حبشوش
26-06-2002, 09:21 PM
بسم الله الرحمن الرحيم
جاك ذاك اليوم
واقوم من فجر ما جاني النوم
واقعد آدعر تحت العلب ............. اللي في الحوش
وآصيد منه عصافير بالخذاف
لين ذا جدي سارح للمزرعه حقتنا اللي في الحصينيه المهم يا طوال العمار شافني
قال وشبلاك منت براقد مثل عوايدك قلت مدري وشفيني ما جاني النوم قال هياك اسرح معي قلت مشينا والله ونركب الشاص ونمشي ونشتري قضب للغنم ونسير وآنا معا ذا الشيبه وكلما سولفت له يعنني كبير ..جبتها مطبله.. وقال لي (البخ آضنك كبير وخبل)
المهم وندخل المزرعه وخلا ني انزل القضب
وكرفني ذاعندك الكرف آنا والمصري لين نفطت ايدينا
ويوم خلصنا قال اقعد اشرب مـا وريح با روح آشوف رجال عنده لي قروش
وبا شوف لي حصلته
المهم راح ولا عين الرجال
فقفلت عنده وعود صوبنا فجاك المصري يبا يخيف انه هو وجدي الشي واحد ويبا يتحاكى بحكانا
وقال له بشر يا عم محمد قمنت الرِِجال فصمخه جدي بالشريم لين الشريم يوم جز نص شنبه فاقرطب عليه ضحك فصمخني جدي وقا اركب اركب الشاص ياالهابي
المهم والله واركب ومشينا معودين صوب البيت
ويوم قدحن عند هنا اشاره وجدي تعرفون قافله معه فجاك يبا يقطعها فشاف دوريه ويبا يوقف وخريط مازد تلاحق الا قد نص السياره في الخلا
المهم فيشوفه العسكري ويقول له ارجع ورجع شوي ويشر له ثاني مره ارجع ويرجع شوي وثالثه ورجع
ويوم ولعت الأشاره خضرا فيدفل جدي في وجه العسكري
ويبى يدعس بسرعه اثر عاد السياره معشقه في الريوس ويصمخ في كرسيدا الزول الي وراه
ويتجمعون العالم والزول يصيح السياره انخربت السياره انخربت
وجدي يقول له لا تفضحنا بعطيك الشاص بدلها وخريط وش بيسكت الزول
ويقول الزول وين الحكومه وجاك العسكري بعد ما غسل وجهه من الدفله
ويقول لجدي والله لو منت بشيبه لا يجي شي غير الشي
ويهدون الزول
ويعطيه جدي قاسمة الله وتنازل
والمهم يقول لي جدي لا تعلم حد بالقصه قلت والله لا علم
وآخر شي تمينا انه يعطيني 50 ريال ولا اعلم حد واكفت الخمسين وامشي
ويوم نشده ابي من الصدمه قال انه آنا ومشيناها عشان الخمسين
,,,,,,,,,,وسلامتكم،،،،،،،،،،،
جاك ذاك اليوم
واقوم من فجر ما جاني النوم
واقعد آدعر تحت العلب ............. اللي في الحوش
وآصيد منه عصافير بالخذاف
لين ذا جدي سارح للمزرعه حقتنا اللي في الحصينيه المهم يا طوال العمار شافني
قال وشبلاك منت براقد مثل عوايدك قلت مدري وشفيني ما جاني النوم قال هياك اسرح معي قلت مشينا والله ونركب الشاص ونمشي ونشتري قضب للغنم ونسير وآنا معا ذا الشيبه وكلما سولفت له يعنني كبير ..جبتها مطبله.. وقال لي (البخ آضنك كبير وخبل)
المهم وندخل المزرعه وخلا ني انزل القضب
وكرفني ذاعندك الكرف آنا والمصري لين نفطت ايدينا
ويوم خلصنا قال اقعد اشرب مـا وريح با روح آشوف رجال عنده لي قروش
وبا شوف لي حصلته
المهم راح ولا عين الرجال
فقفلت عنده وعود صوبنا فجاك المصري يبا يخيف انه هو وجدي الشي واحد ويبا يتحاكى بحكانا
وقال له بشر يا عم محمد قمنت الرِِجال فصمخه جدي بالشريم لين الشريم يوم جز نص شنبه فاقرطب عليه ضحك فصمخني جدي وقا اركب اركب الشاص ياالهابي
المهم والله واركب ومشينا معودين صوب البيت
ويوم قدحن عند هنا اشاره وجدي تعرفون قافله معه فجاك يبا يقطعها فشاف دوريه ويبا يوقف وخريط مازد تلاحق الا قد نص السياره في الخلا
المهم فيشوفه العسكري ويقول له ارجع ورجع شوي ويشر له ثاني مره ارجع ويرجع شوي وثالثه ورجع
ويوم ولعت الأشاره خضرا فيدفل جدي في وجه العسكري
ويبى يدعس بسرعه اثر عاد السياره معشقه في الريوس ويصمخ في كرسيدا الزول الي وراه
ويتجمعون العالم والزول يصيح السياره انخربت السياره انخربت
وجدي يقول له لا تفضحنا بعطيك الشاص بدلها وخريط وش بيسكت الزول
ويقول الزول وين الحكومه وجاك العسكري بعد ما غسل وجهه من الدفله
ويقول لجدي والله لو منت بشيبه لا يجي شي غير الشي
ويهدون الزول
ويعطيه جدي قاسمة الله وتنازل
والمهم يقول لي جدي لا تعلم حد بالقصه قلت والله لا علم
وآخر شي تمينا انه يعطيني 50 ريال ولا اعلم حد واكفت الخمسين وامشي
ويوم نشده ابي من الصدمه قال انه آنا ومشيناها عشان الخمسين
,,,,,,,,,,وسلامتكم،،،،،،،،،،،