آســــــــف

[alajeeb]

آســــــــف


آســـــــف وغضي نظرتك لاتخزين =ماهو بانا الحــــــــــلم اللذي ترتجيـــنه
انا سمـــا وأنتي على الأرض تدرين =وخيل الوهــــــــــم يابنت لاتطــــــردينه
انا الغـــــريب اللي وقع بين نارين =اللي نحت صــــم الصخــــــر في يديــــنه
اللي بنا حــــلم له ايــام وسنــــين = وحلــمه تحــطم للأســــــف شوف عينه
وحضرة جنابك ساكنه وسط دورين =والثالث اللـــــي ناويـــــــــه تفرشيــــــنه
ويمكن فساتــــينك تجي بالملايين = واكيــــــد ثوب الأمــــس ماتلبســــــــينه
وانا وحــــــيد اكافح الدين بالدين =وانتـــــــي نظـــــــام الديــــن ماتعرفينه
ومع ذا رصـــــيدي عزتي لاتظنين =ومهما ملكتــــــــي يابنـــــــت ماتملكينه
راحت مها قبلك ومـــريم ودارين =ونفــــس الطـــريق اللــــي سلكن تسلكينه
رفضتهـــــن وارفضك لالا تلحين =ولي العذر لـــــو واقعــــــي تفهـــــــمينه
روحي ترى غيري من الناس تلقين =منهم كثيــــــر بنظـــــرتك تأســـــــــرينه
ويابنت مهما حول الوقت تنسين =مهما نسيــــــــتي موقفـــــــي تذكـــــرينه

[الكارزمي]

بسم الله الرحمن الرحيم

الاخ العجيب ............مساء الخير

إسمح لي أن أسجل إعجابي بهذه القصيده

وإن كانت لك فأنا هنا أراهن على إسم جديد

سنترقبه بشغف من خلال هذا المنتدى لطرح

الجميل الذي لن يكون مستغرب من من يكتب

هذا البيت

ويمكن فساتينك تجـي بالملاييـن
&&&&&& واكيـد ثـوب الأمـس ماتلبسينـه

وأسمح لي ايضا أن ألفت إنتباهك الي هذا البيت

ومع ذا رصيدي عزتي لاتظنيـن
ومهما ملكتـي يابنـت ماتملكينـه

ألا تتفق معي أن الوزن خان الشطر الثاني

من هذا البيت .

وفي الختام ننتظر منك المزيد ...أخوك ..

الـــــــــــكارزمــــــــــــي