المساعد الشخصي الرقمي

مشاهدة النسخة كاملة : عزة النفس

azzoz
21-06-2002, 04:46 PM
تقابلت بالصدفه معه بعد طول غياب
وقفت أساله وأقول وش غيبك عني
بعثت الرسايل لك ولاجالها جواب
وبين الرجا والياس لازلت راهني
ولاجاني المرسال من عندكم بكتاب
وانا في رجا المرسول بالعلم ياصلني
بعد عشرتك خمسة اعوام(ن)مضت بحساب
تغيرت من تالي ولنت بعلى ظني
فلي كاني زليت وضح لي الاسباب
على شان أعرفه وأدري ان الخطا مني
ولي كنت يالمجمول في مقصدك لعاب
فلاعشرة البوار يالعذب تجهلني
ولاني من اللي يشفعه ضحكة(ن) بالناب
وبسمة لعوب البيض ماهي تشهجني
ولي عادة(ن)ماسايرالماكرالكذاب
ولامشي مع اللي في الموده يجاملني
ولاخيل برق(ن) سرى في بلاد أجناب
ولشفي لهرج صد به قايله مني
من إختار بعدي في طريقه فتحت الباب
ولابعد من يختار فرقاي يحزني
ولاني لهمج الما وباقي الخمج شراب
على عز نفسي خالق الكون عايني
أحب الوفا وأهل الوفا خيرة الاصحاب
ولاعد منهومحتقرني وهايني


الشاعر@ حمد بن محمد بن شامان (لشول)
محمد بن مدران اليامي
21-06-2002, 05:26 PM
صح لسانك ولسانه حقيقة انا سمعت له قصايد فى قمة الروعه اتمنى منك

نشرها ان كان لايستطيع التواصل معنا .........


لك جزيل الشكر اخوك محمد
azzoz
21-06-2002, 05:37 PM
شكرا ايها الشاعر اللامع وأعدك بالمزيد لذلك الشاعر
سايق الخير
21-06-2002, 11:13 PM
الله يعطيك العافية .......على هذه الرائعة الجديدة .............وصح لسانك ولسان الشاعر............وننتظر منك المزيد فلا تبتعد ...........ايها المبدع.
azzoz
24-06-2002, 04:58 AM
الأخ سايق الخير

الله يعافيك ويطول عمرك... وشكرا على المجامله وأعدك بالمزيد........تحياتي