كان ياما كنن

[كريم سبلى]

عبر العصور .. السالفه ..
كانوا العرب .. يشرون
المهر .. بمية ناقة
كانوا الرجال .. مثل الرماح ..
قاماتهم مشدودةٍ .. ودقاقة
وكانوا الحريم .. صبرٍ قديم
وفا .. وسماح ..
والى .. اقطعوا عن الفطيم .. الحليب
قصوا عسيب .. من انخله
واعطوه له وقالوا فرس
اعطوا الصغير .. سيفٍ خشب
ومجدٍ يحبه .. يوالفه
السالفه .. رغم الفقر
والجهل .. واوقات المرض
ماكان للبسمة غرض
ولا كان للدمعه .. غرض
ماكان في الدنيا .. سوى
ثوب ورغيف .. وعرض نظيف
وكرامةٍ ماهي تمس ..
السالفه .. اني أحس
انا عكسنا السالفه
صحيح قهرنا الفقر
والجهل .. وايام المرض
لكن غدى لكل شي .. غرض
السالفه .. ان القديم
كله غدينا .. انخالفه
ابدون وعى .. والابوعى
ماانتم معي .. انها قديمه السالفه

كريم سبلى

[محمد بن مدران اليامي]

السالفه .. ان القديم
كله غدينا .. انخالفه


ياهووووووووووووه وش الكلام الروعه هذا حكم ..... حكم .......


والله انك رهيب أنت ونشيط وتستاهل حبة خشم ;)

[كريم سبلى]

بن مدران

الله يعزك وحبه الخشم لك قبلي ;)

ام اللللللللللللللللللللللللللللللللله قد قلتها من اول قصيده نشرتها يا محمد في المنتدى

محمد لي طلب ما تقطعنا منك ومن اشعارك

الله يحفظك

اخوك كريم سبلى:)