنبية) من بدت الغلب خصيصا على شان تنكسني ومن ميزة الثوب انه ياخذ مع الواحد لين يتعدى الركبة صعودا دون ان ينشق ما عادني بقايل ينشلع يمكن بعض الناس يمتغث من كثر المفردات الغامضة ويمكن يزعل ويخليني لحالي بعد ما ملوا القراء الكرام من سماجة ذا اللي متعلم كتابة .ابشركم انه عود ومعه كم واحد وانا نفسي اعيد السالفة من اول على شان اللي ما حضر معنا من بدايتها ولكن المعذره منه وعاد الزبدة مثل ماتقولون في الجاي المهم اصبحت مثل الذبيحة المعلقة والمدحوسة الى مايقرب من الراس ( الدحاس متعلم فية لحم في اليديم ( ثوب الخروف ) اثرها والله من الخبط لول والتالي ذالحين الكلب من تحتنا والهايش من فوقنا يمكن يعضنا....(لاالله الا الله ) وصلت الكلب يشبح فيني والهايش يشبح بطرف عين وبيني وبينكم انا اقرب للهايش من حبل الوريد.
تذكرون المحفظة اللي فيها الفلعة كانت معلقة على جنب تحت الإبط (الزغن) تراحن عكسنا التفسير (تدلت) المحفضة والكلب يشبح فيني ويحرك ذيلة ( اثر في الكلاب مرؤة ونخوة) حرام عليه انه رحمني ومن الماريات (البينات)ان عيونه قامت تصب اربع اربع . فعل هذا الحيوان رد لي بعض الأمل في التخلص من الهايش الأسحق .قام الكلب بدور المنقذ يوم تدلت ( اتجهت تحت) المحفظة فنكع(قفز) الكلب الشهم وانشب مقاديم اسنانة بمحفظتي وتلها (مالها دخل بالتلال اللي مغثتوا الناس بة واهلكتوا تلالان الهالك بة ) اسف جدا نعود (للمداح) اللي انتوا خابرين وعلى طاري المداح لا حد يقراها مشددة فشية بيخرب المعنى قلنا على طارية عاد ثور بجيلة طايح فية وسوف نمر عليه بعد الخلاص انشاء اللة
الحلقة الجاية هي زبدة الزبده..... وانا ودي ان كلها سواء لاكن ما في يدي حيلة

[القصاص]

بسبب الكلب طحت من عرض النخلة صحيح ان ارجيلي تخالفت وضلوعي غدا لها قطيط بس سلم الراس ومحتوياتة يوم شفت فلين الكلب يجر المحفظة يبغاء زادي بس كلش يهون ولا تغدي الفلعة واجرها من الكلب ففكها اكيد عارف ماعاد فيني عيظة ثم فتحت المحفظة والله يعز الحلال قطعة للكلب حرفوف وكلت الباقي واحمد الله اللذي انقذني من الكبرا ابو خطين باسنان صديقي اللي والذي كان ايضا سببا في توقف الجزء المسبب للخوف والجبانة واصبحت احس باني غير الأول اللي انتو خابرينة ولاكن باقي عندي مشكلة اقدامي اللي تخالفت . فكرت وضربتها اخماس في اسداس .كيف اسوي في ذا الأرجيل واحوال اني ارجع كل واحدة محلها وبعد جهد جهيد رجعتها ولكن سمعت عظم انكسر تخاملت نفسي ماشي اوجعني اثرني خلاص تبلد عندي الاحساس بالالم والله واقوم سبحان محي العظام وهي رميم وقفت على ارجيلي ويوم مشيت فليني امشي مقلوب ما صدقت كيف كذا اثر الكسر اللي في الحوض هو اللي مسبب ذا الحالة فكرت الحمد لله قدني افكر ( كما قال لول انا افكر اذا انا موجود) مشيت وراء فحسيت اني امشي مزبوط ولكن فيني شي يالله وامشي في الجهة اللي سمعت الدب الأمحق يهدر فيها ويوم اشوف فلين ذاك اللي طايح وقدهوا مورم كنه جيفة قد لها شهر ياويلي ويلاه مات ابن عمي ويوم اشوف فلين القاع تهتز اثر عاد الثور حي فاعود ادعيه فلينه يوم قام يحرك يدة فدريت انه يبغاني انقذه . فاقوم امد يدي اللي كنها يد وزغة ويم نعن شركم حس بيدي فجودها (جواده) حسيت انها طالت شبر (وهترني) حسبي الله عليه فليني بقدرة قادر تحته كيف مدري ما حصلت لها تفسير ويمكن لها علاقة بمشي بالمقلوب مدري ولكنه قضائي وقدري (من عقبة في خجوالي) .المهم اني تحت البلاء ذا جثة هامدة الا من شقيص عيني اليمين وعادني ماسك عقلي ولكن بدون حركة نهائيا . جلسنا على ذا الحال من (صقورة) نصف النهار الى عصير والدب راقد وينخر والريحة مازد شميتها وعيني الثانية ما زد انفتحت نهائيا. ويوم جا للعصر وقد العامل يتفقد المدي فلينة يشوف ذا المصيبة اللي طايح والله ويضرب بالصايح ويتفازعون عليه فلينة قاعد يبكي اثره (خبل)(راغ عقلة) وانتها المسكين ونهايتي في الطريق علي يد ذا اللي فوقي الخرتيت حسبنا الله عليه يوم جاوا الفزاعة(على وزن فراعة) فلين ماأنكر صوت ابي معهم ولا هو بداري اين انا فين بس جاي والناس كلهم يبغون ينقذون الدب وهو اللي فوقي ولا حد شافني . المهم تعازوا حمران العيون وهم حوالي عشرين أو اكثر ويسحبون الدب ويكملون الناقص ( اصبحت (هريسه) صدق ماهوب كذب وانا مايغرني صوت ولكن اطرم ماقدر اتكلم ولا اتحرك ويوم اسحبوه فلين قد رجلي تلوح ناشبه فيه ويوم بينت للناس فقاموا يتعازون ويهللون واسمع ابي ينتعت ذيك (النعتة) اللي تصم الأذاني وجاوا يبغون يشلونني فلينني (رطبة) وانا اشوف ومدرك كل حركاتهم ولا حركه حتى النفس ما زد خرج وكيف بقيت حي وقدني فضيخه( الحقيقة لو كان فيه ذاك الوقت انسان عاقل كان يمكن يكتشف حاجة فيني سببة هذي الحالة وانا عارف انكم ما انتوا بمصدقيني ولكن ما علينا الكلام ذا ما هو بمنقص ولا بزود الي حدث وانا لو الحاله جارية على غيري ما والله كان صدقته يعني اللي ماهو بمقتنع بكلامي ما ينلام لا تعرفوني ولا اعرفكم الا بالرمز.

[القصاص]

اخواني الكرام اكرر اعتذاري لكم واشكركم وخاصة اللي طولوا بالهم علي وتابعوا السالفة السحقاء اللي ودي انها اقصر من كذا ولاكن الجود من الماجود
وتــــابعوا.........

الله اللي يجبركم والجواب من ابي ولكن ما عند أي شخص منهم ذرة شك اني حي حتى انا تاكدت اني ميت وقلت في خاطري يمكن الموت كذا ماحد يدري كيف هو المهم قمت افكر ايش انا با حصل قدامي وعيني(بصبوص عيني اليمين) لا تزال ترى كل شي يصير وكل شي واضح جدا جدا . لفوني في كيس كان مسكر به المذخر اللي في المدي بعد ما نضفوه قدامي واسمعهم يقولن( لاإلله ال الله ما يدوم الا الله) ومعهم ولكن سكيتي . بعضكم وده ياسأل عن الثور الخنطيل ما جا فيه شي الا انه تحيد عليهم ( حرن ) ما زد مشى يبغا الشله جعل يشله اكبر جني . جاوا بحمار(الله يكرمكم ) بس مستصح ما عاد بينه وبين الحصان الا النهيق وتعانو حمران العيون وشلوا الخرتيت وحطوه على الحمار بعد ما (فجاهم) وقد توفوا كلهم الله يرحمهم في سنه واحده وقالوا الناس انه السدم ولكن ما حسبوها كيف مايموت بالسدم الا ذولا الهلوك وماتوا ومات سرهم معهم.
وصلت الجنازه (وقب) الصايح في بيتنا اثرني مؤثر الى هذي الدرجة عجايز وشيبان ونسوان وغران كلهم حيطي حيطي. واعرف واحدة من البنات جا لها بعد الحادثة (حقتي) صرع ولا (رحمت) الا امي اللي تقول ياهوبلك هوبلا ( الكلمة ذي كانت تقال لي يوم انا حي ولكنها ذي المرة مع الدموع اللي مثل البخر (التمر) قبل ما يجي ((قولب)) والقولب نفس التمر ولكن بمرحلة اكثر الى ان يجي رطب(اللي قلت لكم اني غديت تحت الخرتيت مثله) ولا بياض. ذاك اليوم (شكيت)_مالها دخل بالدجاج_ باني ماهوب انا = كيف جميع الاوصاف اللي سمعتها فيني يوم النسوان يعزون ما يمكن ان تنطبق علي بإي شكل من الأشكال حتى الرجاجيل اسمعهم يتحاكون فيني واني مابعد خلقت . المهم قام ابي واخي الكبير وعمي يغسلوني ومعهم الفقيه اللي يقرينا يقرا وانا اسمع واشوف (باللي بقالي من بصبوص) ولكنه ما(يغرني)(عارف ايش يدورحولي) والمشكله انهم يومهم يغسلوني ما حصلو ولا عظم فيني ( ) وقد صدق احساسي اني رطبه ولكن وين راحت العظام (الله واعلم) غسلوني ودخلوني في كيس ابيض كنه قدامي وحطوا ريحان وشي كنه (حصم) ولا اروحت لا ريحان ولا غيرة . والله قرب القبر يوم سمعت ابي يوصي هنا سمران ان يحفرون القبر وبعد الفجر الىالمقبره. ويوم تلهمت انهم بيحطون علي تراب لين يدفنوني حاولت حاولت ولاكن مابه ولا حركه ( حاله مثل الجثام بالنسبه للناس اللي يعرفونه وقد مر عليهم) او الكابوس بالنسبه للناس اللي قدهم يخيف متعلمين ) المهم ( والله اني داري ان قد ذي الكلمه ماغثة بعض الناس حتى انا ولكن حصلتها كلمه مثل (الماستر كي) اللي مايقفل في وجهة باب (تشبيه اسحق ) ولاكن قد (ملحتي ) ويش حدني على ملحتي من كلمة الى كلمة اعقد منها لغبت تفسير . اللي بيفهم يفسر للي ما يفهم . ترى كل ذا اللت والعجن من ضيقة البال لما تلهمت القبر اللي بغيت احط فيه ظلم واقوم اجمع من الأدعيه اللي اسمع ابي يقولها لما قدهو يصلي اقول يالله ياربي ايش انا سويت ياربي جعلهم يعرفون اني ماني بميت ) بكيت من قلبي وحسيت بدموعي تنزل من عيني اللي عادها تشوف ) ابشركم ان الله استجاب لدعوتي سبحان الله وجل جلاله يوم الفقيه يقرا الفاتحة ماسمعته الا يوم زعق سبحان الله الصبي يالربع ما مات الميت ما تنزل دموعه لان الدموع اول مايجف في الإنسان (لو اني عارف كان من اول ماطلعوني ) ولكنها ارادة الله واسمعهم يتكلمون واللي يقول بلا (مغوم) والأخر يقول مدخول وانا حسيت بشي يتحرك وكنه (((يبرغشني))) كلمة جايه بالغلط ولكن ما علي مادام زال الخطر باقول اللي يطري على بالي ( ويمكن ما عاد حد يقراء ذا الموضوع المخوش الا واحد ما هو بصاحي . اللي عاده يقراء يصلي على النبي واله عليهم افضل الصلاة والسلام.
الذي حدث ياخواني ما اصدقة يوم عالجوني قالوا اني كنت مدخول وفاقد الحس والحركه بس كيف راحت العظام . تفسيرها يقولون ان اللي دخل فيني كان له مجموعة اعوان وقد اخفوا جسمي الحقيقي وبدلوه بجسم مثله ( كلام ما يمكن يدخل عقل أي انسان سوا عاقل او خبل ولكن ماهو تفسيره . امل انكم اذا اعتقدتوا اني خبل او لأي سبب يخطر بالبال ان تاخذوني على قد عقلي وتسايروني وتفكروا هل ماحدث هوا مجرد خلل في مكان ما من المخ حتى حصل ما حصل. ولمعلوميتكم بعد الحادثة اصبحت انسان مختلف شكلا ومضمونا عن السابق والمشكلة ما احد استغرب وضعي وجميع من كان(او كنت اعتقد انه) يويذيني اصبح يعاملني معاملة مختلفة.
بالنسبة لي فأنا عملت دراسة على شخص وهمي صورته على نفس الصوره التي كانت لي قبل الحادث ووجدت شخص يقارب الحالة وقد قمت بدراسة له بدون ان يعرف احد حتى هو لم يعرف اني كنت مهتم به ولحسن الحظ (مهواب اول) انه ليس ببعيد تابعت حالاته من جميع النواحي ووجدت انه انسان يتمنى ان يكون شخصا فعالا في مجتمع لا يكن له أي احترام او تقدير من وجهة نظره ولكن وجد الحقيقه انه انسان موهوم او مصاب بانفصام في الشخصية والمشكلة انه قد قرر الإنتحار ............... لم اكمل الدراسه لضروف خاصه . سوف تبقى سرا الى ان يشاء الله . والسلام عليكم ورحمة الله.

[الشيماء]

قصه غريبه وعجيبه:confused: :confused: :confused:





نسأل الله السلامه للجميع!!!!!

[هوس]

والله إن ماعندك سالفة






والقصة سامجة يا قصاص:confused: :confused: :confused:

[القصاص]

اشكرك ياخي هوس على رايك.الذي اعتبرة شهادة في الكتابة المصفية ودمت
سالم وغانم.
القصاص

[القصاص]

الإخت الكريمة شيماء.
كل شي جايز في ذاك الوقت ولكن فعلا فيه كثير من المواقف غريبة
شكرا على التوضيح ودمتي.
القصاص

[القصاص]

شكرا يامنسدح في الدخشه.
عندي سؤال اين قريت القصة ( في الدخشه).
شكرا على رايك.

[النمر]

موضوع مميز وقصة لها فوائد وعبر كثيرة




وشكرا

مع تحيات أخوكم النمر
:p :p :p :p

[القابل]

السلام عليكم




موضوع رائع جداً





ليه ما تفتح الماسنجر الأول أريد أكلمك من .......




و شكراً

[القصاص]

النمر شكرا على تفاعلك مع الموضوع .
الأخ القابل: اشكرك من كل قلبي وامل ان تتاح لي فرصة لمكالمتك ولك جزيل الشكر .
العذر منك يالغالي .
اخوكم القصــــاص