سعيدان
26-05-2002, 04:06 AM
مشااااااااااااااااااااااارك
السلام على الربع المهويه جميع كلن باسمه
صراحه يا شباب ان الواحد صار يتردد قبل ما ينزل اي سالفه لان ماشاءالله الشباب مدهرين سوالف تهول الظاهر انهم طاحوا على ثلاجة الشاهي حقة اهنا واحد
والحين قررت ارجم لي طيرين بحيد
بنزل ذا السالفه منها نتواصل مع الخبلان << اسف مع الشباب
ومنها احزر لعمري واشوف ايش عادني من لحيه في الفلاق>> محدده اللحيه
وين انتوا من الله قمين الحق الشباب دفعتي اللي ترقوا وخلوني
لكم الله حتا قيض الشتا اللي خابر اني انقله
عز الله اني طيسه >>>> من ايام الكفاءه ذا الكلمه
السالفه يالربع ذي صارت قبل عشر سنين والا اكثر
جا ذاك الليل واضوي من السمره ممتغث وارقد في الحوش
وكالعاده ,,, فنيله علاقي وسروال السنه ابو طقطق << كان موظه
ومابلا قرحت الشمس وليني اسمع حديث العجايز امي وصديقاتها >> حلوه
بالله عليكم حد يسير ذيك الحزه
المهم ان العجوز فقعت راسي
يا نعنابيك قم من حيث قال لك ابيك
قم نفداك لا يجي عادك محلك >> نفسي ادري ذلحين وين قد سرح ذيك الحزه
هاقم فديتك
نعنابيك انت تشبع من ذا السمرات مع ذا السرابيت الى للشفع << حرام اني ضاوي الساعه 11
قالت حدا النسوان يعن انها تمون قم يا صبي كتلهنت امك بالمهاوره
المهم سلمت امري لله واجلس واشبح فيهم ولين النسوان يوم صدوا مني << ياويلي يا السحا
واقوم يعن اني شباب واتمطط قدامهم واقول
صبحكم بالخير ,, حتى انتي يا عمة يا نعمه تستحين مني
والين والله حتى امي يوم صدت مثلهم
هاقل ما دريت ايش العلم؟؟؟
ويوم اشوف
والتفت تحت
واليني جايب العيد
الطقطق فاتح
والله وادخل البيت واتلبس واكل لي من هنا فلعه بعد ابي مع حليب
واروح واشغل الموتر وامر المصري واخليه يحمل الخضره < طماط كالعاده >
وادعس للحلقه... والرادي يشتغل وسع صدرك وسع صدرك
ويوم وصلت الحلقه ولا وقفت زين الا وهنا واحد يقول كم معك كراتين قلت عشرين قال راحت باربعين قلت نصيبك وانا خابر اني بايع اخر مره من عشرين
قلت ماشاءالله ,, عز الله ان الشيبة بينبسط
وقدني اخطط اقول له بعتها من ثلاثين<<< الباقي للحاشي سعيدان
وامشي الى عند سيارة ذا البلا ونزل القوطه كلها
قلت الحساب يا ابو الشباب
قال ابشر بالشبب
معك عشره ؟؟؟
قلت ايوه <<< معي عشره كنت ابغى افطر بها واشتري دخان
قال هاتها والله واعطيه اياها ماني بداري ايش العلم
ويطلع لي الرجال خمسين ويعطيني اياها ؟؟؟
قلت هيه هيه انت يا الاخو وين الباقي؟؟
قال ايش الباقي ما ذيعندك باربعين؟
قلت بلا
قال فايش عادك تبا؟؟؟ما حن متفقين على اربعين
قلت ايوه الكرتون باربعين يعني 800 ريال
فغير اضحك لين بغا يفطس
قال يا ولدي طف السوق نفداك وشف كم الطماط به؟؟
والله ويوم طفت السوق والين الطماط ما يقال عليه بكم من ريالين الى خمسه
هاقل اقفلت وراح التخطيط اللي قدني مخططه فيها؟؟
ومن المغث اسهيت ما اطلبه كراتين فاضيه بدال حقتنا:
واركب سيارتي وهي واصله معي الف وامر البقاله واشتري لي دخان وانا عندي لهم من اول فلوس حول ثمانيه وثلاثين ريال ويوم عطيت الهندي الخمسين فخذ فلوسه كلها
هاقل كملت.. اتنفدا الهندي .. اتنفداه بس خريط كنه طايح عليها من السما
والله وامشي وانا طول الطريق ادخن وافكر ايش شعور الشيبه لما علمته؟
ووصلت البيت ومن المغث نسيت الدخان على الطبلون
واجلس وساعت جلست والين العجوز يوم انفكت علي تشكي من اخي الصغير
انت تشوف مقصور العمر اللي ما يعطف اصبع
عيا ما يدعي المصري يعبي لنا ماء
وناشب في حلق اخته كل ما شافها لجحها
هاقل ما كملت حكاها الا وهو داخل شين الوجه
واقظه بفنجال القشر ولين دمه كل شاطر وقاطر في السماء
وكعادة عجايزنا قلبت صن علي
نعنابيك يا الخلوفه ياللي فيك ما فيك
ويلك من ابيك ويلاه << واتذكر ان الشيبه ميت في ذا الغرير من بدتنا
واقوم اربطه واسكته قلت لا تعلم ابي اني اياه قل انك طحهنت
قال زين بعد ما عطيته ريال طبعا
والله وارقد ويوم جا للقايله وجا الشيبه فادع الغرير مقصور العمر يبغا يحبه كتلته الشحنه يا ذاك
ويوم شافه فغير اعتزى... ابن......................؟
من اللي بك فقرطب ذاعندكم البلا يبكي
قال قومي سعيدان قال الشيبه لحدا خواتي روحي روحي للهايلكس فيها لزقة كبيره حطيتها على الطبلون هاتيها؟؟؟؟؟؟؟؟؟؟؟؟؟؟؟؟؟
وانطلقت الغرير كنها شعف.... وحصلت الدخان وجابته وكبت اللزقه
واليني اسمعها تقول يابه يابه يابه يا ويلك عينت في سيارتنا شقار
هاقل بغى يغمى على الشيبه ومن الحظ الطيب اللي بدا معي من صبح ولين المصري يوم جا وقال
يا ابو سعيدان فين الكراتين انا قنيت الطماط بس مافيه كراتين اعبي فيها
ويلتفت الشيبه للعجوز
وين ولدش اشفو في وجهش؟ ان منتي بجايبة خير
ادعي اخيش يا بنت الله يقطع بطن شلش<<< جلفين شيبانا مع عجايزهم من اللي يقدر يقول لمرته شي ذا الزمان؟؟ الله ما اصبرهم
تصدقون يا شباب
الزمن تغير
النسوان من اول يصبرون على شئ لو سمعت عنه لجنة حقوق المرأه كان صار علوم
وبعدين ليه النسوان صابرين على الاهانات
نفسي ادري ليه؟
المرأه هي نصف المجتمع بس
نعم اي خدمه يا قيض الشتا
ايش تبا:
وانت
ايوه انت يا دحباش نعم ايشنت تدور له
تبون باقي السالفه
يعني ما نفع معكم التصريف والفلسفه وحقوق المرأه
خلاص يا الربع ما لها داعي الفضايح
مثلك عندك ما منكم الا من جرب
الا باعطيكم علمه اني قطعت الدخان من يومها
لا حد يقول >> من ماجا وجهك
لا لا قطعته لانه ماهو بزين
اصلا انه يسبب السرطانات كلها وانا ما احبه:
المهم استروا ما ريتوا
وانت يا دحباش قدني داري انك بتنشدني اذا الموضوع مشارك
ترا ايوه مشارك ماهو بعلشان الجايزه
لا من باب المشاركه
واتحدى اي واحد يرشحني:
وفيها زايد ال نهيان
اسف زايد عفاكم
السلام على الربع المهويه جميع كلن باسمه
صراحه يا شباب ان الواحد صار يتردد قبل ما ينزل اي سالفه لان ماشاءالله الشباب مدهرين سوالف تهول الظاهر انهم طاحوا على ثلاجة الشاهي حقة اهنا واحد
والحين قررت ارجم لي طيرين بحيد
بنزل ذا السالفه منها نتواصل مع الخبلان << اسف مع الشباب
ومنها احزر لعمري واشوف ايش عادني من لحيه في الفلاق>> محدده اللحيه
وين انتوا من الله قمين الحق الشباب دفعتي اللي ترقوا وخلوني
لكم الله حتا قيض الشتا اللي خابر اني انقله
عز الله اني طيسه >>>> من ايام الكفاءه ذا الكلمه
السالفه يالربع ذي صارت قبل عشر سنين والا اكثر
جا ذاك الليل واضوي من السمره ممتغث وارقد في الحوش
وكالعاده ,,, فنيله علاقي وسروال السنه ابو طقطق << كان موظه
ومابلا قرحت الشمس وليني اسمع حديث العجايز امي وصديقاتها >> حلوه
بالله عليكم حد يسير ذيك الحزه
المهم ان العجوز فقعت راسي
يا نعنابيك قم من حيث قال لك ابيك
قم نفداك لا يجي عادك محلك >> نفسي ادري ذلحين وين قد سرح ذيك الحزه
هاقم فديتك
نعنابيك انت تشبع من ذا السمرات مع ذا السرابيت الى للشفع << حرام اني ضاوي الساعه 11
قالت حدا النسوان يعن انها تمون قم يا صبي كتلهنت امك بالمهاوره
المهم سلمت امري لله واجلس واشبح فيهم ولين النسوان يوم صدوا مني << ياويلي يا السحا
واقوم يعن اني شباب واتمطط قدامهم واقول
صبحكم بالخير ,, حتى انتي يا عمة يا نعمه تستحين مني
والين والله حتى امي يوم صدت مثلهم
هاقل ما دريت ايش العلم؟؟؟
ويوم اشوف
والتفت تحت
واليني جايب العيد
الطقطق فاتح
والله وادخل البيت واتلبس واكل لي من هنا فلعه بعد ابي مع حليب
واروح واشغل الموتر وامر المصري واخليه يحمل الخضره < طماط كالعاده >
وادعس للحلقه... والرادي يشتغل وسع صدرك وسع صدرك
ويوم وصلت الحلقه ولا وقفت زين الا وهنا واحد يقول كم معك كراتين قلت عشرين قال راحت باربعين قلت نصيبك وانا خابر اني بايع اخر مره من عشرين
قلت ماشاءالله ,, عز الله ان الشيبة بينبسط
وقدني اخطط اقول له بعتها من ثلاثين<<< الباقي للحاشي سعيدان
وامشي الى عند سيارة ذا البلا ونزل القوطه كلها
قلت الحساب يا ابو الشباب
قال ابشر بالشبب
معك عشره ؟؟؟
قلت ايوه <<< معي عشره كنت ابغى افطر بها واشتري دخان
قال هاتها والله واعطيه اياها ماني بداري ايش العلم
ويطلع لي الرجال خمسين ويعطيني اياها ؟؟؟
قلت هيه هيه انت يا الاخو وين الباقي؟؟
قال ايش الباقي ما ذيعندك باربعين؟
قلت بلا
قال فايش عادك تبا؟؟؟ما حن متفقين على اربعين
قلت ايوه الكرتون باربعين يعني 800 ريال
فغير اضحك لين بغا يفطس
قال يا ولدي طف السوق نفداك وشف كم الطماط به؟؟
والله ويوم طفت السوق والين الطماط ما يقال عليه بكم من ريالين الى خمسه
هاقل اقفلت وراح التخطيط اللي قدني مخططه فيها؟؟
ومن المغث اسهيت ما اطلبه كراتين فاضيه بدال حقتنا:
واركب سيارتي وهي واصله معي الف وامر البقاله واشتري لي دخان وانا عندي لهم من اول فلوس حول ثمانيه وثلاثين ريال ويوم عطيت الهندي الخمسين فخذ فلوسه كلها
هاقل كملت.. اتنفدا الهندي .. اتنفداه بس خريط كنه طايح عليها من السما
والله وامشي وانا طول الطريق ادخن وافكر ايش شعور الشيبه لما علمته؟
ووصلت البيت ومن المغث نسيت الدخان على الطبلون
واجلس وساعت جلست والين العجوز يوم انفكت علي تشكي من اخي الصغير
انت تشوف مقصور العمر اللي ما يعطف اصبع
عيا ما يدعي المصري يعبي لنا ماء
وناشب في حلق اخته كل ما شافها لجحها
هاقل ما كملت حكاها الا وهو داخل شين الوجه
واقظه بفنجال القشر ولين دمه كل شاطر وقاطر في السماء
وكعادة عجايزنا قلبت صن علي
نعنابيك يا الخلوفه ياللي فيك ما فيك
ويلك من ابيك ويلاه << واتذكر ان الشيبه ميت في ذا الغرير من بدتنا
واقوم اربطه واسكته قلت لا تعلم ابي اني اياه قل انك طحهنت
قال زين بعد ما عطيته ريال طبعا
والله وارقد ويوم جا للقايله وجا الشيبه فادع الغرير مقصور العمر يبغا يحبه كتلته الشحنه يا ذاك
ويوم شافه فغير اعتزى... ابن......................؟
من اللي بك فقرطب ذاعندكم البلا يبكي
قال قومي سعيدان قال الشيبه لحدا خواتي روحي روحي للهايلكس فيها لزقة كبيره حطيتها على الطبلون هاتيها؟؟؟؟؟؟؟؟؟؟؟؟؟؟؟؟؟
وانطلقت الغرير كنها شعف.... وحصلت الدخان وجابته وكبت اللزقه
واليني اسمعها تقول يابه يابه يابه يا ويلك عينت في سيارتنا شقار
هاقل بغى يغمى على الشيبه ومن الحظ الطيب اللي بدا معي من صبح ولين المصري يوم جا وقال
يا ابو سعيدان فين الكراتين انا قنيت الطماط بس مافيه كراتين اعبي فيها
ويلتفت الشيبه للعجوز
وين ولدش اشفو في وجهش؟ ان منتي بجايبة خير
ادعي اخيش يا بنت الله يقطع بطن شلش<<< جلفين شيبانا مع عجايزهم من اللي يقدر يقول لمرته شي ذا الزمان؟؟ الله ما اصبرهم
تصدقون يا شباب
الزمن تغير
النسوان من اول يصبرون على شئ لو سمعت عنه لجنة حقوق المرأه كان صار علوم
وبعدين ليه النسوان صابرين على الاهانات
نفسي ادري ليه؟
المرأه هي نصف المجتمع بس
نعم اي خدمه يا قيض الشتا
ايش تبا:
وانت
ايوه انت يا دحباش نعم ايشنت تدور له
تبون باقي السالفه
يعني ما نفع معكم التصريف والفلسفه وحقوق المرأه
خلاص يا الربع ما لها داعي الفضايح
مثلك عندك ما منكم الا من جرب
الا باعطيكم علمه اني قطعت الدخان من يومها
لا حد يقول >> من ماجا وجهك
لا لا قطعته لانه ماهو بزين
اصلا انه يسبب السرطانات كلها وانا ما احبه:
المهم استروا ما ريتوا
وانت يا دحباش قدني داري انك بتنشدني اذا الموضوع مشارك
ترا ايوه مشارك ماهو بعلشان الجايزه
لا من باب المشاركه
واتحدى اي واحد يرشحني:
وفيها زايد ال نهيان
اسف زايد عفاكم