رديّه بين ابن شلحاط وابن جدلان

[سلطان]

بسم الله الرحمن الرحيم

السلام عليكم ورحمة الله وبركاته


هذه رديّه بين الشاعرين الكبرين

مانع بن شلحاط العجمي& سعد بن جدلان الأ***ـي

مانع بن شلحاط




سلام من باب التعارف على طول

ياسيّد القيفـان مـزري فحلهـا
تلتني اللهفه على شيفـة الـزول

ياعيد ميـلاد النفـوس وزعلهـا

ياسعد ابن جدلان مع كثرة الضول

صوتك تبيّـن والجماهيـر ولهـا

والا انتحى مثلك عن السوق لحول

وعادك بعد عامين ألهـا وألهـا

يالا***ي ياكثر مارثة ابـا الهـول

اللـي تبيّـن للعـوارف جهلهـا

ذا قول منهو عن حكاياه مسـؤل

وجهود غـراة القريحـه بذلهـا

سلام ابن شلحاط يهديه لزحـول

لرجال بيشه والشقيقـه واهلهـا



سعد بن جدلان




يامرحبا مادونهـا بـاب مقفـول

لبوابها ريمـوت بيديـن اهلهـا

للي لهم لب السراجيـف مدهـول

تسقـي مزارعهـا وتبنـي فللها

صوتك يابن شلحاط بالحيل مقبول

والاصوات من يصغي لاهلها قبلها

ودام النقاده تتجه ضـد مجهـول

مافيه اجابه كـود للـي سألهـا

حنا ليا شفنا الهوايل وش نقـول

نقول من عاج العصـيّ يعدلهـا

ولو هل البلسم يـداوون معلـول

شمس المعارف ماربح من نقلها

والصوره اللي في متاحف سطنبول

مـن حبّهـا ولا محبّـة عملهـا

ويصيّح القناص ياجـول ياجـول

وآخر نهاية نقطة الجيـم شلهـا




فالكم الطيب
مغليكم

[زير واااايله]

بالفعل شعار كبار جدا وصحت السنتهم على هذه الابيات الرائعه

سلمت يمينك ياذيب على هالنقل الممتع جدا وننتضر روائعك


تقبل مروري ياسلطان

اخوك
زير وااايله

[سلطان]

زير وايله

لاهنت على المرور منور الموضوع بوجودك